1 Tɛsalɔnikɛ 1:5 - Fana Ngbangɔ 1987

⁵ Ta sanga ma, ta e pa ndo Nzɔ̃ Pa hɛ̃ ĩ bo na nyɔ e gɛgɛrɛ ma, kanda e pa ndo nga ni na nguru tɛ Tɔrɔ Santo. E hĩnga ndo nzɔ̃ni ya, Nzɔ̃ Pa mɛ ndo e pa ko, adu bɛtani buai. Ngoi mɛ ndo e dɛ ka popo tɛ ĩ ko, ĩ hĩnga ndo se du tɛ e, ko e ndoli ndo so ya, e za ĩ.

1 Tɛsalɔnikɛ 1:5 Iomraidhean Croise

Marko 16:20

La ava Yezo agwe ti pangɔ Nzɔ̃ Pa hɛ̃ azi na ndo kwɛ zu. Gbia Yezo na la ndoli ndo kwa ndoni kɔi. Na lo ti aye ti kpɛnɛ mɛ ala ndoli ko, lo fa hɛ̃ azi ya, Nzɔ̃ Pa mɛ ava ni ndoha adu beta lo.]

Luka 1:1

Malo Teofilɛ, azi sĩni atara ndo sungɔ pa ti aye mɛ ndo asi na popo tɛ e. Ko ala su ndo ni bo nga ma se mɛ ndo azi mɛ ahũ ni kɔzoni, apa na ni hɛ̃ e. Ko azi ni ko ndo la Nzapa ato la so pangɔ tɛnɛ tɛ lo. Na olo ko, akpɔ ngoi tɛ mbi. Mbi hũnda azi na lo ti aye kwɛ zu mɛ ndo asi, ato ka li ni ngbĩi asi nda ni gbɔ, ko ala kambisa hɛ̃ mbi na seni. La mbi hũ ge lɛ mbi nzɔ̃ni ya, mbi su ni hɛ̃ mɔ.

Awa Pangɔ Kwa 11:21

Gbia ahɛ̃ ndo la nguru, ko azi gba agbinya ndo bɛ la, aye lo tɛ lo.

Awa Pangɔ Kwa 16:14

Mbanga wali kɔi so popo tɛ la, ili lo la Lidia. Lo lo ndo ka kɔdɔrɔ mɛ ili ni la Tiatirɛ, la lo ga. Lo wa kangɔ bengba bɔngɔ mɛ ndoti ngere ma wo ma, ko lo ndovɔrɔ nga ndo Nzapa. Lo ndoma ndo e, la Gbia Nzapa azi kɔdɛ li lo ya, lo zi ma lo, wa lo ma tɛnɛ mɛ Polo ndotɛnɛ.

Awa Pangɔ Kwa 2:33

Nguru tɛ To lo Nzapa aya ndo lo ka ndozu, ko Nzapa ahɛ̃ lo Tɔrɔ Santo mɛ ndo lo ko kapa ni. Ko Yezo ahɛ̃ nga e Tɔrɔ Santo ni, nga ma se mɛ ĩ ndohũ na ni, nga na se mɛ ĩ ndoma na ni na olo mɛ.

Roma 1:16

Mbi ndopa Nzɔ̃ Pa tɛ Yezo Kristo na gwalo. Nzɔ̃ Pa ni na nguru tɛ Nzapa, ko nguru ni ndoso azi zu mɛ aye lo tɛ Yezo Kristo. Ayuda la aso uzu, wa azi mɛ ta Ayuda ma aso tɛ la gesi.

Roma 15:13

Nzapa mɛ ndoli ya, e lɛndɛrɛ ni ko, lo li bɛ ya, bɛ ĩ ade zɔgɔrɔ ma ke! Lo li bɛ nga ya, ĩ lua bɛ pii aɔ ndoni, na lo mɛ ya, ĩ ye lo tɛ lo ma ke! Lo li bɛ so ya, na lo nguru tɛ Tɔrɔ Santo ko, ĩ lɛndɛrɛ lo kpengbani ma ke!

Roma 2:16

Oko asi gbanda yango na lá ko gbanda Nzapa ato Yezo Kristo ya, lo fa ngbanga tɛ azi na lo ti alo zu mɛ ala hɔndɛ ka ya bɛ la, nga ma se mɛ Nzɔ̃ Pa mɛ mbi ndopa ndotɛnɛ na ni.

1 Kɔrinto 1:24

Kanda ambanga Ayuda, bere azi mɛ ndɛ̃ mɛ ta Ayuda ma, la Nzapa aili la ya, ala du azi tɛ ni ko, ta ala ndohũ tɛ la ni ka le la nga ma tɛnɛ ti nyingɔ ma. Ala hĩnga tɛ la ya, Yezo Kristo ndofa ya, Nzapa na nguru, lo nga na ndara.

