ZAKE 2:5 - WE NU GALE 1995

⁵ Aa onyae ngɔ sila mi gɛ, nɛ zélé mi sɛ: Gale saka owinɔ kɛ wa zɔ wa nɛ́ Owi sã ngɔ nù gɛ ni na, wa hɔ Owi kɔ̃a we, nɛ kɔ̃a we ni a kpamɛ 'da wa, nɛ wa le sɛ kɔ le nwa 'da a, kɛ a kpua zɛ́ mbulu nɛ hã owinɔ wa kɔ̃a gɛnɛ a ni.

ZAKE 2:5 Iomraidhean Croise

1 Onwanɔ 22:28

Nɛ Mike gese hã Akabɛ na: “Mɔ si li bole do lɔa tɛ mɔ, nɛ nde NWA wèlè we do wala 'da mi gɔ!” Nɛ a tɔ̃ 'bɔ na: “Ma wia na, nɛ winɔ vɛ̃, nɛ zélé we mi tɔ̃a ni.”

YƆBƆ 34:10

Nɛ, owinɔ kɛ gbãlã zã nɛ boe ni, nɛ zélé mi sɛ! Gale wia tɛ dɛ 'dã mɔ nde? NWA kɛ a do nganda vɛ̃, a wia tɛ dɛ yɔa ti dɛa mɔ nde?

YƆBƆ 34:19

A sí 'do ogã wi gɔ, nɛ a kɔ̃̀ gɛnɛ wi kpamɔ nɛ ngɔ wi sã gɔ. We kɛ wi dɛa winɔ vɛ̃ wi a a.

YƆBƆ 38:14

Wese gba, nɛ mɛnɔ nu gɛ be tɛ̃ ɛ ɔ nɛ dã tɛ kpana ni, nɛ wa zɔ ma. Nɛ mɛnɔ ngɔ nùi gɛ vɛ̃ ɔ dɛ wila fala ɔ nɛ dã tɛ tulu ni.

Kulu Tɔa 20:6

Nɛ nde wanɔ kɛ wa kɔ̃a gɛnɛ mi, nɛ wa dɔnggɔ we nu mi dɔngga ni, mi be dia zã 'da mi hã wa, do obe zã wa kɔ sabɛlɛ do sabɛlɛ.

GBA WENƆ 13:7

Ombe wele wa ba tɛ wa na, lo a wi kpamɔ, nɛ nde fo mɔ kɔ tɔa 'da wa bina. Nɛ ombe wele wa ba tɛ wa na, lo a wi sã, nɛ nde wa do kpamɔ wena.

GBA WENƆ 7:24

Aa nɛ, obenɔ 'da mi, ngangga ni, nɛ zélé mi, nɛ li nɛ sɔ̃́ tɛ lɛnggɛnɔ mi tɔ̃ hã nɛ gɛ.

GBA WENƆ 8:32

“Aa nɛ, obenɔ 'da mi, nɛ zélé mi sɛ! Nɛ bá wala 'do mi, nɛ nɛ sɛ a owi yangga.

Ezai 14:32

Nɛ, Ofilisti, nɛ tumba to hã Oyuda na, wa gbaka nɛ. Nɛ nde wa gese sɛ hã nɛ na ge nde? Wa gese sɛ na: ‘Le Sioni, wi dɛa ma a NWA Gale do tɛ̃ a ngboo. Nɛ owi 'bakonɔ kɔ owinɔ 'da a ni, wa kpa sɛ fala usu tɛ wi kɔ le ni.’ ”

Ezai 29:19

NWA, kɛ a a Gale santo 'da obe Israɛlɛ ni, a hã sɛ yangga hã owi sãnɔ do owi 'bakonɔ, nɛ yangga ni ma gã sɛ dɛ dati fai.

SOFONI 3:12

Mi la sɛ dɛ sanga nɛ tati a owinɔ kɛ wa ba tɛ wa dɛ nù, nɛ wa dɔnggɔ mbula 'da mi, nɛ wa aka mi na, mi amba zu wa ni.

ZAKARIA 11:11

Na mɛ ni, mi yala gba tɔkɛ do ngba soe ni. Nɛ owi be gole batanɔ kɛ wa tɛ zɔ mɔ tɛ mi ni, wa ĩ na, NWA wila we do wala mɛ mi dɛa ni.

ZAKARIA 11:7

Nɛ mi Zakaria, mi hɔa wi fɔmɔ batanɔ kɛ owinɔ wa oso wa we gbɛ wa ni. Nɛ mi kala dɔ te bɔa dɛ kɔ mi. Nɛ mi sa li mbe kpo na “Diazã”, nɛ mi sa li mbee nɛ na “Mbalina”, nɛ mi la we zɔ mɔ tɛ obatanɔ.

MATIE 11:5

owi lɔa linɔ wa tɛ zɔ mɔ, owi 'dã nyanganɔ wa tɛ nɛ nɔ, owi zɛlɛ ngbɛlɛnɔ wa kpasa, nɛ zala Owi la zalanɔ ma fĩ, ofionɔ wa tunu, nɛ Owi sãnɔ wa zila Dia Sakoe.

