ZAKE 4:8 - WE NU GALE 1995

⁸ Nɛ kɔ́lɔ́ do Gale, nɛ a kɔlɔ sɛ tɛ mɛ 'bɔ do nɛ. Aa nɛ, Owi dɛ 'dã mɛnɔ, nɛ fɔ́lɔ́ kɔ̃ nɛ tɛ 'dã mɔ. Nɛ, owi ɔlɔ winɔ, nɛ fó 'dã linggamɛnɔ kɔ sila nɛ.

ZAKE 4:8 Iomraidhean Croise

Ndo Nyanga Dɛ Mɔ 18:23

Nɛ Abrahama ngbɔ tɛ̃ ɛ dɛ kɛ zã a, nɛ a aka na: “Aa NWA, mɔ gbɛ sɛ owi bɔlɔ zunɔ do owi dɛ 'dã mɛnɔ fala nɛ kpo nde?

1 Sakonɔ 28:9

Nɛ 'do ki ni, nɛ a tɔ̃ hã Salɔmɔ na: “Salɔmɔ be 'daa, ma wia na, mɔ ĩ ti Gale kɛ mi dɛa toe hã a ni. Nɛ mɔ dɔnggɔ a do sila mɔ kpo, do hi wi 'da mɔ vɛ̃. Mba gɔ, NWA zɔ mɔ gbaa kɔ sila wele, nɛ a ĩ ti linggamɔ zã wele. Mɔ fa a, nɛ mɔ kpa sɛ a. Kɔ mɔ bɛ̃ gɛnɛ a, nɛ a da sɛ kɔ̃ a tɛ mɔ fai.

2 Sakonɔ 15:2

nɛ a kulu ngɔ, nɛ a nɛ, nɛ a kpa Asa, nɛ a tɔ̃ hã a na: “Aa nwa, mɔ zélé mi! Nɛ nɛ Oyuda, do Obɛnzamɛ vɛ̃, nɛ zélé 'bɔ mi! NWA sɛ fala nɛ kpo do nɛ, 'da fala kɛ nɛ fala nɛ kpo do a ni. Fala kɛ nɛ fa a, nɛ a be sɛ tɛ̃ a hã nɛ. Kɔ fala kɛ nɛ bɛ̃ gɛnɛ a, nɛ a bɛ̃ sɛ tɛ mɛ 'bɔ gɛnɛ nɛ.

YƆBƆ 16:17

Ĩ na, mi dɛ̀ 'dã mɔ gɔ, nɛ mi 'bana tɛ sambala Gale do dia sila.

YƆBƆ 17:9

E kɔ wi bɔlɔ zu 'bana tɛ dɛ mɔ bɔlɔ zu 'da a. Nɛ wi dia sila dɛ nganda we dɛ de mɔ.

YƆBƆ 9:30

Gɛnɛ kɔ mi fɔlɔ tɛ mi do sa'buni, nɛ nde ma fó ndi 'dã mɛnɔ 'da mi gɔ. Gɛnɛ kɔ mi fɔlɔ kɔ̃ mi do lì mbɔɛ, nɛ nde ma dɛ́ sɛ mɔ gɔ.

Zumanɔ 119:113

Mi bɛ̃a gɛnɛ winɔ wa do sila wa bɔa ni, nɛ mi kɔ̃a gɛnɛ mbula 'da mɔ.

Zumanɔ 145:18

NWA nyɛlɛ do owinɔ wa sa mɔ hã a ni gɔ. A dɔ̃ɔ we gala winɔ wa sa mɔ hã a do gbãlã we ni.

Zumanɔ 18:20

NWA kɔ̃a gɛnɛ mi, ma hã a fua mi kɔ ngamɔ, nɛ a hã dia dungu hã mi ni.

Zumanɔ 24:4

Wi a owinɔ kɛ dɛa mɔ tɛ wa do linggamɔ zu wa, ma a sa ni. Wa nɛ́ 'do bɛlɛ gɔ, nɛ wa káná tɛ wa do bɛlɛ gɔ.

Zumanɔ 26:6

Aa NWA, mi fɔlɔ kɔ̃ mi we be na, mi do 'dã mɔ bina. Mi le sɛ kɔ Tɛmpɛloe 'da mɔ, nɛ mi zĩ do kɛ zã gbagala 'da mɔ we dɔnggɔ mɔ.

Zumanɔ 51:10

Mɔ bé hã mi na, mɔ mbɔka mi, takɔ sila mi dunu do yangga. Mɔ hã zi zɛlɛ tɛ hã mi la li ngele, nɛ nde di dɔ́ ni, mi nɛ dɛ yangga.

