1 Tɛsalɔnikɛ 1:7 - Fana Ngbangɔ 1987

⁷ Na lo ni ko, ĩ ti awa fangɔ nzɔ̃ lɛ lo hɛ̃ awa Kristo zu mɛ ndodu ka sese ti Masedoanɛ, nga na ala mɛ ka sese ti Grɛsɛ.

1 Tɛsalɔnikɛ 1:7 Iomraidhean Croise

Awa Pangɔ Kwa 1:13

Ala ĩ si ka Yeruzalɛmɛ, na se li ye tɛ la ko, ala ma ka ya da kɔi mɛ ka ndozu. Ili awa pangɔ kwa ni ko ndo lo mɛ: Petro, na Yoanɛ, na Zaki, na Andre, na Filipo, na Toma, na Bartelemi, na Matie, na Zaki mɛ nyi Alfe, na Simɔ wa gingɔ lipandasi, nga na Yudɛ mɛ nyi Zaki.

Awa Pangɔ Kwa 16:12

E ti e lo so ndo ko, e gwe ka kɔdɔrɔ mɛ ili ni la Filipɛ. Ko e la so ndo ko bi gba. Adu kɔdɔrɔ mɛ ndo na gbe ti awa Roma. Kɔdɔrɔ ni ndo kota kɔdɔrɔ kɔi ka sese ti Masedoanɛ.

Awa Pangɔ Kwa 18:1

So pɛni, Polo alo so Atɛnɛ, agwe ka Kɔrinto.

Awa Pangɔ Kwa 18:12

Ko ngoi mɛ ndo Galiona mɛ wa Roma adu gbia tɛ leta ka sese ti Grɛsɛ ko, Ayuda abombi tɛrɛ la ndo Polo, agbɔ̃ lo, anɔ na lo ka da ngbanga.

Awa Pangɔ Kwa 19:21

Na pɛ aye ko zu ko, Polo asepara ndo fangbingɔ ti le sese ti Masedoanɛ, na ti Grɛsɛ, wa ni gwe ka Yeruzalɛmɛ. Lo pa ndo ya: “Ngoi mɛ gbanda mbi si kai ko, ale mbi si nga ka Roma.”

Roma 15:26

Ta sanga ma, awa Kristo ti Masedoanɛ na ti Grɛsɛ aye ndo ya, ani sɔrɔ faranga, ani za na awa Kristo mɛ awa yɛlɛ ka Yeruzalɛmɛ.

2 Kɔrinto 1:1

Mbi Polo mɛ ndo Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, nga na nyita e Timɔte la e to mbɛti olo hɛ̃ ĩ. E bala ĩ. E to mbɛti olo hɛ̃ ĩ azi ti Eklezia mɛ ka Kɔrinto. E to nga mbɛti ni hɛ̃ azi tɛ Nzapa zu mɛ ndodu ka sese ti Grɛsɛ zu.

2 Kɔrinto 9:2

Ta sanga ma, mbi hĩnga ya, ĩ ndoye zangɔ la sĩ. Ko mbi gonda ndo tɛrɛ mbi hɛ̃ azi ti sese ti Masedoanɛ na lo tɛ ĩ ya: “Buru mɛ biri aɔ ko, ayata e awa Kristo mɛ ka sese ti Grɛsɛ alɛkɛ tɛrɛ la ya, ani za awa Kristo mɛ ka Yudea.” Azi ti Masedoanɛ ĩ ma so ko, nguru asa tɛrɛ azi gba na popo tɛ la na lo ti tɛrɛ ĩ mɛ ĩ hɛ̃ so zangɔ awa Kristo mɛ ka Yudea.

1 Tɛsalɔnikɛ 1:8

Na lo tɛ ĩ ndo la azi ahĩnga tɛnɛ tɛ Gbia ka tɛ ĩ, ta bo ka sese ti Masedoanɛ na sese ti Grɛsɛ kɔi ma. Kanda na ndo kwɛ zu la azi ahĩnga lo yengɔ lo tɛ Nzapa mɛ ka bɛ ĩ, ko ta e lengbi ti tɛnɛngɔ oko tɛnɛngɔ ma.

1 Tɛsalɔnikɛ 4:10

Biani, se mɛ ĩ ndoye nga na awa Kristo zu mɛ ndodu ka sese ti Masedoanɛ la. Kanda e gbɔ̃ gɛrɛ ĩ ya, ĩ ti yengbi aɔ ndo ti uzu.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.

1 Petro 5:3

Azi tɛ Nzapa mɛ lo zia la na ti ĩ ya, ĩ bata la ko, ta ĩ lɛ gbia ndo la na nguru ma. Kanda ale ĩ fa la na nzɔ̃ lɛ lo, wadila ala mu nzɔ̃ se li ye tɛ ĩ.