ZAKE 3:1 - WE NU GALE 1995

¹ Aa onyae, ma wè na, owinɔ sanga nɛ kɛ wa kɔ̃a we hɔ Owi be mɔ ni, wa dɛlɛ wena gɔ. Mba gɔ, nɛ ĩ na, Gale a 'bili sɛ we 'da lɛ Owi be mɛnɔ nganda nɛ ngɔ kɛ 'da ogele winɔ.

ZAKE 3:1 Iomraidhean Croise

Levitɛnɔ 10:3

Nɛ Mɔizɛ tɔ̃ hã Aroni na: “Ma dɛa ngboo nɛ́ kɛ NWA mbisa zi mɔ ni. Mba gɔ a tɔ̃a zi na, ɛ kɔa na, winɔ wa kɔlɔ do ɛ ni, wa dɔnggɔ ɛ, kɛ ɛ santo ni, nɛ wa hã dɔ̃lɔ̃ li hã ɛ dɛ li owinɔ vɛ̃.” Aroni zila ní, nɛ ma kolo a, nɛ a wèlè we gɔ.

MALAKI 2:12

E kɔ NWA ngɔ mɔ nyanga nza vɛ̃, a fo wi kɛ a dɛ na mɛ ni do nu fɛlɛ a sanga obe zã Yakɔbɔ do'do. Nɛ dɔ wa ha 'bɔ dɔnggamɔ hã NWA fala kpo gɔ.

MATIE 10:24

“Wi yambala mɔ nɛ ngɔ wi be mɔ hã a gɔ. Nɛ wi dɛa to nɛ ngɔ nwa 'da a gɔ.

MATIE 23:13

“'Bako do nɛ, owi be mbulanɔ do Ofariziɛnɔ! Nɛ a Owi ɔlɔ wi! Nɛ kpia nu le nwa 'da Gale na, winɔ wa tɛ lè gɔ. Nɛ nɛ ngboo ni, nɛ kɔ̃̀ we le i mɔ gɔ, nɛ nɛ kele wala ti owinɔ kɛ wa kɔ̃a we le nɛ ni na, dɔ wa lé gɔ. [

MATIE 23:14

“'Bako do nɛ, owi be mbulanɔ do Ofariziɛnɔ! Nɛ ɔlɔ Owi fio wilinɔ, nɛ nɛ kala mɛnɔ 'da wa vɛ̃, nɛ do kpo 'da fala ni, nɛ sambala Gale dulu wena, takɔ winɔ wa dɔnggɔ nɛ iko. Nɛ nde nɛ kpa sɛ gà etumbu olo nɛ.]

MATIE 9:11

Kɔ Ofariziɛnɔ wa nɛa we zɔ ní, nɛ wa aka owi yambala mɛnɔ 'da a na: “Gulu kɛ wi be mɛ 'da nɛ nyɔngɔ mɔ do Owi futa takonɔ do o'dã winɔ we ge nde?”

LUKA 16:2

Nɛ wi kpamɛ ni sa mɔ hã kapita, nɛ a tɔ̃ hã a na: ‘Wenɔ mi zele dɛ ngɔ mɔ ni a ge nde? Mɔ tɛ́ do mbɛti mbili kɛ ma le kɔ kɛsi, do kɛ ma hɔ nza ni, kɔ mɔ be hã mi sɛ! We kɛ mɔ wè 'bɔ we 'bana kapita ngɔ mɛnɔ 'da mi gɔ.’

LUKA 6:37

“Nɛ tɛ 'bìlì we mɔ́ ngba nɛ gɔ, dɔ Gale 'bílí tɛ mɛ 'bɔ we 'da nɛ gɔ. Nɛ tɛ 'bìlì 'dã we hã ngba nɛ gɔ, dɔ Gale 'bílí 'dã we hã nɛ gɔ. Nɛ élé 'dã mɛ 'da ongba nɛ, nɛ Gale a ele sɛ tɛ mɛ 'bɔ 'dã mɛnɔ 'da nɛ.

