ZAKE 3:2 - WE NU GALE 1995

² Lɛ vɛ, lɛ dɛ 'dã mɔ wena. Nɛ nde wi kɛ a yɔ́ nu a fala kpo gɔ ni, a a dia wi ngboo, nɛ a ĩ 'bɔ ti zimi tɛ̃ a do dia nɛ.

ZAKE 3:2 Iomraidhean Croise

1 Onwanɔ 8:46

“Aa NWA, mɔ ĩ na, fo wi zɔlɔ bɛ̃ we nu mɔ mba mba fala kpo iko ni, a bina! Ma kɛ 'da fala kpo, nɛ obe Israɛlɛ wa bɛ̃ sɛ we nu mɔ, nɛ mbe gɔ, nɛ zã mɔ ma nɔ̃lɔ̃ sɛ dɛ tɛ wa. Nɛ mɔ 'dɔlɔ sɛ wa hã owi sɛnɛ wa, nɛ mɔ dɛ na, owinɔ ni, wa kala wa do ngbá, nɛ wa si do wa ndũu dɛ kɔ lenɔ 'da wa.

2 Sakonɔ 6:36

“Aa nwa, mɔ ĩ na, wi zɔlɔ bɛ̃ we nu mɔ mba mba fala kpo iko ni, a bina! Ma kɛ 'da fala kpo, nɛ obe Israɛlɛ wa bɛ̃ sɛ we nu mɔ, nɛ mbe gɔ, nɛ zã mɔ ma nɔ̃lɔ̃ sɛ dɛ tɛ wa. Nɛ mɔ 'dɔlɔ sɛ wa hã owi sɛnɛ wa, nɛ mɔ dɛ na, owinɔ ni wa kala wa do ngbá, nɛ wa si do wa ndũu dɛ kɔ lenɔ 'da wa.

YƆBƆ 15:13

nɛ sila mɔ 'danga dɛ tɛ Gale, nɛ mɔ wele o'dã we hã a ni we ge nde?

Zumanɔ 34:13

Wi kɛ a kɔ̃ na, ɛ kpasa do dia nɛ, nɛ ɛ dungu do yangga ngɔ nù gɛ ni,

Zumanɔ 39:1

Zuma 'da Davidi

GBA WENƆ 10:19

Wi dɛ nu we yɔ dɛ dati. Nɛ nde wi yɔ'dɔ we a wi hã zã.

GBA WENƆ 13:3

Wi kɛ a lengge we dati ni, a fɔmɔ dungu 'da a wele nɛ. Nɛ nde wi dɛ nu we 'danga dungu 'da ɛ.

GBA WENƆ 20:9

Wi kɛ a wia we tɔ̃ na, ɛ a dia wi, nɛ ɛ dɛ́ 'dã mɔ gɔ ni a wio nde?

GBA WENƆ 21:23

Mɔ fɔmɔ lɛnggɛ nu mɔ, nɛ nde mɔ kpá sɛ ngamɔ gɔ.

WI LENGGE WE 7:20

We kɛ ngɔ nù gɛ vɛ̃, fo wi bɔlɔ zu ngboo kɛ a wè tɛ dɛ 'dã mɔ gɔ ni bina.

Ezai 64:6

Wele wè tɛ kunu sila a gɔ, wele wè tɛ yolo nù dati mɔ we tɔ̃ we hã mɔ gɔ. Mba gɔ, mɔ kɔ̃̀ we zɔ lɛ gɔ, nɛ mɔ 'dɔlɔ lɛ we 'dã mɛnɔ 'da lɛ.

Levitɛnɔ 13:39

nɛ nganga a zɔ sɛ wi ni. Kɔ fala kɛ kumba mɛnɔ ni ma là li gɔ, nɛ nde ki ni mɛ a gã zɛlɛ gɔ, nɛ wi ni a 'bana sɛ sa wi li Gale.

MATIE 12:34

Aa nɛ, kɛ nɛ ɔlɔ wele ɔ nɛ gɔ̃nɔ gɛ! Nɛ a o'dã wi, nɛ nɛ nɛ dɛ fala tɔ̃ gbãlã we ni nɛ nde? Mba gɔ, nu wele tɔ̃ wenɔ kɛ ma yolo kɔ sila a ni.

