1 Tɛsalɔnikɛ 1:2 - Fana Ngbangɔ 1987

² E ndohɛ̃ sia kɔli ngoi zu hɛ̃ Nzapa na lo tɛ ĩ zu, ko e ndoda nga bɛ e na ĩ la kwɛ, na ngoi sambela tɛ e.

1 Tɛsalɔnikɛ 1:2 Iomraidhean Croise

Roma 6:17

E gonda Nzapa, ta sanga ma, ndo uzu ko, ĩ ndo ambɛ ti lingɔ siɔ ye, kanda na olo, ĩ ndoma nyɔ Nzapa na be ĩ kɔi, ko ye mɛ aha na ĩ ko, ĩ ndoli ni na seni.

1 Kɔrinto 1:4

Mbi ndohɛ̃ sia kɔli hɛ̃ Nzapa ngoi zu na lo tɛ ĩ, na lo ko la lo li ndo nzɔ̃ bɛ hɛ̃ ĩ ti ndo Yezo Kristo.

Kɔlɔsɛ 1:3

Ngoi mɛ e ndosambela na lo tɛ ĩ ko, e ndohɛ̃ sia kɔli ngoi zu hɛ̃ Nzapa mɛ To Gbia tɛ e Yezo Kristo.

1 Tɛsalɔnikɛ 2:13

Ĩ ba nga nda mɛ e ndohɛ̃ sia kɔli hɛ̃ Nzapa ngoi zu na lo tɛ ĩ lo mɛ: ngoi mɛ ndo e pa na tɛnɛ tɛ Nzapa hɛ̃ ĩ ko, ĩ ma ndo ni, ĩ ye ndo nga lo ni. Ko ta ĩ ye ndo lo ni ya, adu tɛnɛ mɛ alo ka tɛ azi ma, kanda ĩ ye ndo lo ni ya, adu tɛnɛ mɛ alo ka tɛ Nzapa. Biani, seni bo la. Ko tɛnɛ ni ndoli kwa ka ya bɛ ĩ awa Kristo.

1 Tɛsalɔnikɛ 3:9

Ta e hĩnga se mɛ e lengbi ti hɛ̃ngɔ na sia kɔli hɛ̃ Nzapa, na lo kota dengɔ bɛ mɛ ĩ hɛ̃ e ka gbɛlɛ lo ma!

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

Filemɔ 1:4

Filemɔ nyi bua, ngoi zu mɛ mbi ndoda bɛ mbi na mɔ na ya sambela tɛ mbi ko, mbi ndohɛ̃ sia kɔli hɛ̃ Nzapa na lo tɛ mɔ.