Zumanɔ 73:13

Na mɛ ni, gulu kɛ mi 'bana wi dia sila, nɛ mi dɛ́ 'dã mɔ gɔ ni we ge nde?

Zumanɔ 73:28

Nɛ nde mi sɛ a wi yangga, we kɛ mi do mɔ Gale fala nɛ kpo. Mi usu tɛ mi dɛ kɛ zã mɔ NWA, nɛ mi tɔ̃ sako mɛnɔ vɛ̃ kɛ mɔ dɛa ni.

Ezai 13:15

Wi kɛ wa kpa sɛ a ni, wa ndɔlɔ sɛ a do kpili, tabi wa dumu sɛ a do du kɔya.

Ezai 29:13

NWA tɔ̃a na: “Owinɔ ni wa sambala mi, nɛ nde wa dɔnggɔ mi do nu wa iko, wa é sila wa ngɔ mi gɔ. Do kɔ sila wa, nɛ nde wa nyɛlɛ do mi wena. Wa dɛ ɔ nɛ kɛ wa yu kili mi yu ni, nɛ nde ma yòlò do kɔ sila wa gɔ, wa yambala dɛ mbulanɔ ni kɔ̃ oyaa wa iko.

Ezai 58:2

Tũ kpo kpo, nɛ wa ɔlɔ tɛ wa ɔ nɛ kɛ wa dɔnggɔ mi ni, nɛ wa siki li wa dɛ 'da mi we ĩ ti mɛ kɛ mi kɔ̃a na wa dɛ ma ni. Nɛ wa aka mi na, mi be dia mbula hã lo, nɛ wa do yangga do 'da fala kɛ wa ɔlɔ tɛ wa na, lo sambala mi ni.

Yeremi 4:11

Do fala nɛ ni, nɛ owi kɔ le Yeruzalɛmɛ wa zele sɛ NWA tɛ tɔ̃ na: “Owi sɛnɛ nɛ wa tɛ tɛ ma. Wa ɔ nɛ bawe bũ, kɛ ma yula li gba zɔ̃ i, kɔ ma tɛ dɛ ngɔ nɛ ni. Mɛ a be sele bũ, ɔ nɛ kɛ ma dɛ, nɛ wa pɛpɛ do tɛ kpalɛ ni gɔ.

Yeremi 4:14

Nɛ, owi kɔ le Yeruzalɛmɛ, nɛ kɔ̃ we kpasa ma, nɛ nɛ bɛ̃ gɛnɛ 'dã mɛnɔ 'da nɛ vɛ̃. Nɛ la sɛ fala lengge 'dã linggamɔ soe ki nge nde?

ALA NU 3:57

'Da fala kɛ mi sa mɔ hã mɔ, nɛ mɔ tɛa, nɛ mɔ kɔlɔ do mi, nɛ mɔ tɔ̃ hã mi na, mi tɛ dɛ̃ kili gɔ.

EZEKIƐLƐ 18:31

Nɛ lá fala 'dã mɛnɔ kɛ nɛ dɛ ni, nɛ nɛ kífí sila nɛ, nɛ nɛ 'dáfá linggamɔ zu nɛ. Gulu kɛ nɛ, obe Israɛlɛ, nɛ fa fio we ge nde?

MALAKI 3:7

we kɛ nɛ tɛ ɔkɔlɔ mi fai, ɔ nɛ kɛ 'da oyaa nɛ zi dati gɛ. Nɛ bɛ̃a gɛnɛ mɛnɔ mi bia hã nɛ ni, nɛ nɛ dɛ mbulanɔ 'da mi gɔ. Kɔ 'da fala nɛ kpolo tɛ nɛ dɛ 'da mi, nɛ mi kpolo sɛ tɛ mɛ 'bɔ tɛ mi dɛ 'da nɛ. Mi NWA ngɔ mɔ nyanga nza vɛ̃, mi tɔ̃a ní. Nɛ nɛ aka 'bɔ na: ‘Mɛ ngboo lɛ wia we dɛ ma na, lɛ kpolo tɛ lɛ dɛ 'da mɔ ni a ge nde?’

MATIE 12:33

“Fala kɛ te a dia te, nɛ wala nɛ sɛ tɛ mɛ 'bɔ a dia. Kɔ fala kɛ te a 'dã te, nɛ wala nɛ sɛ tɛ mɛ 'bɔ a 'dã. Wa ĩ ti te we wala nɛ.

MATIE 15:2

“Gulu kɛ Owi yambala mɛnɔ 'da mɔ, wa dɛ́ mbula 'da oyaa lɛ gɔ we ge nde? Mba gɔ, fala kɛ wa nɛ nyɔngɔ mɔ, nɛ nde wa fɔ́lɔ́ kɔ̃ wa ɔ nɛ kɛ mbula 'da oyaa lɛ tɔ̃a ni gɔ.”

