1 Tɛsalɔnikɛ 1:1 - Fana Ngbangɔ 1987

¹ Mbi Polo, na Silasi, nga na Timɔte la e to mbɛti olo hɛ̃ ĩ azi ti Eklezia mɛ ka kɔdɔrɔ ti Tɛsalɔnike, ĩ azi tɛ To e Nzapa nga na tɛ Gbia Yezo Kristo. E bala ĩ. Nzapa ali bɛ nzɔ̃ bɛ hɛ̃ ĩ, ali bɛ nga ya, bɛ ĩ adu pii ma ke!

1 Tɛsalɔnikɛ 1:1 Iomraidhean Croise

Awa Pangɔ Kwa 15:22

Awa pangɔ kwa tɛ Yezo, na akangba ti Eklezia, nga na azi ti Eklezia kwɛ zu amangbi ya, ani sara ambanga azi na popo tɛ ani, ko ato la ka Antiɔsɛ, ndoni kɔi na Polo nga na Barnabasi. La ala hã Silasi na Yudɛ mɛ mbanga ili lo la Barnabasi. Ala kwɛ zu adu azi ti ndima na popo tɛ afɔ̃ la mɛ ndɛ̃.

Awa Pangɔ Kwa 15:27

E to Yudɛ na Silasi ka tɛ ĩ ya, tɛnɛ mɛ e su ka ya mbɛti ko, ala nvɛni apa nga hɛ̃ ĩ na nyɔ la.

Awa Pangɔ Kwa 15:40

Kanda Polo aye tɛ lo ndo ya, adu Silasi wa ni na lo ani ɔ ndoni kɔi. Awa Kristo asambela Gbia Nzapa ya, lo li nzɔ̃ bɛ hɛ̃ la. Sambela ni ĩ wɛ, la Polo na Silasi aha nɔ agwe.

Awa Pangɔ Kwa 16:19

Ato gbia lo ĩ hũ ya, siɔ tɔrɔ alo ka ya tɛrɛ lo asi wɛ, ko ta se mɛ ya, ani ti lua na faranga da ma ko, ala gbɔ̃nɔ Polo na Silasi, agiɔ la, agwe na ni ka bɛ kɔdɔrɔ, ka gbɛlɛ awa Roma mɛ agbia ti kɔdɔrɔ ni.

Awa Pangɔ Kwa 16:25

Ĩ da na nɔ tɛ bɛ bi ko, Polo na Silasi asambela, aye bia so gondangɔ na Nzapa. Ko awa bɔlɔkɔ mɛ ndɛ̃ so ndoma la.

Awa Pangɔ Kwa 16:29

La wa batangɔ da bɔlɔkɔ apa ya, aga na wá hɛ̃ ni. Ĩ ga na wá hɛ̃ lo wɛ ko, lo gana tɛrɛ lo ka ya da mɛ awa bɔlɔkɔ da. Tɛrɛ lo so ndodɔ kpu kpu kpu, la lo kuku na gbɛlɛ Polo na Silasi.

Awa Pangɔ Kwa 17:11

Ayuda ti Berea adu anzɔ̃ azi aɔ Ayuda ti Tɛsalɔnikɛ. Ala ma ndo tɛnɛ tɛ Nzapa, ko ala ye lo ni sĩ. Bi kɔi kɔi ko, ala ndogi ndo nda tɛnɛ ti ya Buku tɛ Nzapa, so hĩngangɔ ya, bere tɛnɛ mɛ Polo ndotɛne hɛ̃ ani adu na seni.

Awa Pangɔ Kwa 18:5

Ngoi mɛ ndo Silasi na Timɔte ĩ lo ka Masedoanɛ ĩ ga, ĩ tã Polo ko, Polo amu ngoi tɛ lo zu so hangɔ azi na tɛnɛ tɛ Yezo, ko lo ndopa nga ndo hɛ̃ Ayuda ya, Yezo lo Mɛsia biani.

Awa Pangɔ Kwa 19:22

La lo hã azi sɛ na popo tɛ awa zangɔ lo, adu Timɔte na Erastɛ. Lo to la ka Masedoanɛ. Kanda lo nvɛni lo de tɛ lo ndo na pɛ ngoi yakere ka sese ti Azia.

Awa Pangɔ Kwa 20:4

Azi mɛ ndo lo ana la anɔ lege kɔi lo mɛ: Sopatɛrɛ mɛ nyi Pirusi, Pirusi ni wa kɔdɔrɔ ti Berea, na Aristarkɛ na Sekundusi mɛ ala awa Tɛsalɔnikɛ, na Gayusi mɛ wa Dɛrbɛ, nga na Timɔte, na Tisikɛ, na Trofimɛ mɛ ala azi ti sese ti Azia.

