ZAKE 4:4 - WE NU GALE 1995

⁴ Nɛ, winɔ kɛ nɛ kɔ̃̀ gɛnɛ Gale ngboo gɔ gɛ, nɛ ĩ̀ na, wi kɛ a kɔ̃ gɛnɛ omɛnɔ nùi gɛ, nɛ nde a a wi sɛnɛ Gale ni gɔ nde? Wi kɛ a kɔ̃ gɛnɛ omɛnɔ nù gɛ ni, a hɔa wi sɛnɛ Gale ia.

ZAKE 4:4 Iomraidhean Croise

Ndo Nyanga Dɛ Mɔ 3:15

Mi fi sɛ sɛnɛmɔ sanga mɔ do wuko, sanga obe zã mɔ do obe zã a, nɛ obe zã a wa ma sɛ zu mɔ, nɛ mɔ nyɔngɔ sɛ tɛ mɛ 'bɔ timili nyanga wa.”

Zumanɔ 21:8

Mɛ a gbãlã we, nwa 'da lɛ gbini zã a do mɔ NWA Gale. A wè tɛ mbɔkɔ nɛ gɔ, we duzu gã dia zã 'da mɔ Gale, kɛ mɔ nɛa ngɔ mɔ vɛ̃ ni.

Zumanɔ 50:18

Nɛ kɔ̃a gɛnɛ we mɔ́ wi zũ, nɛ nɛ dungu do wi kɛ a yɛnggɛ do ko mɔ́ wili ni.

Zumanɔ 73:27

Owinɔ kɛ wa bɛ̃a gɛnɛ mɔ ni, wa fe sɛ, nɛ mɔ kumu sɛ wanɔ wa siki 'do wa hã mɔ ni.

Ezai 57:3

“Nɛ tɛ́, kɔ mi 'bili ngbangga 'da nɛ. Nɛ nɛ̀ ngɔ Owi tunu mɛnɔ, do Owi yɛnggɛ vĩ zu yalinɔ do Owi dɛ ndumbanɔ gɔ.

Yeremi 2:2

mi nɛ́, hã mi tɔ̃ to olo nu ɛ hã Owi kɔ le Yeruzalɛmɛ na: “Mi NWA, ta zu mi 'bana ngɔ tɛlɛ tɛ kɛ nɛ dɛ zi olo nu mi fai do 'da fala nɛ 'bana zi do be ni! Ta zu mi gba ngɔ tɛlɛ tɛ kɛ nɛ nda'ba zi tɛ nɛ do mi ni. Nɛ nɛ kɔ̃a zi mi ɔ nɛ kɛ wuko kɔ̃ do wili ɛ, kɛ a ba a 'da kala gɔ ni. Nɛ nɛ zi 'do mi tɛ li gba zɔ̃ i, tɛ ngɔ nùi kɛ kpalɛ kpo hɔ̀ tɛ nɛ gɔ ni.

Yeremi 9:2

Lɛfɛ wa bili nɛ́ nzabele, nɛ lɛnggɛ nu wa ba wele nɛ́ kpili ni. Wa tɔ̃́ gbãlã we ngɔ nùi 'da wa gɔ, wa kpasa tati nɛ do 'dã hã, do ɔkɔlɔ wi iko. Ma kɛ nwa tɔ̃a na: “Owinɔ 'da mi, wa dɛ tati a 'dã mɔ do 'dã mɔ, nɛ wa ĩ̀ ti mi ɔ nɛ NWA Gale 'da wa gɔ.

EZEKIƐLƐ 16:32

Mɔ ɔ nɛ wuko mɔ wili, kɛ a la wili a, nɛ a nɛ we ɔ do gele wi wili ni.

OZE 3:1

NWA tɔ̃a hã mi na: “Aa Oze, mɔ zélé mi sɛ! Mɔ kpóló tɛ mɔ 'da wuke 'da mɔ, kɛ a dɛ ndumba do gele wili ni, nɛ mɔ kɔ̃ 'bɔ gɛnɛ a ɔ nɛ kɛ mi NWA, mi 'bana kɔ̃ do gɛnɛ obe Israɛlɛ ni. Gɛnɛ kɔ wa hã tɛ wa hã ogale bɛlɛnɔ, nɛ wa dɔnggɔ wa do mukate kɛ wa dɛa do wala vinɔ ni, nɛ nde mi bɛ gɛnɛ wa gɔ.”

MATIE 12:39

Nɛ Yezu gese hã wa na: “Winɔ kikina gɛ, wa a o'dã wele! Nɛ wa kɔ̃̀ 'bɔ gɛnɛ Gale gɔ. Wa kɔ̃a we zɔ gba sɔ̃ mɔ we ĩ na mi yula 'da Gale nde! Nɛ nde wa zɔ́ sɛ gele gba sɔ̃ mɔ gɔ, ma 'bana sɛ do kɛ zɛ́ 'da fala 'da Yonasi, wi gba olo nu Gale ni iko.

