1 Tɛsalɔnikɛ 1:10 - Fana Ngbangɔ 1987

¹⁰ nga so masingɔ ya, Nyi lo Yezo mɛ ndo lo so lo na pɛ kwa, alo ka yayu aga. Ko Nyi lo ni aso e na ya siɔ ye, so Nzapa ali ngɔnzɔ hɛ̃ e na ngoi ti fangɔ ngbanga.

1 Tɛsalɔnikɛ 1:10 Iomraidhean Croise

Matie 1:21

Lo na dúngɔ nyi kɔli, ko mɔ na dingɔ ili nyi ni ya Yezo, ta sanga ma, lo gbanda la lo so azi tɛ lo na ya asiɔ ye tɛ la.”

Matie 16:27

Mbi Nyi Zo mbi na aangelo tɛ To mbi e ga gbanda na ya ndima tɛ lo, ko mbi futa gbanda zo kɔi kɔi na se kwa mɛ lo li.

Matie 16:28

Mbi pa hɛ̃ ĩ ti bɛta tɛnɛ ya, mbi Nyi Zo mbi ga gbanda nga ma gbia. Ko ambanga azi mɛ so ndo mɛ ahũ gbanda mbi uzu, wa ala kpili.”

Matie 3:7

Ngoi mɛ Yoanɛ ĩ hũ ya, Afarizeo na Asaduseo gba ndoga ka tɛ ni so mungɔ batisimɔ ko, lo pa hɛ̃ la ya: “Ĩ asiɔ azi olo, zo mɛ afa ĩ na lege ti kpɛngɔ ngɔnzɔ mɛ Nzapa na lingɔ hɛ̃ asiɔ azi na?

Luka 2:25

Mbanga kɔli kɔi ndodu ndo ka Yeruzalɛmɛ, ili lo la Simeona. Lo ndo bɛta zo, lo ndotɔndɔ ndo Nzapa sĩ, ko lo ndoku ndo zo mɛ ndo apa lo tɛ lo ya, lo na gangɔ so songɔ awa Izrayɛlɛ. Tɔrɔ Santo ndodu ndo ndoni kɔi na Simeona,

Luka 3:7

Azi hingo hingo ndoga ndo ka tɛ Yoanɛ ya, lo hɛ̃ ani batisimɔ. La Yoanɛ apa hɛ̃ la ya: “Ĩ asiɔ azi olo, zo mɛ afa ĩ na lege ti kpɛngɔ ngɔnzɔ mɛ Nzapa na lingɔ hɛ̃ asiɔ azi na?

Awa Pangɔ Kwa 1:11

apa hɛ̃ la ya: “Ĩ azi ti Galilea, nda mɛ ĩ ngbã na bangɔ lɛ ndozu nɛ? Yezo mɛ Nzapa aya lo na popo tɛ ĩ ya, lo ma ka yayu ko, lo diri gbanda lo ga, bo nga ma se mɛ ĩ hũ na lo, lo ma na ni ka yayu.”

Awa Pangɔ Kwa 17:31

Lo ko ndo bi mɛ gbanda lo fa na ngbanga tɛ azi zu na seni. Zo mɛ na fangɔ ngbanga ni ko, lo sara nga lo, lo kpã wɛ. Ko lo fa ndo lo na azi zu, na ngoi mɛ ndo lo so zo ni ko na pɛ kwa!”

Awa Pangɔ Kwa 2:24

Kanda Nzapa ahã lo na ya pɛnɔ ti kwá, na lo mɛ ya, ta kwá alengbi ndo ti ɔngɔ Yezo na nguru ma.

Awa Pangɔ Kwa 2:32

Petro apa nga ya: “Yezo mɛ mbi ndopa lo tɛ lo hɛ̃ ĩ ko, Nzapa aso ndo lo na pɛ kwá, ko e hũ nga ndo lo na le e nvɛni.

Awa Pangɔ Kwa 3:15

Ĩ ho ndo Gbia mɛ ndohɛ̃ azi bɛta du. Kanda Nzapa aso ndo lo na pɛ kwá, ko e hũ lo na lɛ e nvɛni.