Roma 1:7

Mbi to mbɛti olo hɛ̃ ĩ awa Kristo ti Roma, ĩ zu mɛ Nzapa aye ĩ, ĩ mɛ Nzapa aili nga ĩ ya, ĩ du azi tɛ ni. Mbi bala ĩ. To e Nzapa na Gbia Yezo Kristo ali bɛ nzɔ̃ be hɛ̃ ĩ, ali bɛ nga ya, bɛ ĩ adu pii ma ke!

1 Kɔrinto 1:2

E to mbɛti olo hɛ̃ ĩ azi ti Eklezia mɛ ka Kɔrinto, ĩ mɛ ndo Nzapa aili ĩ ya, ĩ na Yezo Kristo ĩ ti bo kɔi, la ĩ ti azi tɛ ni. Lo ili nga azi zu mɛ ndovɔrɔ Gbia tɛ e Yezo Kristo na ndo kwɛ zu. Lo Gbia tɛ e na la zu.

2 Kɔrinto 1:1

Mbi Polo mɛ ndo Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, nga na nyita e Timɔte la e to mbɛti olo hɛ̃ ĩ. E bala ĩ. E to mbɛti olo hɛ̃ ĩ azi ti Eklezia mɛ ka Kɔrinto. E to nga mbɛti ni hɛ̃ azi tɛ Nzapa zu mɛ ndodu ka sese ti Grɛsɛ zu.

2 Kɔrinto 1:19

Ta sanga ma, lo tɛ Yezo Kristo Nyi Nzapa ndo la mbi, na Silasi, nga na Timɔte e pa hɛ̃ ĩ. Na ndo tɛnɛ ko kɔi ko, ta Yezo ndopa ya “ĩi”, ko lo ti lo pa nga ya “ipɔ” na ngoi kɔi ma. Tɛnɛ tɛ lo ndodu bo ngoi zu “ĩi”.

Galatia 1:22

Ko na ya bi ni ko zu ko, ta azi ti Eklezia tɛ Yezo Kristo mɛ so sese ti Yudea ahĩnga mbi ma.

Efɛzɛ 1:2

To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ ĩ, ali bɛ nga ya, bɛ ĩ adu pii ma ke!

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

Kɔlɔsɛ 1:1

Mbi Polo mɛ Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo, nga na Timɔte mɛ nyita e wa Kristo la e to mbɛti olo hɛ̃ ĩ.

2 Tɛsalɔnikɛ 1:1

Mbi Polo, na Silasi, nga na Timɔte la e to mbɛti olo hɛ̃ ĩ azi ti Eklezia mɛ ka kɔdɔrɔ ti Tɛsalɔnikɛ, ĩ azi tɛ To e Nzapa, nga na tɛ Gbia Yezo Kristo. E bala ĩ.

Aebreo 13:23

Wa ale ĩ hĩnga ya, nyita e Timɔte mɛ ndo abi lo bɔlɔkɔ ko, azi lo we. Se lo ga hiɔ lo tã mbi ko, e na lo e bombi e ga so bangɔ ĩ.

1 Petro 5:12

Nyi mbɛti olo mbi to hɛ̃ ĩ ko, Silasi la asu ni. Mbi ndomu lo ya, lo bɛta nyita e wa Kristo. Mbi to mbɛti olo hɛ̃ ĩ ya, mbi sa nguru bɛ ĩ, ko mbi fa nga na ĩ ya, bɛta nzɔ̃ bɛ tɛ Nzapa adu nga ma se mɛ mbi ndopa na ni hɛ̃ ĩ. Wa ta ĩ diri gesi na ya ni ma.

1 Yoanɛ 1:3

Ye mɛ ndo e hũ na lɛ e, e ma nga na ma e, la e ndopa nga lo ni hɛ̃ ĩ ya, ĩ ma. E pa ni hɛ̃ ĩ ya ĩ ma, wa dangɔ bɛ tɛ ĩ na tɛ e ati bo kɔi, nga ma se mɛ dangɔ bɛ tɛ e na tɛ To e Nzapa, nga na tɛ Nyi lo Yezo Kristo ati bo kɔi.

Yudɛ 1:1

Mbi Yudɛ mɛ wa kwa tɛ Yezo Kristo, mbi mɛ nga nyita Zaki la mbi su mbɛti olo mɛ. Mbi to ni hɛ̃ ĩ azi mɛ To e Nzapa aye ĩ, aili nga ĩ ya, ĩ du azi tɛ ni, ĩ mɛ Yezo Kristo ndobata ĩ. Mbi bala ĩ.