ZAKE 2:8 - WE NU GALE 1995

⁸ Wa kɔma mbula 'da Nwa Gale kɔ 'Buki 'da a na: “Mɔ kɔ̃́ gɛnɛ ngba mɔ, ɔ nɛ kɛ mɔ kɔ̃a do kili tɛ mɔ wele nɛ ni.” Kɔ fala kɛ nɛ dɛ mbula ni, nɛ nɛ dɛ do dia nɛ.

ZAKE 2:8 Iomraidhean Croise

1 Onwanɔ 8:18

Nɛ nde NWA tɔ̃a zi hã a na: ‘Linggamɛ mɔ kpa we dɛ tɔa Tɛmpɛloe hã mi ni, ma de wena.

2 Onwanɔ 7:9

Nɛ Owi zɛlɛ ngbɛlɛnɔ ni, wa tɔ̃ 'bɔ dɛ sanga tɛ ngba wa na: “Mɛ lɛ dɛ gɛ ma dè gɔ. Sɔɛ gɛ lɛ kpa dia sako, nɛ ma wè na, lɛ usu ma we duzu lɛ iko gɔ. Fala kɛ lɛ 'bɔ na fala sa sɛ, nɛ lɛ tɔ̃ we nɛ de, nɛ Gale a hã sɛ etumbu hã lɛ. Lɛ nɛ́ di ngangga ni, hã lɛ tɔ̃ we nɛ tɛ kɔ ngboe 'da nwa i.”

Levitɛnɔ 19:18

Nɛ tɛ bìlì nu gbã 'dã mɔ hã nya nɛ be Israɛlɛ gɔ. Nɛ nɛ tɛ ɔ́ do sɛnɛ mɔ we a gɔ. Nɛ kɔ̃́ gɛnɛ nya nɛ ɔ nɛ kili tɛ nɛ wele nɛ ni.

Levitɛnɔ 19:34

Nɛ nde nɛ dɛ́ do a ɔ nɛ nya nɛ ni. Nɛ kɔ̃́ gɛnɛ a ɔ nɛ kɛ nɛ kɔ̃a gɛnɛ kili tɛ nɛ wele nɛ ni. Nɛ lénggé do kɛ na, nɛ zi tɛ mɛ 'bɔ ogɛnɛ tɛ ngɔ nù Ezipeto ni. Mi a NWA Gale 'da nɛ.

YONASI 4:4

Nɛ NWA tɔ̃ hã a na: “Gulu kɛ zã mɔ nɔ̃lɔ̃ gɛ bina.”

YONASI 4:9

Nɛ Gale aka Yonasi na: “Gulu nɔ̃lɔ̃ zã 'da mɔ we kɛ be te gɛ kula ni boe nde?” Nɛ a gese na: “Ĩi, gulu nɛ boe. Zã mi nɔ̃lɔ̃ wena, nɛ mi kɔ̃a we fe nɛ.”

MATIE 22:39

Nɛ bɔa mbula kɛ ma wia kɔ̃ do ki ni, mɛ a kɛ ma tɔ̃a na: ‘Mɔ kɔ̃́ gɛnɛ ngba mɔ ɔ nɛ kɛ mɔ kɔ̃a do gɛnɛ kili tɛ mɔ wele nɛ ni.’

MATIE 25:21

Nɛ nwa 'da a tɔ̃ hã a na: ‘Ma de wena. Mɔ a dia wi dɛa to, mɔ dɛ mɔ do wala olo nɛ. Ɔ nɛ kɛ mɔ dɛa be mɛnɔ do wala olo nɛ ni, mi e sɛ mɔ ngɔ ogã mɔ wena. Kɔ mɔ tɛ́ we dɛ yangga fala nɛ kpo do mi.’