MATIE 27:24

Nɛ Pilatɛ zɔa kɛ zã winɔ tɛ nɔ̃lɔ̃ dɛ dati fai ni, nɛ a ĩ na, ɛ wè we dɛ 'bɔ mbé mɔ gɔ. Nɛ a sua lì, nɛ a fɔlɔ do kɔ̃ a dɛ li gba gili winɔ ni, nɛ a tɔ̃ na: “We fie 'da wi gɛ ma zɔ̀ mi gɔ! Mɛ a we 'da nɛ!”

Owi Nɛ Tonɔ 15:9

Nɛ nde Gale dɛ̀ do wa si tɛ̃ ɛ do kɛ 'da lɛ gɔ. A fua 'dã mɛnɔ 'da wa, we kɛ wa kɔ̃a zu li Yezu.

2 KORINTƐ 7:1

Aa oyali ngba mi, Gale kpua mbuli ni hã lɛ, kɔ ma wia na, lɛ bɛ̃ gɛnɛ 'dã mɛnɔ vɛ́, kɛ ma hã ndi kɔ kili tɛ wi, do hi wi ni. Lɛ dɛ́ kili Gale, nɛ lɛ 'dáfá dɛa mɔ tɛ lɛ, nɛ lɛ fá we dungu nɛ́ owinɔ 'da a ngboo.

1 TIMOTE 2:8

Kɔ we duzu ma, mi kɔ̃a na, tɛ falanɔ vɛ̃ nɛ mba li ngba nɛ ni, nɛ Owi wilinɔ wa sambala do ba kɔ̃ wa dɛ ngɔ. Nɛ kɔ sila wa ɔ́ sa, nɛ wa tɛ ɔ̀ do mãlã, do linggamɔ kpa we gɔ.

OHEBRE 10:22

We duzu ma, lɛ é sila lɛ vɛ̃ ngɔ Gale, nɛ lɛ nɛ́, nɛ lɛ kɔ́lɔ́ do a do sila lɛ kpo, we duzu kɛ Yezu fua ndi 'dã mɔ kɔ sila lɛ, nɛ lɛ fɔla tɛ lɛ do lì kɛ ma a sa li Gale ni.

OHEBRE 7:19

Mba gɔ, mbula kɛ Mɔizɛ kɔma zɛ́ ni, ma wè zi tɛ 'dafa mɔ na, ma we ngboo gɔ. Nɛ nde Gale 'dafa mbé gele mɔ kɛ lɛ wia we gbini zã lɛ do ma, nɛ ma dia nɛa ngɔ ã mbulanɔ zi ni hã lɛ. Nɛ ma hã wala hã lɛ we kɔlɔ do Gale.

ZAKE 1:8

we kɛ sila a bɔa, nɛ a kpolo dɛa mɔ tɛ̃ a kpula fai.

ZAKE 3:17

Nɛ nde hã zã kɛ ma yula 'da Gale ni, ma si tɛ ɛ do ki ni. Wi kɛ a do hã zã kɛ ma yula 'da Gale ni, a a wi kɛ sila a a sa, a a wi dɛ na, do wi gɛ̃a sila, nɛ gbãlã zã a boe. A do 'bako ongba a li a boe, nɛ a a wi dɛ de mɔ. A sáká bula li wele gɔ, nɛ a ɔ́lɔ́ wele gɔ.

1 PETRO 1:22

Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.

1 PETRO 3:21

Nɛ lì ni, ma be lì batisimɔ kɛ ma kpasa nɛ kɔ 'dã mɛ 'da nɛ di ngangga gɛ ni. Nɛ lì nɛ kpa do batisimɔ ni, mɛ a kɛ ma fɔlɔ ndi tɛ nɛ ni gɔ, nɛ nde mɛ a kɛ lɛ aka do Gale na, a fo 'dã mɛ kɔ sila lɛ do'do ni. Batisimɔ ma kpasa nɛ, we duzu kɛ Yezu Kristo a tunu kɔ fio,

1 YOANƐ 3:3

Kɔ wi kɛ a gbini zã a do Yezu ni, ma wia na, a 'dafa tɛ̃ a we hɔ sa wi li Gale, ɔ nɛ kɛ Yezu a sa wi li a ni.

1 SAMUƐLƐ 14:35

Saulo ba ta, nɛ a de do gbagala we dɔ do sa'de hã Gale. Mɛ a kuti gbagala dɔ do sa'de hã Gale, kɛ Saulo 'dafa zi ma.