1 Tɛsalɔnikɛ 2:1 - Fana Ngbangɔ 1987

¹ Aya bua, ĩ nvɛni ĩ hĩnga nzɔ̃ni ya, ta e nɔ ndo ka tɛ ĩ sanga ma.

1 Tɛsalɔnikɛ 2:1 Iomraidhean Croise

1 Kɔrinto 15:10

Kanda na lo ti nzɔ̃ bɛ mɛ Nzapa ali hɛ̃ mbi, la mbi ti zo nga ma se mɛ ĩ ndohũ na mbi na olo, ko ta nzɔ̃ bɛ ni agwe gɛgɛrɛ ma. Ko mbi li ndo kwa mbi ɔ awa pangɔ kwa tɛ Yezo mɛ ndɛ̃ zu. Kanda ti biani ko, ta na lo nguru tɛ mbi nvɛni la mbi li ndo kwa ni ko ma, adu na lo nzɔ̃ bɛ mɛ Nzapa ali hɛ̃ mbi la mbi li ndo kwa ni ko.

1 Kɔrinto 15:2

Se ĩ kpã bɛ ĩ ndo ni bo nga ma se mɛ ndo mbi pa na ni hɛ̃ ĩ ko, Nzapa aso ĩ na lo ni. Ta so ma ko, oko afa ya, ĩ ye ndo lo ni gɛgɛrɛ.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

2 Kɔrinto 6:1

Ko e mɛ e ndoli kwa ndoni kɔi na Nzapa ko, e gbɔ̃ gɛrɛ ĩ ya, ta ĩ zia nzɔ̃ bɛ mɛ ndo Nzapa ali hɛ̃ ĩ ati gɛgɛrɛ ma.

Galatia 2:2

Mbi nɔ ndo ka Yeruzalɛmɛ, na lo mɛ ya, Nzapa apa ndo hɛ̃ mbi ya, mbi nɔ kai. Ngoi mɛ mbi si kai ko, bo mbi na awa batangɔ azi ti Eklezia ndo la e gbe lingo. Na ngoi ti lingo ni ko, mbi kambisa ndo hɛ̃ la Nzɔ̃ Pa mɛ mbi ndopa hɛ̃ azi mɛ ta Ayuda ma. Ta mbi ye ndo ya, kwa mɛ ndo mbi li, bere omɛ mbi ndoli ati gɛgɛrɛ ma.

Galatia 4:11

Ye mɛ mbɛtɔ ni ndogbɔ̃ mbi la, ale ta kwa mɛ ndo mbi li ka tɛ ĩ agwe gɛgɛrɛ ma.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

1 Tɛsalɔnikɛ 2:13

Ĩ ba nga nda mɛ e ndohɛ̃ sia kɔli hɛ̃ Nzapa ngoi zu na lo tɛ ĩ lo mɛ: ngoi mɛ ndo e pa na tɛnɛ tɛ Nzapa hɛ̃ ĩ ko, ĩ ma ndo ni, ĩ ye ndo nga lo ni. Ko ta ĩ ye ndo lo ni ya, adu tɛnɛ mɛ alo ka tɛ azi ma, kanda ĩ ye ndo lo ni ya, adu tɛnɛ mɛ alo ka tɛ Nzapa. Biani, seni bo la. Ko tɛnɛ ni ndoli kwa ka ya bɛ ĩ awa Kristo.

1 Tɛsalɔnikɛ 3:5

Mbi ha gbengɔ bɛ mbi gba, la mbi to Timɔte ka tɛ ĩ ya, lo ba bere ĩ dɛ bo na yengɔ lo tɛ Yezo Kristo kpɔ! Mbi ndokpe ndo ya, bere Satana ka ahanda ĩ, ko kwa tɛ e ka ati gɛgɛrɛ.

2 Tɛsalɔnikɛ 1:10

Ala na tongɔ nda hũngɔ pɛnɔ ni na lá mɛ gbanda Gbia Yezo adiri aga na ni. Lo ga gbanda na lá ni ko ya, azi tɛ ni zu mɛ awa yengɔ lo tɛ ni agonda ni, atɔndɔ nga ni. Ĩ nga na tɔndɔngɔ lo, ta sanga ma, ĩ ye ndo tɛnɛ tɛ lo mɛ ndo e pa hɛ̃ ĩ.

2 Tɛsalɔnikɛ 3:1

Aya bua, ti kɔngɔ nda ni ko, e gbɔ̃ gɛrɛ ĩ ya, ĩ sambela Nzapa na lo tɛ e, wadila tɛnɛ tɛ Gbia Yezo afɔnɔ na le sese hiɔ hiɔ, ko azi atɔndɔ nga ni, nga ma se mɛ ĩ ndotɔndɔ na ni.