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

MATIE 5:3

“Yangga do owinɔ kɛ wa ĩ na, lo a mɔ gɔ dati Gale ni, we kɛ wa sɛ a owi kɔ le nwa 'da Gale.

MARKO 7:14

Nɛ 'do nɛ, nɛ Yezu sa 'bɔ mɔ hã winɔ, nɛ a tɔ̃ hã wa na: “Nɛ vɛ̃, nɛ zélé mi sɛ! Nɛ ĩ́ na,

LUKA 12:21

Nɛ Yezu tɔ̃ na: “Ma ɔ 'bɔ kpasaa na mɛ ni, we wi kɛ a ngɛmɛ okpamɛnɔ we a wele nɛ, nɛ nde a do kpamɔ li Gale bina ni.”

LUKA 12:32

“Aa nɛ, owinɔ 'da mi, nɛ dɛ̀lɛ̀ gɔ, kɔ nɛ tɛ dɛ̀ kili gɔ. We kɛ Baa nɛ Gale kɔ̃a na, nɛ le kɔ le nwa 'da a.

LUKA 16:22

“'Do nɛ, nɛ wi sã ni fia, nɛ oanzɛnɔ wa kã a dɛ kɛ zã Abrahama tɛ li nza i. Nɛ 'do nɛ là tũ dɛlɛ gɔ, nɛ wi kpamɛ ni fia tɛ mɛ 'bɔ, nɛ wa mi a.

LUKA 16:25

Nɛ Abrahama gese hã a na: ‘Be 'da mi, mɔ lénggé do kɛ mɔ zi do kpamɔ kɔ dungu nza 'da mɔ wena, nɛ Lazarɛ zi a wi 'bakoe ni. Kɔ ngangga gɛ, 'bakoe 'da a ma ia, nɛ mɔ tɛ kpa ngamɔ.

LUKA 22:29

Na mɛ ni, ɔ nɛ kɛ Baa mi a hã ngawi hã mi, takɔ mi dɛ to nwa ni, mi hã tɛ mɛ 'bɔ kpo ngawi ni hã nɛ.

LUKA 6:20

Nɛ Yezu ka mɔ tɛ Owi yambala mɛnɔ 'da a, nɛ a tɔ̃ hã wa na: “Aa nɛ, owi sãnɔ, nɛ a wi yangga, we kɛ nɛ sɛ a Owi kɔ le nwa 'da Gale!

YOANƐ 7:48

Nɛ zɔa mbe wele sanga lɛ nwanɔ do Ofariziɛnɔ, kɛ a kɔ̃a zu li a ni nde?

Owi Nɛ Tonɔ 7:2

Nɛ Etiɛnɛ gese hã a na: “Obaa mi do onya mi, nɛ zélé mi sɛ! Gale kɛ a do gã dɔ̃lɔ̃ li ni, a hɔa zɛ́ 'da yaa lɛ Abrahama, fala a 'bana zɛ́ ngɔ nù Mezopotami i, dati kɛ na, a kulu dɛ ngɔ nù Haranɛ ni.

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

1 KORINTƐ 2:9

Ma ɔ nɛ kɛ wa kɔma kɔ 'Buki 'da Gale na: “Mɛ a mɔ kɛ wele kpo tɛ zɔ̀ mbe gɔ, nɛ wele tɛ zèlè 'bɔ mbe do zala ɛ gɔ, nɛ wele tɛ kpà mbe linggamɔ nɛ gɔ, nɛ nde Gale 'dafa ma we winɔ kɛ wa kɔ̃a gɛnɛ a ni.”

2 KORINTƐ 4:15

Ngamɛnɔ ni vɛ ma kpa lɛ we duzu nɛ. Na mɛ ni, nɛ Gale be dia zã 'da a hã owinɔ, nɛ wa dɛlɛ dɛ dati, nɛ wa dɔnggɔ a, nɛ wa hã iɔ̃nae hã a fai.

2 KORINTƐ 6:10

Lɛ ɔ li wa nɛ Owi 'bako ni, nɛ nde lɛ fai do yangga. Wa zɔ lɛ nɛ́ Owi sã ni, nɛ nde Owele wena wa hɔa wi kpamɔ li Gale we duzu lɛ. Ma ɔ nɛ kɛ fo mɔ mɔ́ lɛ bina ni, nɛ nde lɛ zɔ̀lɔ̀ mɔ kpo gɔ.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

1 TƐSALONIKƐ 2:12

Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

2 TƐSALONIKƐ 1:5

Zɛlɛ tɛnɔ vɛ̃ nɛ kpa ni, ma 'dafa nɛ na, nɛ we owi kɔ le nwa 'da Gale, kɛ nɛ kpa zɛlɛ tɛ we nɛ ni. Nɛ lá ni ma be na, Gale 'bili we do bɔlɔ nɛ.

1 TIMOTE 6:18

Mɔ dálá nu mɔ hã wa na, wa dɛ de mɔ, nɛ de dɛa mɛnɔ 'da wa dɛlɛ wena. Wa hã́ mɔ do de sila, nɛ wa kɛ sanga mɛnɔ 'da wa do ngba wa.

