ZAKE 4:1 - WE NU GALE 1995

¹ Bolonɔ do mɔ̃lãnɔ kɛ ma hɔ sanga nɛ fai ni, ma yolo ngɔ ge nde? Ma yòlò ngɔ 'dã wɔ kɔ kili tɛ wi, kɛ ma bi kɔ sila nɛ fai ni gɔ nde?

ZAKE 4:1 Iomraidhean Croise

Yeremi 17:9

“Wi wia we ĩ ti we kɔ sila wele wi a wio nde? Sila wi ɔkɔlɔ wele fai, nɛ fo mɔ amba ma bina, wele wè tɛ gbini zã ɛ do ma gɔ.

MATIE 15:19

Mba gɔ, 'dã linggamɔ yolo kɔ zã wele, sɛ nɛ ma tombo a we gbɛ wi, ɔ do kɛnɛ ngba a tabi wili mɔ́ ngba a, yɛnggɛ vĩ zu yali, zũ mɔ, 'bili bɛlɛ do zu li wele, do dã dɛla de.

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

ROMA 7:23

nɛ nde mi zɔa na, mbé gele mbula kɔ kifi tɛ mi boe, nɛ ma bi bolo do mbula 'da Gale kɛ mi kɔ̃a ma do sila mi ni. Nɛ gele mbula ni ɛnzɛ mi nɛ́ ngbá 'da 'dã mɛ kɔ kifi tɛ mi ni.

ROMA 7:5

Mba gɔ, 'da fala lɛ 'bana zi tɛ dɛ mɛ kɛ 'dã wɔ kɔ kifi tɛ lɛ tombo lɛ we dɛ ma ni, nɛ mbula gala zi 'dã wɛ ni, nɛ ma dɛ to kɔ kifi tɛ lɛ, nɛ lɛ zi tɛ dɛ 'dã mɔ kɛ ma kã lɛ dɛ fi fio ni.

ROMA 8:7

Mba gɔ, wi kɛ a fa mɛ kɛ kifi tɛ a do wɔ nɛ ni, a a wi sɛnɛ Gale, we duzu kɛ a dɛ́ mbulanɔ 'da Gale gɔ, nɛ a 'bɔ do ngawi dɛ ma bina.

GALATI 5:17

Mba gɔ, wɔ kɔ kili tɛ wi tombo wele we dɛ mɛnɔ kɛ Hi Wi Santo bɛ ma ni. Nɛ Hi Wi Santo tombo lɛ we dɛ mɛnɔ kɛ kili tɛ lɛ kɔ̃̀ we dɛ ma gɔ ni. Gbãlã we, ma bɔa nɛ, ma kɔ̃̀ gɛnɛ ngbɛ ɛ gɔ. Ma kɛ nɛ wé sɛ tɛ dɛ dia mɛ kɛ zã nɛ kɔ̃a sɔ we dɛ ma ni gɔ.

KƆLƆSƐ 3:5

We duzu ma, nɛ bɛ̃́ gɛnɛ wɔ mɔ li nùi kɛ ma 'bana kɔ sila nɛ ni. Nɛ lá fala yɛnggɛ vĩ zu yɛli, do dɛ mɔ sape, lengge mɔ sape, kɔ̃ gɛnɛ 'dã wɔ kɔ sila wi, do dɛ nga'ba kpamɔ, kɛ ma ɔ nɛ dɔnggɔ gele gale ni.

2 TIMOTE 2:23

Mɔ yú oyia lɛnggɛnɔ kɛ li zuma nɛ bina ni. Mba gɔ, ma fa kpawe iko.

TITO 3:3

Mba gɔ, zi dati, lɛ zi tɛ mɛ 'bɔ a oyɔnda wi, Owi nga zu. Lɛ yɔa zi wala, nɛ lɛ zi a ngbá 'da wɔ kɔ kili tɛ lɛ, do mɛnɔ kpi do kpi kɛ ma hã zi yangga hã lɛ ni. Lɛ zi a o'dã wi, Owi dɛ bɔnɛ dia mɔ mɔ ngba lɛ. Lɛ sɛnɛ zi ongba lɛ, nɛ wa sɛnɛ tɛ mɛ 'bɔ lɛ.

TITO 3:9

Nɛ dɔ mɔ mbá do owinɔ kɛ wa ba kafi ngɔ nu fɛlɛ kula 'da oyaa lɛ, nɛ wa ba da nu ngba wa, nɛ wa mɔ̃lɔ̃ ngɔ mbula 'da Oyudanɔ ni gɔ. Mɔ yú mɛnɔ ni, we kɛ li zuma nɛ bina, nɛ ma gálá wele gɔ.

ZAKE 1:14

Mɛ kɛ ma ɔlɔ sila wele, mɛ a 'dã wɔ kɔ kili tɛ a wele nɛ. Wɛ ni ba a, nɛ ma tombo a we dɛ 'dã mɔ.

ZAKE 4:3

Nɛ gɛnɛ kɔ nɛ gɔ mɔ kɔ̃ Gale, nɛ nde nɛ kpá ma gɔ, we kɛ nɛ gɔ́ do dia nɛ gɔ. Nɛ gɔ tati a mɛnɔ kɛ ma ɛfɛ tɛ nɛ wele nɛ ni iko.

1 PETRO 1:14

Nɛ zélé nu Gale ɔ nɛ kɛ obe wa zele do nu baa wa ni. Nɛ nɛ tɛ kɔ̃̀ 'bɔ gɛnɛ o'dã wɔ kɔ kili tɛ nɛ, kɛ nɛ zi do ma dati kɛ nɛ tɛ ĩ̀ ti Dia Sakoe 'da Yezu Kristo gɔ ni gɔ.

1 PETRO 2:11

Aa oyali ngba mi, nɛ ĩ na, nɛ ngɔ nù gɛ a gɛnɛ iko, ngbongbo le 'da nɛ ngɔ nù gɛ bina. We duzu ma, mi ala nu mi hã nɛ na, nɛ bɛ̃́ gɛnɛ 'dã wɔ kɔ kili tɛ nɛ, kɛ ma bi do dia linggamɛnɔ kɔ sila nɛ ni do'do.

2 PETRO 2:18

Wa tɔ̃ oyia lɛnggɛ we dɔnggɔ tɛ wa hã winɔ. Nɛ wa yamba we ɔlɔ winɔ kɛ wa hɔa nza kɔ Owi dɛ 'dã mɛnɔ, nɛ wa kifi sila wa 'da kala gɔ ni, nɛ wa fa na, winɔ ni wa dɛ 'dã mɛnɔ kɛ wɔ zã wa tombo wa we nɛ ni.

2 PETRO 3:3

Dati ngboo, nɛ ĩ́ na, do ndɔti tũnɔ, nɛ Owele wa hɔ sɛ, nɛ wa dɛ sɛ mɔ tɛ wa, ɔ nɛ kɛ zã wa kɔ̃a ni. Owinɔ ni wa mɔmɔ sɛ nɛ,