ZAKE 2:3 - WE NU GALE 1995

³ Nɛ nɛ hã dĩ hã wi he'de dia tuli, nɛ nɛ tɔ̃ hã a na: “Mɔ tɛ́, hã mɔ dúngú tɛ dia fala gɛ!” Nɛ kɛ 'da wi sã, nɛ tɔ̃ hã a na: “Mɔ yóló dɛ i mɔ” tabi: “Mɔ dúngú nù dɛ ti nyanga mi gɛ!”

ZAKE 2:3 Iomraidhean Croise

GBA WENƆ 18:23

Wi sã wele we do ala nu, nɛ nde wi kpamɔ wele we do nga gɛlɛ.

Ezai 65:5

Nɛ nɛ tɔ̃ hã owinɔ kɛ nɛ kpa wa ni na, wa 'báná dɛ i mɔ, wa tɛ kɔ̀lɔ̀ do lo gɔ, we kɛ lo santo nɛa ngɔ wa. Mi zɔ na mɛ ni, nɛ ma zɛlɛ mi wena, nɛ ngba soe ni vɛ̃ dã kutu kɔ zɔ̃ mi ɔ nɛ zɛ̃ we ni.

LUKA 23:11

Nɛ Herodɛ, do osodanɔ 'da a wa ma ngɔ yɔndɔ a, tɛ mɔmɔ a nɛ ge nde ni. Nɛ wa he'de tulu nwa hã a, nɛ wa tombo a hã Pilatɛ.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

ZAKE 2:2

Nɛ lénggé we gɛ sɛ: Fala kɛ nɛ mba li ngba nɛ, nɛ mbe wele hɔ, nɛ nde a hi'da dia tulu, nɛ a do pɛtɛ mɔ mbali zu kɔ̃ a. Nɛ mbé nɛ hɔ 'bɔ, nɛ nde a a wi sã, nɛ a do ɛ̃a tulu tɛ a.

ZAKE 2:6

Nɛ nde nɛ, nɛ hã́ dĩ hã Owi sãnɔ gɔ. Nɛ ĩ̀ na, owinɔ kɛ wa hã ngamɔ hã nɛ, nɛ wa da nɛ dati Owi 'bili wenɔ ni, wi a Owi kpamɛnɔ gɔ nde?

YUDA 1:16

Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.