Awa Pangɔ Kwa 3:21

Na olo ko, ale Yezo Kristo angbã ka yayu, nga ka gbanda Nzapa ali ya, ye kwɛ zu ati na seni, nga ma se mɛ ndo abɛta awa pangɔ nyɔ Nzapa apa na ni.

Awa Pangɔ Kwa 4:10

Nga ma la ĩ hũnda e so ko, ale ĩ na awa Izrayɛlɛ zu, ĩ hĩnga ya, kɔli olo mɛ asi gbɛlɛ ĩ na nzɔ̃ tɛrɛ ko, adu na lo nguru tɛ Yezo Kristo wa Nazarɛtɛ mɛ ndo ĩ gɔngɔ lo ndo krusi, ko Nzapa aso lo na pɛ kwá.

Roma 1:4

Ngoi mɛ ndo Nzapa aso lo na pɛ kwá ko, Nzapa afa na nguru tɛ Tɔrɔ Santo ya, lo Nyi ni.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

Roma 4:25

Nzapa aka ndo Yezo ya, lo kpi na lo ti asiɔ ye tɛ e. Ko Nzapa aso ndo lo na pɛ kwá ya, ni Nzapa ni mu e ka lɛ ni ya, e abɛta azi.

Roma 8:34

Wa zo mɛ gbanda afa ngbanga abi li la na? Ta zo kɔi da ma, ta sanga ma, Yezo akpi, aso, adu ka ndo kɔti ti Nzapa, lo ndosambela nga Nzapa na lo tɛ e.

1 Kɔrinto 1:7

Nda mɛ Nzapa ahɛ̃ nguru kwa zu hɛ̃ ĩ azi mɛ ĩ ndoku lá ti diringɔ tɛ Gbia tɛ e Yezo Kristo la.

Galatia 3:13

E du azi ti zonga, na lo mɛ ya, ta e tɔndɔ alo ti ndia ma. Ko Yezo Kristo aga ndo ya, Nzapa azonga ni na se le e. Lo li ndo so, la lo kpo zonga ni na tɛrɛ e, lo zi. Ta sanga ma, asu ka ya Buku tɛ Nzapa ya: “Nzapa azonga zo zu ko la agbe lo ka ndo kɛkɛ.”

Filipɛ 3:20

Kanda e du tɛ e azi ti Kɔdɔrɔ Gbia tɛ Nzapa, ko e ndoku na bɛ e fufu ya, Gbia Yezo Kristo, Wa songɔ e alo kai aga.

Kɔlɔsɛ 1:18

Lo bɛ li azi ti Eklezia, ko azi ti Eklezia adu ngbonga tɛrɛ lo. Eklezia ato na ndo lo. Lo la Nzapa aso ndo lo kɔzoni na pɛ kwa, ya lo du Gbia ti ye zu.

1 Tɛsalɔnikɛ 1:7

Na lo ni ko, ĩ ti awa fangɔ nzɔ̃ lɛ lo hɛ̃ awa Kristo zu mɛ ndodu ka sese ti Masedoanɛ, nga na ala mɛ ka sese ti Grɛsɛ.

1 Tɛsalɔnikɛ 2:16

Ala ndogi kɔdɛ ti gbanzingɔ e ya, azi mɛ ta Ayuda ma ko, ta e pa tɛnɛ tɛ Nzapa hɛ̃ la ma, so Nzapa aso azi ni ko. La siɔ ye tɛ la ndobu gi bungɔ na ndo angbina siɔ ye mɛ ndo ala ya lingɔ ni gã. Ko Nzapa apia ndo ali ngɔnzɔ hɛ̃ la wɛ.

1 Tɛsalɔnikɛ 2:7

Ti mbiri mbiri ko, e lengbi ndo ti mungɔ tɛrɛ e ndo ĩ nga ma agbia, na lo mɛ ya, e awa pangɔ kwa tɛ Kristo. Kanda e ndo adede azi, nga ma se tɛ ta ayangambi.