MATIE 25:23

Nɛ nwa 'da a tɔ̃ hã a na: ‘Ma de wena, mɔ a dia wi dɛa to, mɔ dɛ mɔ do wala olo nɛ. Ɔ nɛ kɛ mɔ dɛa be mɛnɔ do wala olo nɛ ni, mi e sɛ mɔ ngɔ ogã mɔ wena. Kɔ mɔ tɛ́ we dɛ yangga fala nɛ kpo do mi.’

MATIE 7:12

“Nɛ dɛ́ do ongba nɛ ɔ nɛ kɛ nɛ kɔ̃a tɛ mɛ 'bɔ na, wa dɛ do nɛ ni. Ki ni a kɛ mbula 'da Mɔizɛ, do 'buki 'da Owi gba olo nu Gale tɔ̃a gɛ a ni.

ROMA 13:10

Wi kɛ a kɔ̃ gɛnɛ ngba a ni, a wè tɛ dɛ 'dã mɔ dɛ 'da a gɔ. Kɔ wele kɔ̃ gɛnɛ ngba a, nɛ nde a dɛa mbula 'da Mɔizɛ vɛ ia.

GALATI 5:14

Mba gɔ, mbulanɔ 'da Mɔizɛ vɛ́, ma mba ngbɛ ɛ dɛ kɔ mbula kpo gɛ: “Mɔ kɔ̃́ gɛnɛ ngba mɔ, ɔ nɛ kɛ mɔ kɔ̃a do kili tɛ mɔ wele nɛ ni.”

GALATI 6:2

Nɛ gálá ngba nɛ kɔ ngamɔ. Nɛ dɛ na mɛ ni, nɛ nde nɛ dɛa mbula 'da Kristo ia.

FILIPƐ 4:14

Kɔ nɛ dɛ de wena, we kɛ nɛ gala mi kɔ ngamɛnɔ 'da mi ni.

1 TƐSALONIKƐ 4:9

Kɔ ma wè 'bɔ na, lɛ kɔmɔ mbɛti hã nɛ ngɔ kɔ̃ ngba wi sanga nɛ Owi Kristonɔ kɔma gɔ. Mba gɔ, Gale a bia tɛlɛ tɛ kɛ nɛ wia tɛ kɔ̃ do ngba nɛ ni hã nɛ.

ZAKE 1:25

Kɔ wi kɛ a yambala mbulanɔ 'da Gale ngboo, nɛ a kɔ̃̀ na, ɛ zele do zala ɛ iko gɔ, nɛ a dɛ ma dɛa fai ni, nɛ Gale a wele sɛ nu a tɛ a kɔ dɛa tonɔ 'da a vɛ̃. Mba gɔ, mbulanɔ 'da Gale ma a dia ngboo, nɛ ma kpasa lɛ kɔ 'dã mɔ.

ZAKE 2:12

Kɔ we duzu ki ni, nɛ 'dáfá wila we nu nɛ, do dɛa mɔ tɛ nɛ, we kɛ nɛ ĩ na, Gale a 'bili sɛ we 'da nɛ do 'da mbula kɛ ma do ngawi we kpasa wele kɔ 'dã mɔ ni.

ZAKE 2:19

Mɔ kɔ̃a na, Gale kpo iko gɔ nde? Ma a dia! Nɛ nde gɛnɛ kɔ o'dã hi winɔ wa kɔ̃ 'bɔ na mɛ ni, nɛ wa tana kili.

ZAKE 4:11

Onyae, nɛ tɛ tɔ̃̀ tɛ ngba nɛ gɔ. Wi kɛ a tɔ̃ tɛ ngba a, tabi a 'bili we 'da ngba a ni, a tɔ̃ 'dã we tɛ mbula 'da Gale, nɛ a 'bili 'bɔ we ni dɛ ngɔ mbula ni. Kɔ fala kɛ mɔ 'bili we dɛ ngɔ mbula 'da Gale, nɛ nde mɔ 'bɔ a wi zele mbula gɔ, mɔ hɔa wi 'bili we 'da mbula.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.