1 Tɛsalɔnikɛ 1:6 - Fana Ngbangɔ 1987

⁶ Ĩ mu ndo nzɔ̃ lɛ lo tɛ e, ĩ mu ndo nga tɛ Gbia Yezo. Ngoi mɛ ndo ĩ ye tɛnɛ tɛ Nzapa ko, ĩ hũ ndo pɛnɔ sĩ na lo ni, kanda Tɔrɔ Santo ahɛ̃ ndo ĩ dengɔ bɛ na lo ni.

1 Tɛsalɔnikɛ 1:6 Iomraidhean Croise

Matie 16:24

So pɛni, Yezo apa hɛ̃ ava lo ya: “Se zo aye ya, ni ga e na ni, e ɔ ndoni kɔi ko, ale lo zia dangɔ bɛ lo na tɛrɛ lo nvɛni, ale lo yɔ nga krusi tɛ lo so fangɔ ya, ni ye hũngɔ pɛnɔ, wadila lo ga, ko mbi na lo e ɔ ndoni kɔi.

Yoanɛ 8:12

Yezo apa nga hɛ̃ azi ko butu butu ya: “Mbi wa vurungɔ na ndo na lo tɛ azi ti lɛ sese. Zo ko la aga e na lo e ɔ ndoni kɔi ko, ta lo ti dɔ nɔ na ya mbingo ma, kanda lo na dɔngɔ nɔ na vuru ndo mɛ ndofa azi na lege ti luangɔ beta du.”

Awa Pangɔ Kwa 13:52

Ka kɔdɔrɔ ti Antiɔsɛ mɛ ndo ala lo ka da ko, bɛ awa Kristo ade ndo sĩ, ko Tɔrɔ Santo asa ndo nguru bɛ la.

Awa Pangɔ Kwa 5:41

Awa pangɔ kwa tɛ Yezo azia awa fangɔ ngbanga agwe na dengɔ bɛ, ta sanga ma, Nzapa aye ndo ya, ale ali la siɔni na lo tɛ Yezo.

Awa Pangɔ Kwa 9:31

Azia ndo hɛ̃ngɔ pɛnɔ hɛ̃ azi zu mɛ ka ya Eklezia ti Yudea, na ti Galilea nga na ti Samaria, la ala lua bɛ pii. Ala ndomai ndo na ya lo yengɔ tɛ la, ala ndotɔndɔ ndo nga Gbia. Ala ndobu ndo bungɔ, na lo mɛ ya, Tɔrɔ Santo aza ndo la.

Roma 15:13

Nzapa mɛ ndoli ya, e lɛndɛrɛ ni ko, lo li bɛ ya, bɛ ĩ ade zɔgɔrɔ ma ke! Lo li bɛ nga ya, ĩ lua bɛ pii aɔ ndoni, na lo mɛ ya, ĩ ye lo tɛ lo ma ke! Lo li bɛ so ya, na lo nguru tɛ Tɔrɔ Santo ko, ĩ lɛndɛrɛ lo kpengbani ma ke!

1 Kɔrinto 11:1

Ale ĩ mu nzɔ̃ lɛ lo tɛ mbi nga ma se mɛ mbi ndomu na nzɔ̃ lɛ lo tɛ Yezo Kristo.

1 Kɔrinto 11:2

Mbi gonda ĩ, na lo ko la ĩ ndoda bɛ ĩ na mbi ngoi zu, nga na lo ko la ĩ ndoli ye mɛ ndo mbi ha na ĩ.

1 Kɔrinto 4:16

Nda mɛ mbi gbɔ̃ gɛrɛ ĩ ya, ĩ mu nzɔ̃ lɛ lo tɛ mbi la.

2 Kɔrinto 6:10

Andohɛ̃ e vundu, kanda e bo ngoi zu na dengɔ bɛ. Andohũ e nga ma e awa yɛlɛ, kanda e li azi ma ya ma ati awa nwa ka lɛ Nzapa. Andohũ e nga ma ta e na ye ma, kanda ti biani ko, e na ye kwɛ zu.