1 Tɛsalɔnikɛ 5:9

Ta Nzapa asara ndo e akpã ya, ni li ngɔnzɔ hɛ̃ e ma, kanda lo sara ndo e ya, Gbia tɛ e Yezo aso e.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

Tito 2:13

Ale e li so na ngoi mɛ e ndoku lá ti dengɔ bɛ mɛ e ndolɛndɛrɛ. Lá ni ko adu lá mɛ gbanda Wa songɔ e Yezo Kristo mɛ kota Nzapa tɛ e adiri na ni.

Aebreo 10:27

Se e li nga so ko, ale e ndodu na mbɛtɔ so kungɔ ye mɛ gbanda Nzapa ali tɛrɛ e: alengbi ya, lo fa gbanda ngbanga lo bi li e, ko lo sa nga e na ya wá mɛ ndoza lau lau, wá mɛ ndogbiri awa kɛ̃ngɔ lo.

Aebreo 9:28

Ko se mɛ nga Kristo aka tɛrɛ lo bo fani kɔi so hãngɔ siɔ ye tɛ azi gba zingɔ la. Lo diri gbanda lo ga, ta lo ga gbanda so hãngɔ siɔ ye zingɔ ma, kanda lo ga gbanda so songɔ azi mɛ ndoku lo.

1 Petro 1:21

Nzapa aso ndo lo na pɛ kwá, ahɛ̃ lo ndima. Ko ĩ ye lo tɛ Nzapa na lo tɛ lo. Na lo ni, zo mɛ ĩ ye lo tɛ lo, ĩ ndolɛndɛrɛ lo ko, lo Nzapa.

1 Petro 1:3

É gonda Nzapa mɛ To Gbia tɛ e Yezo Kristo! Lo ma vundu tɛ e ma wo ma, ko lo hɛ̃ e fana du na lege ti songɔ Yezo Kristo na pɛ kwá. Nda mɛ e ndolɛndɛrɛ ya, lo nga na songɔ e na pɛ kwá la.

1 Petro 2:21

Ta sanga ma, Nzapa aili ĩ ya, ĩ gbe bɛ ĩ na ya pɛnɔ, na lo mɛ ya, Yezo Kristo nvɛni ahũ ndo pɛnɔ so ĩ. Ko lo fa ndo ĩ na nzɔ̃ lɛ lo ya, ĩ hũ pɛnɔ nga ma ni.

1 Petro 3:18

Yezo Kristo nvɛni akpi ndo so ĩ. Lo kpi ndo bo fani kɔi so hãngɔ siɔ ye tɛ azi zingɔ. Lo mɛ ndo ta lo li siɔ ye ma ko, lo kpi ndo so songɔ asiɔ azi, wadila ĩ ti azi tɛ Nzapa. Azi aho ndo ngbonga tɛrɛ lo, kanda Nzapa aso ndo lo na nguru tɛ Tɔrɔ Santo.

2 Petro 3:12

Ale ĩ ndoku bi ti gangɔ tɛ Nzapa, ko í li nga kpengbani ya, bi ni ko alengbi hiɔ. Na lá ko gbanda ko, wá agbiri gbanda ndozu, aye mɛ ka lɛ ndozu azongana gbanda zu na lo ti baba ti menga wá mɛ gbanda aza lau lau.

2 Petro 3:14

Aya bua, nda mɛ na ngoi ko la ĩ ndoku la ti gangɔ tɛ Gbia ko, ale ĩ li kpengbani ya, í du na vuru bɛ la. Wa na ngoi ko la lo diri lo ga ko, ta lo bela ĩ na lo siɔ ye kɔi ma, ko ĩ du nga na bɛ ĩ pii ka gbɛlɛ lo.

Suma 1:18

Mbi lɛ mbi ngɛ̃. Mbi kpi ndo, kanda na olo ko, mbi so, ko mbi na dungɔ lɛ mbi ngɛ̃ buru na buru. Mbi Gbia ti ndo kwá, mbi nga Gbia ti ndo mɛ awa kwáni ndodu da.

Suma 1:7

Ĩ ba lo la lo ga na ya da baba! Azi zu na hũngɔ lo, abɛ nga azi ko ndo akpɔ katɛ lo ko, ala nga na hũngɔ lo. Azi zu ti lɛ sese na demangɔ so lo. Biani, se mɛ na dungɔ na ni la! Seni la.