1 Kɔrinto 10:33

Ĩ li ye nga ma se tɛ mbi: mbi ndoli kpengbani ya, na ya ye zu ko, mbi li ye mɛ ndode bɛ azi zu. Ta mbi ndogi ya, mbi li ye mɛ nzɔ̃ni bo na lo tɛ mbi ma, kanda mbi ndogi ya, mbi li ye mɛ nzɔ̃ni na lo tɛ azi zu. Mbi ndoli so ya, Nzapa aso la.

1 Kɔrinto 3:16

Ĩ hĩnga nzɔ̃ni ya, tɛrɛ ĩ adu nga ma da mɛ Nzapa ndodu da, ko Tɔrɔ Santo tɛ lo ndodu ka ya bɛ ĩ.

1 Kɔrinto 3:6

Adu nga ma mbi lu tɛ, Apolɔsɛ akĩ ngu ndo ni, la tɛ ni amai na nguru tɛ Nzapa.

1 Kɔrinto 4:20

Ta sanga ma, lo Lɛngɔ Gbia tɛ Nzapa adu lo ti nguru, kanda ta adu lo ti tɛnɛ ma.

1 Kɔrinto 9:14

Se mɛ ndo nga Gbia Yezo ahɛ̃ na nyɔ lo ya, awa pangɔ Nzɔ̃ Pa atɛ ye na lege ti kwa tɛ la la.

2 Kɔrinto 3:6

Lo la lo hɛ̃ e nguru ya, e du awa kwa ti pangɔ tɛnɛ ti fana ngbangɔ hɛ̃ azi. Ta fana ngbangɔ ni adu ndia mɛ ndo asu sungɔ ma, kanda fana ngbangɔ ni alo ka tɛ Tɔrɔ Santo. Ndia mɛ ndo asu, andoto zo ka ya kwá, kanda Tɔrɔ Santo ndohɛ̃ tɛ lo bɛta du hɛ̃ zo.

Galatia 2:2

Mbi nɔ ndo ka Yeruzalɛmɛ, na lo mɛ ya, Nzapa apa ndo hɛ̃ mbi ya, mbi nɔ kai. Ngoi mɛ mbi si kai ko, bo mbi na awa batangɔ azi ti Eklezia ndo la e gbe lingo. Na ngoi ti lingo ni ko, mbi kambisa ndo hɛ̃ la Nzɔ̃ Pa mɛ mbi ndopa hɛ̃ azi mɛ ta Ayuda ma. Ta mbi ye ndo ya, kwa mɛ ndo mbi li, bere omɛ mbi ndoli ati gɛgɛrɛ ma.

Galatia 5:5

Kanda tɛ e ko, e ndolɛndɛrɛ ya, e ti abɛta azi ka lɛ Nzapa, na lo mɛ ya, e ye lo tɛ lo. Ko ye mɛ e ndoku na nguru tɛ Tɔrɔ Santo la.

Efɛzɛ 2:10

Nzapa la ali ya, e ti afana azi, na lo mɛ ya, e na Yezo Kristo e ti bo kɔi. Lo li so ya, e li anzɔ̃ kwa. Lo pia ndo lo kpã anzɔ̃ kwa ni ko ya e li ni.

Efɛzɛ 3:20

Nzapa alengbi ti lingɔ ye ɔngɔ ndo ye zu mɛ e ndohũnda, bere ɔngɔ ndo dangɔ bɛ tɛ e. Lo ndoli ni na nguru tɛ lo mɛ ndoli kwa ge ya tɛrɛ e.

Filipɛ 2:13

ta sanga ma, Nzapa ndoli kwa ka ya bɛ ĩ ngoi zu ya, ĩ ye aye mɛ bɛ ni ndode na lo ni, ko ĩ li nga aye ni ko.

Filipɛ 4:9

Aye mɛ ndo mbi ha na ĩ la ĩ ye lo ni ko, ĩ li ni. Atɛnɛ mɛ ndo ĩ ma na nyɔ mbi, na aye mɛ ndo ĩ hũ, mbi li ko, ĩ li nga ni, wadila Nzapa mɛ ndoli ya, bɛ e adu pii, adu ndoni kɔi na ĩ.

Kɔlɔsɛ 2:2

Mbi ndoli kwa ni ya, mbi sa nguru bɛ ĩ, ĩ yengbi na bɛ ĩ kɔi, wa ĩ ti bo kɔi, ĩ du nga na bɛta kɔdɛ, wa ĩ hĩnga lo tɛ Nzapa nzɔ̃ni, ló mɛ ndo lo hɔndɛ na azi. Eó ni adu Yezo Kristo nvɛni.