MATIE 16:4

Winɔ kikina gɛ, wa a o'dã wele, nɛ wa kɔ̃̀ 'bɔ gɛnɛ Gale gɔ! Wa kɔ̃a we zɔ gba sɔ̃ mɔ we ĩ na, mi yula 'da Gale nde. Nɛ nde wa zɔ́ sɛ gele gba sɔ̃ mɔ gɔ, ma 'bana sɛ do kɛ zɛ́ 'da fala 'da Yonasi ni iko.” Nɛ a ia wa dɛ di ni, nɛ a la dɛ gele fala.

MATIE 6:24

“Wele wè tɛ dɛ to hã onwa bɔa gɔ. Mba gɔ, a sɛnɛ sɛ mbe kpo, nɛ a kɔ̃ gɛnɛ mbee nɛ. Tabi a nɛ sɛ 'do mbe kpo, nɛ a bɛ̃ we nu mbee nɛ. Kɔ nɛ wè tɛ hã tɛ nɛ we dɛa toe 'da Gale, nɛ nɛ hã 'bɔ tɛ nɛ we mbili gɔ.

LUKA 19:27

Kɔ we Owi sɛnɛ mi, kɛ wa kɔ̃̀ zi na mi hɔ nwa 'da lo gɔ ni, nɛ kálá wa tɛ do wa, kɔ nɛ gbɛ́ wa dɛ dati mi gɛ!’ ”

YOANƐ 15:19

Ɔ do kɛ nɛ sɔ a owinɔ nù gɛ, nɛ owinɔ nùi gɛ wa kɔ̃ sɔ gɛnɛ nɛ, we kɛ nɛ a winɔ 'da wa. Nɛ nde mi saka zi nɛ, nɛ mi kala nɛ sanga wa do'do, nɛ nɛ 'bɔ a winɔ 'da wa gɔ, ma kɛ winɔ nùi gɛ wa sɛnɛ nɛ ni.

YOANƐ 17:14

Mi bia zi we nu mɔ hã wa, nɛ owinɔ nù gɛ wa sɛnɛ wa, we kɛ wa a winɔ nù gɛ gɔ, ɔ nɛ kɛ mi tɛ mɛ 'bɔ a wi nù gɛ gɔ ni.

YOANƐ 7:7

Winɔ nù gɛ, wa wè tɛ sɛnɛ nɛ gɔ, nɛ nde wa tɛ sɛnɛ mi, we duzu kɛ mi be dɛ nza na, mɛnɔ wa dɛ ni, ma dè gɔ.

ROMA 5:10

Mba gɔ, zi dati lɛ zi a Owi sɛnɛ Gale, nɛ nde ngangga ni, Gale 'dafa dɛa na do lɛ, do wala fie 'da Kristo, Be 'da a. Kɔ ɔ nɛ kɛ sanga tɛ ngba lɛ ma dia ia ni, ma be tɛ mɛ 'bɔ na, Gale a kpasa sɛ lɛ do wala 'da Kristo, kɛ a za'da nza kɔ fio, nɛ a do kpasi ni.

ROMA 8:7

Mba gɔ, wi kɛ a fa mɛ kɛ kifi tɛ a do wɔ nɛ ni, a a wi sɛnɛ Gale, we duzu kɛ a dɛ́ mbulanɔ 'da Gale gɔ, nɛ a 'bɔ do ngawi dɛ ma bina.

1 KORINTƐ 1:20

Kɔ ma ɔ na mɛ ni, nɛ owi hã zãnɔ, do owi be mbulanɔ, do owi yambala 'du gulu mɛnɔ ngɔ nù gɛ, wa a do nde? Gale bia na, hã zã 'da owinɔ nù gɛ mɛ a mɔ bɔ iko.

1 KORINTƐ 1:21

Mba gɔ, hã zã 'da Gale dɛa zi na, owinɔ wa tɛ ĩ̀ ti a do hã zã 'da wa wele nɛ gɔ. Ma kɛ a kɔ̃a zi na, ɛ kpasa owinɔ kɛ wa kɔ̃ zu li Yezu ni, do wala sakoe kɛ lɛ be ma, nɛ ma ɔ li winɔ nɛ wila we bɔɛ iko ni.

GALATI 1:10

Nɛ lengge na, mi kɔma mbɛti gɛ hã nɛ ní, takɔ mi de li winɔ nde? Gɔ! Mi fa we de li Gale. Mi fa na, Owele wa dɔnggɔ mi nde? Ɔ do kɛ mi fa sɔ na Owele wa dɔnggɔ mi, nɛ nde mi sɔ 'bɔ a wi dɛ toe 'da Kristo gɔ.

ZAKE 1:27

Ngbongbo dɔnggɔ wi kɛ Baa lɛ Gale kɔ̃a gɛnɛ nɛ ni, mɛ a kɛ na, mɔ gálá obe gula, do Owi fio wili kɔ ngamɛnɔ 'da wa. Nɛ mɔ fɔ́mɔ́ sila mɔ wele nɛ na, dɔ 'dã mɛnɔ nù gɛ 'dángá ma gɔ.