1 Tɛsalɔnikɛ 2:10 - Fana Ngbangɔ 1987

¹⁰ Ĩ hĩnga ndo ye mɛ e li, ko Nzapa ahĩnga ndo nga ni. Ngoi mɛ ndo e dɛ ka popo tɛ ĩ ko, sé du tɛ e ndo nzɔ̃ni, nga bɛtani, ko ta azi abela ndo e ma.

1 Tɛsalɔnikɛ 2:10 Iomraidhean Croise

Luka 23:41

Pɛnɔ mɛ mbi na mɔ e ndohũ ko, adu na seni, ta sanga ma, siɔ ye mɛ ndo e ndoli la adiri ndo e. Kanda tɛ lo ko, ta lo li siɔ ye bɛ kɔi ma.”

Awa Pangɔ Kwa 20:18

Ngoi mɛ ala ĩ ga ĩ tã lo ko, lo pa hɛ̃ la ya: “Ato bo na lá ko ndo mbi si ka sese ti Azia, nga na ngoi zu mɛ ndo mbi ka popo tɛ ĩ ko, ĩ hĩnga ndo se li ye tɛ mbi.

Awa Pangɔ Kwa 20:26

Nda mɛ mbi pa hɛ̃ ĩ na lá olo ya, se zo kɔi na popo tɛ ĩ ti yu lege tɛ Nzapa ko, ta nda ni tɛrɛ mbi ma,

Awa Pangɔ Kwa 24:16

Nda mɛ mbi ndoli kpengbani ya, ale mbi du na vuru bɛ ngoi zu ka gbɛlɛ Nzapa, nga ka gbɛlɛ azi la.

2 Kɔrinto 1:12

Ĩ ba ye mɛ e lengbi ti gondangɔ tɛrɛ e na lo ni lo mɛ: e hĩnga nzɔ̃ni ge ya bɛ e ya, na ya du tɛ e ge lɛ sese, mai bo du mɛ e du ka popo tɛ ĩ ko, du ni adu bɛtani, adu nga mbiri mbiri. Ko Nzapa la ali ya, du ni ko adu so. Wa ta du tɛ e adu so, na lo ti ndara tɛ azi ti lɛ sese ma, kanda adu na lo ti nzɔ̃ bɛ tɛ Nzapa.

2 Kɔrinto 11:11

Mbi tɛnɛ so, na lo mɛ ya, ta mbi ndoye ĩ ma? Ipɔ! Nzapa ahĩnga ya, mbi ndoye ĩ!

2 Kɔrinto 11:31

Nzapa mɛ To Gbia Yezo ahĩnga ya, tɛnɛ ko la mbi tɛnɛ ko, ta adu nvɛnɛ ma. Agonda bɛ Nzapa buru na buru ma ke!

2 Kɔrinto 4:2

Na ya kwa mɛ e ndoli ko, e kɛ̃ lingɔ aye ti kamɛnɛ nga na aye ti gbe mbingo. Ta e ndoli ye na poroso ma, ta e ndogbinya tɛnɛ tɛ Nzapa ati ndɛ̃ ma. Kanda e ndopa bɛta tɛnɛ tɛ Nzapa yango, ko lo ndohũ e. E ndoli so ya, azi zu ahĩnga ya, e abɛta azi.

2 Kɔrinto 5:11

Na lo ni ko, e hĩnga nda mɛ e ndokpɛ Gbia Yezo, ko e ndogi kɔdɛ ya, e pa hɛ̃ azi ya, ala ye lo tɛ lo. Nzapa ahĩnga e nzɔ̃ni sĩ, ko mbi da bɛ mbi ya, ka ya bɛ ĩ nvɛni ko, ĩ hĩnga nga e nzɔ̃ni.

2 Kɔrinto 7:2

Ale ĩ ndofa na e ya, ĩ ndoye e. Ta e li siɔ ye tɛrɛ zo kɔi ma, ta e gbɛ̃ ndo zo kɔi ma, ta e handa ndo nga zo kɔi, e mu ye tɛ lo ti lo ma.

1 Tɛsalɔnikɛ 1:5

Ta sanga ma, ta e pa ndo Nzɔ̃ Pa hɛ̃ ĩ bo na nyɔ e gɛgɛrɛ ma, kanda e pa ndo nga ni na nguru tɛ Tɔrɔ Santo. E hĩnga ndo nzɔ̃ni ya, Nzɔ̃ Pa mɛ ndo e pa ko, adu bɛtani buai. Ngoi mɛ ndo e dɛ ka popo tɛ ĩ ko, ĩ hĩnga ndo se du tɛ e, ko e ndoli ndo so ya, e za ĩ.

1 Tɛsalɔnikɛ 2:5

Ĩ hĩnga nzɔ̃ni ya, ta e tɛnɛ ndo nzɔ̃ tɛnɛ fani kɔi ya, e kara na ĩ lɛkpɛ lɛkpɛ ma, ta e tɛnɛ ndo nga tɛnɛ kɔi ya, ĩ hɛ̃ e ye na lo ni ma. Nzapa nvɛni ahĩnga ya, tɛnɛ tɛ e adu na seni.

2 Tɛsalɔnikɛ 3:7

E fa ndo ĩ na nzɔ̃ le lo, ko ĩ nvɛni ĩ hĩnga se mɛ ale ĩ ndomanda nga na lingɔ nzɔ̃ lɛ lo ni nzɔ̃ni. Ta sanga ma, ngoi mɛ ndo e de ka tɛ ĩ ko, ta e kɛ̃ ndo lingɔ kwa ma.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

2 Timɔte 3:10

Wa tɛ mɔ ko, mɔ hĩnga ye mɛ mbi ndoha na azi, mɔ hĩnga nga se li ye tɛ mbi. Mɔ hĩnga nda kwa mɛ mbi ndoli, mɔ hĩnga se mɛ mbi ye na lo tɛ Yezo bɛ mbi kɔi. Mɔ hĩnga yɔngɔrɔ bɛ tɛ mbi, mɔ hĩnga yengɔ mɛ mbi ye na azi, mɔ hĩnga nga gbengɔ bɛ tɛ mbi.

1 Petro 5:3

Azi tɛ Nzapa mɛ lo zia la na ti ĩ ya, ĩ bata la ko, ta ĩ lɛ gbia ndo la na nguru ma. Kanda ale ĩ fa la na nzɔ̃ lɛ lo, wadila ala mu nzɔ̃ se li ye tɛ ĩ.