MATIE 12:37

Kɔ yolo dɛ ngɔ lɛnggɛ nu mɔ, nɛ Gale a 'bili sɛ we 'da mɔ na, mɔ tia do we, tabi mɔ tè do we gɔ.”

ROMA 3:10

Ma ɔ nɛ kɛ wa kɔma kɔ 'Buki 'da Gale na: “Fo wi bɔlɔ zu bina, mbamba wele kpo iko bina.

ROMA 7:21

Ma kɛ mi zɔ fai na, mɛ ma dɛ tɛ ɛ kɔ mi mɛ a kɛ gɛ: Fala kɛ mi kɔ̃ we dɛ dia mɔ, nɛ nde mi do ngawi we dɛ ma bina, nɛ mi dɛ tɛ mɛ a 'dã mɔ iko.

1 KORINTƐ 9:27

Kɔ mi hã ngamɔ hã kili tɛ mi, takɔ ma ɔ nɛ kɛ mi kɔ̃a ni, dɔ do 'do, nɛ Gale bé gɛnɛ mi olo kɛ mi bia we nu a hã owinɔ ni gɔ.

GALATI 3:22

Nɛ nde wa kɔma kɔ 'Buki 'da Gale na, 'dã mɔ ɛnza owinɔ ngɔ nù gɛ vɛ́. Na mɛ ni, owinɔ wa kɔ̃a zu li Yezu Kristo ni, wa kpa de mɛ kɛ a kpua zɛ́ mbulu nɛ hã wa ni.

GALATI 5:17

Mba gɔ, wɔ kɔ kili tɛ wi tombo wele we dɛ mɛnɔ kɛ Hi Wi Santo bɛ ma ni. Nɛ Hi Wi Santo tombo lɛ we dɛ mɛnɔ kɛ kili tɛ lɛ kɔ̃̀ we dɛ ma gɔ ni. Gbãlã we, ma bɔa nɛ, ma kɔ̃̀ gɛnɛ ngbɛ ɛ gɔ. Ma kɛ nɛ wé sɛ tɛ dɛ dia mɛ kɛ zã nɛ kɔ̃a sɔ we dɛ ma ni gɔ.

KƆLƆSƐ 1:28

Ma kɛ, lɛ be we 'da Kristo hã winɔ vɛ̃. Lɛ tɔ̃ mbula, nɛ lɛ be we hã wa do wala hã zãnɔ vɛ̃ kɛ Gale hã ma hã lɛ ni, takɔ lɛ 'dafa winɔ kɛ wa mba kpo do Kristo ni na, kɔ̃a we 'da wa nganda.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

ZAKE 1:26

Kɔ fala kɛ mbe wele lengge na, ɛ a wi dɔnggɔ Gale, kɔ a ĩ̀ ti fɔmɔ lɛnggɛ nu a gɔ, nɛ nde a ɔlɔ tɛ a iko, nɛ dɔngga wi a dɔnggɔ do Gale ni ma yala iko.

ZAKE 1:4

Nɛ nde ma wia na, nɛ nganda sila nɛ gbaa we hɔ ndɔti nɛ, takɔ nɛ hɔ dia wi ngboo, nɛ mɔ kpo tɛ zɔ̀lɔ̀ kɔ dɛa mɔ tɛ nɛ gɔ.

ZAKE 2:10

Wi kɛ a dɛ mbulanɔ 'da Gale, kɔ a yɔ mbe sanga nɛ kpo iko, nɛ nde a yɔa mbulanɔ vɛ ia.

1 PETRO 3:10

Ma ɔ nɛ kɛ wa kɔma zɛ́ kɔ 'Buki 'da Gale na: “Wi kɛ a kɔ̃ na, ɛ dungu do dia nɛ, nɛ ɛ ɔ do yangga ngɔ nù gɛ, ma wia na, a tɛ 'bìlì bɛlɛ gɔ, nɛ a tɛ ɔ̀lɔ̀ ngba a gɔ.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.