1 Tɛsalɔnikɛ 1:9 - Fana Ngbangɔ 1987

⁹ Azi ndopa se mɛ ndo ĩ yamba na e, na ngoi mɛ ndo e si ka tɛ ĩ. Ala ndopa nga se mɛ ndo ĩ dɔ vɔrɔngɔ angbilondo ĩ zia, so lingɔ kwa hɛ̃ bɛta Nzapa mɛ lɛ lo ngɛ̃,

1 Tɛsalɔnikɛ 1:9 Iomraidhean Croise

Matie 16:16

Simɔ Petro agbinya hɛ̃ lo ya: “Mɔ Mɛsia, mɔ Nyi Nzapa mɛ lɛ lo ngɛ̃.”

Awa Pangɔ Kwa 14:15

“Akwa, nda mɛ ĩ li nga so nɛ? E du azi nga ma ĩ. E ga so pangɔ Nzɔ̃ Pa hɛ̃ ĩ ya, e wa ĩ na nzɔ̃ wangɔ, wa ĩ zia vɔrɔngɔ agɛgɛrɛ angbilondo, ko ĩ gbinya bɛ ĩ, ĩ ti azi tɛ Nzapa mɛ le lo ngɛ̃. Lo la lo li yayu, na sese, na ngu, nga na aye kwɛ zu.

Roma 9:26

Ko ndo mɛ ndo mbi pa na tɛnɛ hɛ̃ azi da ya: ‘Ta ĩ azi tɛ mbi ma’ ko, Ndo mɛ gbanda mbi Nzapa mɛ le mbi ngɛ̃, Mbi ili na la da ya, ala aya mbi la.”

1 Kɔrinto 12:2

Ĩ hĩnga ya, ngoi mɛ ndo ĩ dɛ apaganɔ ko, ĩ ndohɛ̃ ndo tɛrɛ ĩ so vɔrɔngɔ angbilondo mɛ ta ndotɛnɛ tɛnɛ ma, ko ta ĩ ndo na nguru ti kɛ̃ngɔ lo hɛ̃ la ma.

1 Tɛsalɔnikɛ 2:1

Aya bua, ĩ nvɛni ĩ hĩnga nzɔ̃ni ya, ta e nɔ ndo ka tɛ ĩ sanga ma.

1 Tɛsalɔnikɛ 2:13

Ĩ ba nga nda mɛ e ndohɛ̃ sia kɔli hɛ̃ Nzapa ngoi zu na lo tɛ ĩ lo mɛ: ngoi mɛ ndo e pa na tɛnɛ tɛ Nzapa hɛ̃ ĩ ko, ĩ ma ndo ni, ĩ ye ndo nga lo ni. Ko ta ĩ ye ndo lo ni ya, adu tɛnɛ mɛ alo ka tɛ azi ma, kanda ĩ ye ndo lo ni ya, adu tɛnɛ mɛ alo ka tɛ Nzapa. Biani, seni bo la. Ko tɛnɛ ni ndoli kwa ka ya bɛ ĩ awa Kristo.

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

Aebreo 12:22

Kanda ndo mɛ ĩ i tɛrɛ ĩ ka tɔ̃ ni, adu hɔtɔ mɛ ili ni la Siona, ĩ i nga tɛrɛ ĩ ka tɔ̃ kɔdɔrɔ tɛ Nzapa mɛ lɛ lo ngɛ̃. Kɔdɔrɔ ni la Yeruzalɛmɛ mɛ ka yayu, ndo mɛ aangelo da hingo hingo.

1 Yoanɛ 5:21

Aya mbi, ta ĩ ye lo tɛ angbilondo bɛ gbɔ ma o!

Suma 17:2

Agbia ti lɛ sese ana ngbabo ni ali ndo aye ti kamɛnɛ. Azi ti lɛ sese ali ndo aye ti kamɛnɛ so ya kɔdɔrɔ ni, ko ye ti kamɛnɛ ni agbɔ̃nɔ ndo la nga ma kana.”