YOANƐ 3:10

Nɛ Yezu gese hã a na: “Mɔ a gã wi be mbula tɛ ngɔ nù Israɛlɛ, nɛ mɔ ĩ̀ ti mɛnɔ gɛ gɔ nde?

Owi Nɛ Tonɔ 13:1

Kɔ eklezia tɛ Antiɔsɛ ni, ombe wi gba olo nu Gale do Owi be mɔ wa zi boe. Wi a Barnabasi, Simeoni (kɛ wa sa li a na Tũ wi ni), do Lusiusi (wi Sirɛnɛ), do Manaɛnɛ (kɛ wa dala zi a fala nɛ kpo do Herodɛ, wi fɔmɔ le ni), do Saulo.

1 KORINTƐ 12:28

Gale kɛa tonɔ kpi do kpi hã owinɔ kɔ Eklezia. A a Owi nɛ tonɔ 'da Yezu Kristo dati, nɛ tɛ bɔa nɛ, wi a owi gba olo nu Gale, nɛ tɛ talɛ nɛ, wi a owi be mɛnɔ. Nɛ 'do nɛ, nɛ wi a owi dɛ gba sɔ̃ mɛnɔ, nɛ 'do wa, wi a owinɔ kɛ wa do ngawi we kpasa Owi zɛlɛ, do wanɔ wa gala Owele, do wanɔ wa dungu nwa ngɔ ngba wa, do wanɔ wa tɔ̃ gele nunɔ kpi do kpi ni.

2 KORINTƐ 5:10

Mba gɔ, ma wia na, lɛ vɛ́ lɛ yolo dati a, takɔ a 'bili we 'da lɛ. Nɛ wele do wele a kpa sɛ dia mɔ, tabi 'dã mɔ olo mɛnɔ a dɛa ma li dungu nza 'da a ngɔ nù gɛ ni.

EFƐZƐ 4:11

Wi hã ngawi dɛ to kpi do kpi hã winɔ, wi a a. A ia ombe do Owi nɛ to, nɛ a e ombe owi gba olo nu Gale, nɛ ombe owi be Dia Sakoe, nɛ ombe owi zɔ mɔ tɛ eklezia, nɛ ombe owi be mɔ.

1 TIMOTE 1:7

Wa ba tɛ wa na, lo a wi be mbula 'da Gale, nɛ nde wa ĩ̀ ti gulu lɛnggɛnɔ kɛ wa tɔ̃ ni gɔ, nɛ wa ĩ́ 'bɔ ti gulu wenɔ kɛ wa hã tɛ wa we nɛ nganda nɛ gɛ nde ni gɔ.

1 TIMOTE 2:7

We duzu ma, Gale saka mi do wi nɛ toe 'da a, we be gbãlã we 'da a hã owinɔ kɛ wa a Oyuda gɔ ni na, wa kɔ̃ gɛnɛ nɛ. We mi tɔ̃ ni, mɛ a nga li we, mi 'bílí bɛlɛ gɔ.

2 TIMOTE 1:11

Nɛ Gale saka mi do wi be gulu Dia Sakoe ni hã winɔ, do wi nɛ to nɛ.

OHEBRE 13:17

Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.

ZAKE 1:16

Aa onyae ngɔ sila mi gɛ, nɛ tɛ ɔ̀lɔ̀ tɛ nɛ gɔ!

ZAKE 1:19

Aa onyae ngɔ sila mi gɛ, dɔ tɛ zu nɛ élé ngɔ we gɛ gɔ: Ma wia na wele zele we dɔ̃, nɛ nde a tɛ wèlè we dɔ̃ dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ.

ZAKE 3:10

Dia lɛnggɛ dɔnggɔ do Gale, do 'dã lɛnggɛ fɔmbɔ do wele, ma yolo vɛ dɛ kpo kpo nu lɛ gɛ. Kɔ aa onyae, ma wè na, ma ɔ ní gɔ.

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.