1 Tɛsalɔnikɛ 1:4 - Fana Ngbangɔ 1987

⁴ Aya bua, e hĩnga ya, Nzapa ndoye ĩ, ko lo sara ĩ lo kpã ya, ĩ du azi tɛ ni.

1 Tɛsalɔnikɛ 1:4 Iomraidhean Croise

Roma 1:7

Mbi to mbɛti olo hɛ̃ ĩ awa Kristo ti Roma, ĩ zu mɛ Nzapa aye ĩ, ĩ mɛ Nzapa aili nga ĩ ya, ĩ du azi tɛ ni. Mbi bala ĩ. To e Nzapa na Gbia Yezo Kristo ali bɛ nzɔ̃ be hɛ̃ ĩ, ali bɛ nga ya, bɛ ĩ adu pii ma ke!

Roma 9:25

Ko tɛnɛ ni la lo pa ka ya Buku mɛ ndo Ozea asu. Tɛnɛ ni lo mɛ: “Azi mɛ ndo ta ala azi tɛ mbi ma ko, Mbi ili gbanda la ya, ala azi tɛ mbi, Azi mɛ ndo ta mbi ndoye la ma ko, Mbi ili gbanda la ya, ala azi ti kpɔ̃ bɛ mbi.

Efɛzɛ 1:4

Uzu ti Nzapa lingɔ sese ko, lo pia ndo lo sara e lo kpa ya, e na Yezo Kristo e ti bo kɔi, wadila bɛ e ati vuruni, ko ta ni bela e na lo ye kɔi ma.

Kɔlɔsɛ 3:12

Ĩ du nga ava Nzapa, Nzapa ndoye ĩ, lo sara nga ĩ lo kpa azi tɛ lo. Na lo ni ko, ale ĩ ma vundu tɛ afɔ̃ ĩ, ĩ du na nzɔ̃ bɛ, ĩ ngara tɛrɛ ĩ, í du adede azi, ĩ du nga na yɔngɔrɔ bɛ.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

2 Tɛsalɔnikɛ 2:13

Aya bua, ĩ mɛ Gbia Nzapa ndoye ĩ ko, ale e ndohɛ̃ sia kɔli hɛ̃ lo ngoi zu na lo tɛ ĩ. Ta sanga ma, ngoi mɛ ndo ta lo de lo li sese ma ko, lo sara ndo ĩ lo kpã ya, ni so ĩ na nguru tɛ Tɔrɔ Santo. Tɔrɔ Santo ni ali ya, ĩ ti azi tɛ ni Nzapa, ko ni so nga ĩ, na lo mɛ ya, ĩ ye lo bɛta lo tɛ ni.

1 Petro 1:2

To e Nzapa ahɛ̃ ndo nyɔ lo, ko lo pia ndo lo sara ĩ lo kpã ya, ĩ ti azi tɛ ni na nguru tɛ Tɔrɔ Santo. Lo li ndo nga so ya, ĩ ma nyɔ Yezo Kristo, wadila mɛnɛ tɛrɛ lo akpo siɔ ye tɛ ĩ. Nzapa ali bɛ kota nzɔ̃ bɛ hɛ̃ ĩ, ali bɛ nga ya, bɛ ĩ adu pii aɔ ndoni ma ke!

2 Petro 1:10

Aya bua, ĩ ba nda mɛ ale ĩ li kpengbani sĩ, ko ĩ ngbã na lege tɛ Nzapa mɛ ndo aili ĩ, asara nga ĩ akpã ya, ĩ du azi tɛ ni la. Ta sanga ma, se ĩ li nga so ko, ta ĩ na tingɔ na ya siɔ ye bɛ gbɔ ma.