1 Tɛsalɔnikɛ 1:8 - Fana Ngbangɔ 1987

⁸ Na lo tɛ ĩ ndo la azi ahĩnga tɛnɛ tɛ Gbia ka tɛ ĩ, ta bo ka sese ti Masedoanɛ na sese ti Grɛsɛ kɔi ma. Kanda na ndo kwɛ zu la azi ahĩnga lo yengɔ lo tɛ Nzapa mɛ ka bɛ ĩ, ko ta e lengbi ti tɛnɛngɔ oko tɛnɛngɔ ma.

1 Tɛsalɔnikɛ 1:8 Iomraidhean Croise

Awa Pangɔ Kwa 18:12

Ko ngoi mɛ ndo Galiona mɛ wa Roma adu gbia tɛ leta ka sese ti Grɛsɛ ko, Ayuda abombi tɛrɛ la ndo Polo, agbɔ̃ lo, anɔ na lo ka da ngbanga.

Roma 1:8

Uzu ti tongɔ nda tɛnɛ tɛ mbi ko, mbi hɛ̃ sia kɔli ti ndo Yezo Kristo hɛ̃ To mbi Nzapa na lo tɛ ĩ zu. Ta sanga ma, na lɛ sese zu ko, azi ndopa lo ti lo yengɔ tɛ ĩ.

Roma 15:26

Ta sanga ma, awa Kristo ti Masedoanɛ na ti Grɛsɛ aye ndo ya, ani sɔrɔ faranga, ani za na awa Kristo mɛ awa yɛlɛ ka Yeruzalɛmɛ.

Roma 16:19

Azi zu ahĩnga ya, ĩ ndoma nyɔ Gbia. Bɛ mbi ndode sĩ na lo tɛ ĩ, ko mbi ndosepara ya, ĩ du na ndara so lingɔ nzɔ̃ ye, ko ĩ́ du nga na vuru bɛ so kɛ̃ngɔ siɔ ye.

1 Kɔrinto 14:36

Ĩ ndoda bɛ ĩ ya, tɛnɛ tɛ Nzapa ato nda ni ka tɛ ĩ? Bere ĩ ndoda nga bɛ ĩ ya, bo ĩ kɔi la ĩ ma ndo tɛnɛ ni?

2 Kɔrinto 2:14

É hɛ̃ sia kɔli hɛ̃ Nzapa! Ta sanga ma, lo ndode uzu tɛ e ngoi zu na ya nɔ tɛ e so fangɔ ya, Yezo Kristo anwɔ asiɔ lo zu. Ko oko afa nga ya, e nwɔ nga ni zu, na lo mɛ ya, e na Yezo Kristo e ti bo kɔi. Nzapa ndoto e na ndo kwɛ, ya e pa tɛnɛ tɛ Yezo Kristo, wadila azi ahĩnga lo. Tɛnɛ ni adu nga ma nzɔ̃ yɔmbɔ mɛ afũ amu ndo kwɛ.

2 Kɔrinto 3:4

E tɛnɛ so, na lo mɛ ya, na lo tɛ Yezo Kristo la e hĩnga ya, Nzapa la ato e.

Kɔlɔsɛ 3:16

Ngbondo tɛnɛ tɛ Yezo Kristo mɛ na anzɔ̃ lo da sĩ adu bɛ ka ya bɛ ĩ ma ke! Ale ĩ ndoha afɔ̃ ĩ na lo tɛ Nzapa, ĩ tisa nga la na ndara zu, ale ĩ ndoye bia hɛ̃ Nzapa na bɛ ĩ zu, ĩ ye bia ti ya Buku tɛ Nzapa, na abia Nzapa, nga na ambanga bia mɛ Tɔrɔ Santo afa na ĩ. Ale ĩ ndoye abia ni ko hɛ̃ Nzapa ndoni kɔi na hɛ̃ngɔ lo sia kɔli.

2 Tɛsalɔnikɛ 1:4

Na lo ni la, ngoi mɛ e ndodu na popo tɛ azi ti Eklezia tɛ Nzapa ko, e ndotɛnɛ tɛnɛ tɛ ĩ na dengɔ bɛ. Ta sanga ma, na ya apɛnɔ zu mɛ azi ndohɛ̃ ĩ, nga na ya giangɔ bɛ zu mɛ azi ndogia na ĩ ko, ĩ ndogbe bo bɛ ĩ, ko ĩ ndongbã bo na yengɔ lo tɛ Yezo Kristo.

2 Tɛsalɔnikɛ 3:1

Aya bua, ti kɔngɔ nda ni ko, e gbɔ̃ gɛrɛ ĩ ya, ĩ sambela Nzapa na lo tɛ e, wadila tɛnɛ tɛ Gbia Yezo afɔnɔ na le sese hiɔ hiɔ, ko azi atɔndɔ nga ni, nga ma se mɛ ĩ ndotɔndɔ na ni.

1 Timɔte 2:8

Na lo ni la mbi ye ya, na ndo kwɛ ko, akɔli asambela Nzapa, aya ti la ndozu so vɔrɔngɔ lo na bɛ mɛ vuruni, ta ala du na ngɔnzɔ ma, ta ala pa nga pa ma.

2 Timɔte 2:9

Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

3 Yoanɛ 1:12

Azi zu ndogonda Demetriusi na lo nzɔ̃ ye mɛ lo ndoli, ko dɔngɔ nɔ tɛ lo na bɛta lege tɛ Nzapa ndofa nga ni. E nvɛni e pa nga ya, lo ndoli nzɔ̃ni, ko mɔ hĩnga ya, tɛnɛ ko e tɛnɛ ko adu biani.

Suma 14:6

Mbi hũ angelo mɛ ndɛ̃ so ndoɔ ka lɛ ndozu yanga yenge. Lo ndoɔ so pangɔ hɛ̃ azi ti lɛ sese Nzɔ̃ Pa mɛ ndongbã kaka. Lo ndoɔ so pangɔ Nzɔ̃ Pa ni hɛ̃ azi ti lɛ sese zu, ti ale zu, nga na ti yanga kɔdɔrɔ zu.

Suma 22:17

La Tɔrɔ Santo ana wali tɛ Nyi Ngasã Ngbaga apa ya: “Ga!” Zo ko la ama tɛnɛ ni ko, ale lo pa nga ya: “Ga!” Zo ko la gwɛ̃ ngu agbɔ̃ lo ko, ale lo ga lo nyɔ ni. Zo ko la aye nyɔngɔ ngu mɛ ndohɛ̃ zo bɛta du ko, lo lua ni gɛgɛrɛ.