ZAKE 5:2 - WE NU GALE 1995

² Kpamɛnɔ 'da nɛ ma mbulu, nɛ lonɔ wa li tulunɔ 'da nɛ ia.

ZAKE 5:2 Iomraidhean Croise

YƆBƆ 13:28

Nɛ nde kpasi 'da mi ma 'danga, nɛ ma ɔ nɛ kɛ ogbɛzɛ wa li ma ni. Ma ɔ 'bɔ nɛ tulu kɛ lo wa li ma do'do ni.

Zumanɔ 39:11

Mɔ tɛ ha 'bɔ etumbu hã mi gɔ, we kɛ mi nɛ fe zɛa wi kɛ mɔ zɛ mi ni fia.

Ezai 50:9

NWA Gale a wi tɔ̃ ngbangga ngɔ mi, wele wè tɛ 'bili 'dã we hã mi gɔ. Owi sɛnɛ mi kɛ wa da mi ni, wa fe sɛ, nɛ wa kumu vɛ̃, ɔ nɛ ɛ̃a tulu kɛ olonɔ wa li ma ni.

Ezai 51:8

Mba gɔ, owinɔ kɛ wa dã nɛ ni, wa fe sɛ, nɛ wa kumu, ɔ nɛ kɛ lo li tulu, nɛ ma e ni. Nɛ nde kpasi kɛ mi hã sɛ ma ni ma 'bana sɛ fai, nɛ bɔlɔ zui 'da nɛ sɛ do ndɔti nɛ bina kɔ sabɛlɛ do sabɛlɛ.”

Yeremi 17:11

Wi kɛ a kpa mɔ do 'dã wala ni, a ɔ nɛ naa kɔla kɛ a si ngɔ kuli kɔkɔlɔ ni. Kpamɛnɔ 'da a ma e sɛ kɔ̃ a, nɛ nde a 'bana ngɔ nga tɛ̃ a, nɛ kɔ gbɛlɛ 'da a, a ɔ sɛ nɛ yia wi ni.

OZE 5:12

Ma kɛ mi ɔ sɛ we Oisraɛlɛ nɛ hɛ̃a mɔ, kɛ ma nyɔngɔ dɛ dati fai ni. Nɛ mi ɔ sɛ we Oyuda nɛ dani, kɛ ma ɛ̃́ gɔ ni.

LUKA 12:33

Kɔ nɛ bé gole kpamɛnɔ 'da nɛ, nɛ nɛ kɛ mbili nɛ hã owi sãnɔ. Nɛ fúlú okoe mbili kɛ ma é gɔ ni, kɔ nɛ úsú do okpamɛnɔ 'da nɛ tɛ li nza i, tɛ fala kɛ mɔ yɔ́ tɛ nɛ gɔ ni. Fo wi zũ i mɔ bina, nɛ olo wa lí mɔ i mɔ gɔ.

ZAKE 2:2

Nɛ lénggé we gɛ sɛ: Fala kɛ nɛ mba li ngba nɛ, nɛ mbe wele hɔ, nɛ nde a hi'da dia tulu, nɛ a do pɛtɛ mɔ mbali zu kɔ̃ a. Nɛ mbé nɛ hɔ 'bɔ, nɛ nde a a wi sã, nɛ a do ɛ̃a tulu tɛ a.

1 PETRO 1:4

Nɛ lɛ gbini zã lɛ do Gale na, a hã sɛ 'bɔ dia mɛ kɛ a usu ma ngɔ i we duzu winɔ 'da a ni hã lɛ. Mɛ a dia mɛ kɛ ma wè tɛ mbulu nɛ gɔ, nɛ ma bá ndi gɔ, nɛ ma 'dángá sɛ 'bɔ gɔ ni.