2 TIMOTE 4:18

Nɛ a kpasa sɛ 'bɔ mi kɔ 'dã mɛnɔ ni, nɛ a ba sɛ mi, nɛ a e mi do lɔa tɛ mi kɔ le nwa 'da a li nza i. E kɔ a kpa dɔ̃lɔ̃ li kɔ sabɛlɛ do sabɛlɛ! Amɛ.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

OHEBRE 11:26

A zɔa na, fala kɛ wa yɔndɔ ɛ, ɔ nɛ kɛ wa yɔndɔ do Mɛsiya ni, nɛ nde ma dia nɛa ngɔ kɛ na ɛ kpa kpamɛnɔ ngɔ nù Ezipeto vɛ̃. We kɛ a ia zɛ́ linggamɛ 'da a ngɔ si olo nɛ kɛ a kpa sɛ do 'do ni.

ZAKE 1:12

Yangga wena do wi kɛ a kunu sila a kɔ ngamɛnɔ kɛ ma yamba a ni. We kɛ Gale a si sɛ olo nɛ hã a do kpasi kɛ a kpua mbulu nɛ hã owinɔ wa kɔ̃a gɛnɛ a ni.

ZAKE 1:16

Aa onyae ngɔ sila mi gɛ, nɛ tɛ ɔ̀lɔ̀ tɛ nɛ gɔ!

ZAKE 1:19

Aa onyae ngɔ sila mi gɛ, dɔ tɛ zu nɛ élé ngɔ we gɛ gɔ: Ma wia na wele zele we dɔ̃, nɛ nde a tɛ wèlè we dɔ̃ dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ.

ZAKE 1:9

Ma wia na, nya lɛ wi kɔ̃a we, kɛ a a wi sã ni, a dɛ́ yangga kɛ Gale ba a dɛ ngɔ ni.

1 PETRO 1:4

Nɛ lɛ gbini zã lɛ do Gale na, a hã sɛ 'bɔ dia mɛ kɛ a usu ma ngɔ i we duzu winɔ 'da a ni hã lɛ. Mɛ a dia mɛ kɛ ma wè tɛ mbulu nɛ gɔ, nɛ ma bá ndi gɔ, nɛ ma 'dángá sɛ 'bɔ gɔ ni.

2 PETRO 1:11

Na mɛ ni, nɛ Gale a hũi sɛ li wala hã nɛ a gã na, nɛ le kɔ le nwa 'da Yezu Kristo, kɛ a a Nwa, do Wi kpasa lɛ ni. Nɛ nɛ ɔ sɛ fala nɛ kpo do a fai.

USU MƐNƆ 2:9

Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

USU MƐNƆ 21:7

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ dia mɛ gɛ hã a: Mi sɛ a Gale 'da a, nɛ a sɛ a be 'da mi.

USU MƐNƆ 3:18

“Kɔ we duzu ki ni, mi tɔ̃ mbula hã nɛ na, nɛ tɛ́ 'da mi nga, kɔ nɛ oso mɔ mbali kɛ wa fi li we, nɛ wa fua ndinɔ kɔ nɛ vɛ̃ ni, kɔ nɛ hɔ ngbongbo owi kpamɔ. Nɛ nɛ ósó 'bɔ ofɛa tulu, we kele do kũlĩ tɛ nɛ, kɛ sape nɛ ba li nɛ ni. Nɛ nɛ ósó ina we zĩ ngɔ li nɛ, takɔ nɛ zɔ 'bɔ mɔ.

Owi kpe dati 9:7

Yotamɛ zila ní, nɛ a kũ dɛ zu kala Garizimɛ, nɛ a he mɔ dɛ ngɔ na: “Aa nɛ, Owi Sikɛmɛ, nɛ kɔ̃ na Gale zele nɛ, nɛ nɛ zele mi sɛ!

1 SAMUƐLƐ 2:30

Kɔ ɔ nɛ kɛ mɔ dɛa ni ni, mɔ zélé we mi NWA Gale 'da nɛ obe Israɛlɛ, mi tɔ̃ hã mɔ gɛ: Mi tɔ̃a zi hã nu fɛlɛ kula 'da mɔ na, wa sɛ fai a onganganɔ 'da mi. Kɔ da dɔ̃ ni, mi tɔ̃ na, ma sɛ 'bɔ ni gɔ. Tua kɛ mi dɔnggɔ owanɔ kɛ wa dɔnggɔ mi ni, nɛ owanɔ wa zɔ mi yala ni, mi zɔ tɛ mɛ 'bɔ wa yala.

1 SAMUƐLƐ 2:8

Wi kɛ a ɔ dɛ bulu nù, nɛ nwa ba a dɛ ngɔ, a fo wi sã ngɔ zubu do'do, nɛ a hã fala hã a sanga ogã winɔ, nɛ a e 'bɔ a ngɔ kpongbo nwa. We kɛ wele nùi gɛ vɛ̃ a mɔ́ NWA, wi a a hã a zĩ nyanga nɛ nganda wena.