1 Tɛsalɔnikɛ 2:13

Ĩ ba nga nda mɛ e ndohɛ̃ sia kɔli hɛ̃ Nzapa ngoi zu na lo tɛ ĩ lo mɛ: ngoi mɛ ndo e pa na tɛnɛ tɛ Nzapa hɛ̃ ĩ ko, ĩ ma ndo ni, ĩ ye ndo nga lo ni. Ko ta ĩ ye ndo lo ni ya, adu tɛnɛ mɛ alo ka tɛ azi ma, kanda ĩ ye ndo lo ni ya, adu tɛnɛ mɛ alo ka tɛ Nzapa. Biani, seni bo la. Ko tɛnɛ ni ndoli kwa ka ya bɛ ĩ awa Kristo.

2 Tɛsalɔnikɛ 2:14

Adu na lo ti songɔ ĩ ndo la lo ili ĩ, na lege ti Nzɔ̃ Pa mɛ ndo e pa hɛ̃ ĩ. Lo ili ĩ ya, ĩ lua nga ndima ka tɛ Gbia tɛ e Yezo Kristo.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

2 Timɔte 2:8

Da bɛ mɔ na Yezo Kristo mɛ ndo tara gbia Davidi. Lo kpi ndo, Nzapa aso lo na pɛ kwá, ko Nzɔ̃ Pa mɛ mbi ndopa hɛ̃ azi anɛ nga so.

Aebreo 10:22

Asiɔ ye zu mɛ e li, ko andokpã bɛ e ngbũ ko, mɛnɛ tɛrɛ lo akpo ni azi. Lo kpo nga tɛrɛ e na ngu mɛ lɛ ni ngio ngio. Na lo ni ko, ale e i tɛrɛ e ka tɛ Nzapa na bɛ e kɔi, é ye nga lo tɛ lo na bɛ e kɔi.

Aebreo 6:11

Kanda e ndosepara ya, zo kɔi kɔi na popo tɛ ĩ ali kwa ni na gonvɛnɛ, ko lo li bo ni ngbĩi asi ka nda ni, wa gbanda aye zu mɛ ĩ ndolɛndɛrɛ ko, ĩ lua ni zu na seni.

1 Petro 1:12

Nzapa afa ndo na awa pangɔ nyɔ lo ya, kwa mɛ ndo ni to la ya, ala pa hɛ̃ azi ko, ta adu na lo tɛ la nvɛni ma, kanda adu na lo tɛ ĩ. Na olo ko, awa pangɔ Nzɔ̃ Pa tɛ Yezo apa lo ti aye ni ko hɛ̃ ĩ. Ala pa lo ti aye ni ko na nguru tɛ Tɔrɔ Santo mɛ Nzapa ahɛ̃ la. Ko aangelo ndosepara nga ya, ani hĩnga lo ti aye mɛ ala pa.

1 Petro 1:3

É gonda Nzapa mɛ To Gbia tɛ e Yezo Kristo! Lo ma vundu tɛ e ma wo ma, ko lo hɛ̃ e fana du na lege ti songɔ Yezo Kristo na pɛ kwá. Nda mɛ e ndolɛndɛrɛ ya, lo nga na songɔ e na pɛ kwá la.

1 Petro 5:3

Azi tɛ Nzapa mɛ lo zia la na ti ĩ ya, ĩ bata la ko, ta ĩ lɛ gbia ndo la na nguru ma. Kanda ale ĩ fa la na nzɔ̃ lɛ lo, wadila ala mu nzɔ̃ se li ye tɛ ĩ.

2 Petro 1:10

Aya bua, ĩ ba nda mɛ ale ĩ li kpengbani sĩ, ko ĩ ngbã na lege tɛ Nzapa mɛ ndo aili ĩ, asara nga ĩ akpã ya, ĩ du azi tɛ ni la. Ta sanga ma, se ĩ li nga so ko, ta ĩ na tingɔ na ya siɔ ye bɛ gbɔ ma.

2 Petro 1:19

Na lo ni la e ti e hĩnga nzɔ̃ni ya, atɛnɛ mɛ ndo awa pangɔ nyɔ Nzapa atɛnɛ adu biani. Ko nzɔ̃ni ale ĩ zi ma ĩ kpa, ĩ ma na tɛnɛ ni ko, ta sanga ma, tɛnɛ tɛ la adu nga ma mɔinda mɛ ndoza na ya mbingo ngbĩi nga ka ndã ade na ni. Ĩ ngbã bo na mangɔ tɛnɛ ni ko nga ka Yezo Kristo mɛ ndosũ nga ma tongolo ti nyɔ ndã aga avuru na ndo, ko lo fa nga ĩ na aye zu.