2 Kɔrinto 8:5

Ye mɛ ndo ala li ko, aɔ dangɔ bɛ tɛ e: ala hɛ̃ ndo tɛrɛ la zu hɛ̃ Gbia Yezo, so pɛni ala hɛ̃ nga tɛrɛ la hɛ̃ e, nga ma se mɛ Nzapa aye na ni.

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Efɛzɛ 5:1

Oko la ĩ du ayangambi mɛ Nzapa ndoye ĩ sĩ ko, ĩ li kpengbani ya, ĩ mu nzɔ lɛ lo tɛ lo.

Filipɛ 3:17

Aya bua, ale ĩ zu ĩ mu nzɔ̃ lɛ lo tɛ mbi. E fa ĩ ndo na nzɔ̃ lɛ lo, wa í ba sé du tɛ azi mɛ amu nzɔ̃ lɛ lo tɛ e.

2 Tɛsalɔnikɛ 1:4

Na lo ni la, ngoi mɛ e ndodu na popo tɛ azi ti Eklezia tɛ Nzapa ko, e ndotɛnɛ tɛnɛ tɛ ĩ na dengɔ bɛ. Ta sanga ma, na ya apɛnɔ zu mɛ azi ndohɛ̃ ĩ, nga na ya giangɔ bɛ zu mɛ azi ndogia na ĩ ko, ĩ ndogbe bo bɛ ĩ, ko ĩ ndongbã bo na yengɔ lo tɛ Yezo Kristo.

2 Tɛsalɔnikɛ 3:7

E fa ndo ĩ na nzɔ̃ le lo, ko ĩ nvɛni ĩ hĩnga se mɛ ale ĩ ndomanda nga na lingɔ nzɔ̃ lɛ lo ni nzɔ̃ni. Ta sanga ma, ngoi mɛ ndo e de ka tɛ ĩ ko, ta e kɛ̃ ndo lingɔ kwa ma.

2 Tɛsalɔnikɛ 3:9

Biani, e lengbi ndo ti yɔngɔ tɛ na ti ĩ ya, ĩ hẽ e, e tɛ. Kanda ta e yɔ ndo ni ma, na lo mɛ ya, e ye ndo fangɔ ĩ na nzɔ̃ lɛ lo ya, ĩ manda ni.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Aebreo 10:34

Ĩ ndoma ndo vundu tɛ awa bɔlɔkɔ na lo ti apɛnɔ tɛ la. Ngoi mɛ ndo azi agbɔ̃ aye tɛ ĩ na ti ĩ ko, ĩ ye ndo na dengɔ bɛ ya, ala mu ni na ti ĩ. Ta sanga ma, ĩ hĩnga ya, ĩ na anzɔ̃ ye mɛ andongbã buru na buru.

1 Petro 1:6

Na lo ni la ĩ ndosaba. Abɛ adu na olo ya, ĩ ndohũ le apɛnɔ ndɛ̃ ndɛ̃ ndɛ̃ mɛ ndotara bɛ ĩ na pɛ nyi ngoi ko, ĩ ndodu na dengɔ bɛ.

1 Petro 1:8

Abɛ ta ĩ hũ ndo Yezo Kristo na lɛ ĩ ma ko, bɛ ĩ aye lo. Abɛ ta ĩ ndohũ lo na olo ma ko, ĩ ye lo tɛ lo. Nda mɛ ĩ ndosaba, bɛ ĩ ndode nga ma wo ma la. Dengɔ bɛ ni adu kotani buai, ta kɔdɛ ti kambisangɔ ni da ma.

1 Petro 3:13

Se ĩ li anzɔ̃ ye na gonvɛnɛ ko, ta zo kɔi ti lingɔ ĩ siɔni da ma.

3 Yoanɛ 1:11

Kwa mbi ti kpɔ̃ bɛ mbi, ta mɔ mu se li ye tɛ zo ko ndoli siɔ lo ma, mu se li ye tɛ wa lingɔ nzɔ̃ lo. Zo ko ndoli nzɔ̃ lo ko, zo tɛ Nzapa la, kanda zo ko ndoli siɔ lo ko, ta lo hĩnga Nzapa ma.