Biblia Todo Logo
Bìoball air-loidhne

- Sanasan -




ZAKE 2:1 - WE NU GALE 1995

1 Onyae, nɛ a owinɔ kɛ nɛ kɔ̃a zu li Nwa 'da lɛ Yezu Kristo, kɛ a do dɔ̃lɔ̃ li wena ni, nɛ ma wè na, nɛ saka bula li wele gɔ.

Faic an caibideil Dèan lethbhreac




ZAKE 2:1
29 Iomraidhean Croise  

Nɛ dɛ́ kili NWA, nɛ nɛ dɛ zĩ do mɛnɔ kɛ nɛ dɛ ni. We kɛ NWA Gale 'da lɛ, a kɔ̃̀ na wele gɔnɔ we do bɛlɛ, tabi a zɔ bila li wele, sɛ nɛ a gɔnɔ dia we hã a de gɔ. Nɛ a kɔ̃̀ 'bɔ na, wele futa avoka sɛ nɛ wa gɔnɔ dia we hã a de gɔ.”


Owi hã zãnɔ wa tɔ́a na: Si 'do wele we gɔnɔ dia we hã a, ma dè gɔ.


Si 'do 'dã wele we gɔnɔ dia we hã a, ma dè gɔ. Nɛ nde ombe wa dɛ na mɛ ni we be mbili sĩ iko.


“Nɛ tɛ 'bìlì we do bɛlɛ gɔ. Nɛ tɛ gbɛ̀ dia gulu we hã wi 'bako yala iko gɔ, nɛ nɛ tɛ dɛ̀ kili wi kpamɔ gɔ. Nɛ nde nɛ gɔ́nɔ́ wenɔ 'da ongba nɛ do bɔlɔ nɛ.


Nɛ wa tumba mbe winɔ 'da wa, do mbe winɔ 'da Herodɛ hã Yezu we aka a na: “Wi be mɔ, lɛ ĩ na, mɔ tɔ̃ gbãlã we fai, nɛ mɔ be tati a wala kɛ ma a bɔlɔ li Gale ni. Nɛ mɔ dɛ́ kili wele gɔ, nɛ mɔ sɔ́nzɔ́ do mɔ mɔ́ wele gɔ.


Nɛ Petro tɔ̃ hã wa na: “Mi ĩ wá ngboo na, Gale kɛ sanga wele gɔ.


Mi sa mɔ hã Yudanɔ do ogele winɔ na, wa kifi sila wa, kɔ wa siki li wa dɛ 'da Gale, nɛ wa kɔ̃ zu li Nwa Yezu Kristo.


Olo nɛ là tũ dɛlɛ gɔ, nɛ Feliksi tɛa, fala nɛ kpo do wuke 'da Druzilɛ, kɛ a zi a boko Yuda ni. Nɛ Feliksi tombo na, wa tɛ do Polo. Nɛ Polo tɛa, nɛ a tɔ̃ we kɛ wele wia do kɔ̃ zu li Yezu ni hã wa.


Nɛ Etiɛnɛ gese hã a na: “Obaa mi do onya mi, nɛ zélé mi sɛ! Gale kɛ a do gã dɔ̃lɔ̃ li ni, a hɔa zɛ́ 'da yaa lɛ Abrahama, fala a 'bana zɛ́ ngɔ nù Mezopotami i, dati kɛ na, a kulu dɛ ngɔ nù Haranɛ ni.


Mba gɔ, mi do wɔ wena we zɔ nɛ, takɔ Gale wele nu ɛ tɛ nɛ do wala 'da mi, hã kɔ̃a we 'da nɛ nganda.


Ngɔ nù gɛ, nwa kpo kɛ a ĩ zi ti hã zã ni bina. Mba gɔ, wa ĩ zi ti ma, nɛ nde wa wé zi tɛ bɛ̃lɛ̃ Nwa, wele dɔ̃lɔ̃ li ngɔ finda te gɔ.


Nɛ tɛ gɔ̀nɔ̀ ngbangga hã wele do bɛlɛ gɔ. Nɛ gɔnɔ ngbangga do bɔlɔ nɛ hã winɔ vɛ̃, wi sã tabi gã wi, nɛ nɛ tɛ dɛ̃ kili wele kpo gɔ, we kɛ nɛ gɔnɔ sɛ ngbangganɔ vɛ̃ do zu li Gale. Fala kɛ we hɔ, kɔ ma nɛ ngɔ nɛ do'do, nɛ nɛ tɛ do ma dati mi, nɛ mi 'bili sɛ ma.’


Nɛ ma wè na, wa gbɛ 'dã we hã owi dia gulu wenɔ do bɛlɛ gɔ. Wa tɛ zɔ̃ bula li wele, sɛ nɛ wa gɔnɔ dia we hã a de gɔ. Wele futa avoka hã wa na, wa 'bili dia gulu we hã ɛ, nɛ wa tɛ kɔ̃̀ gɛnɛ nɛ gɔ. We kɛ avoka ni, ma wia we lɔ li wi hã zã do wi bɔlɔ zu na, wa gɔnɔ ngbangga do 'dã nɛ.


Mba gɔ, lɛ zila sako kɔ̃a we 'da nɛ, kɛ nɛ kɔ̃a do zu li Yezu Kristo, do tɛlɛ tɛ kɛ nɛ kɔ̃a do gɛnɛ owinɔ 'da Gale vɛ̃ ni.


Kɔ mɔ dúngú do kɔ̃a we, nɛ mɔ ɔ́ do dia linggamɔ kɔ sila mɔ. Mba gɔ, ombe winɔ wa bɛa zi gɛnɛ dia linggamɛnɔ kɔ sila wa, nɛ 'do nɛ, nɛ kɔ̃a we 'da wa ma 'danga zi do'do.


Mi ba nu mi hã mɔ do zu li Gale, do zu li Yezu Kristo, do zu li anzɛnɔ kɛ a saka wa ni na, mɔ dɛ́ mbulanɔ kɛ mi tɔ̃a hã mɔ gɛ vɛ, nɛ mɔ tɛ zɔ̀ bula li wele gɔ, nɛ nde mɔ dɛ́ mɔ hã winɔ vɛ we kɔ̃.


Wi a mi Polo, wi dɛa toe 'da Gale, do wi nɛ toe 'da Yezu Kristo, mi a mi kɔmɔ mbɛti gɛ. Gale tumba mi na, mi gã 'da kɔ̃a we 'da owinɔ kɛ a saka wa ni, nɛ mi be gbãlã we dɛa to tɛ wi kɛ ma wia do winɔ 'da Gale ni hã wa,


Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.


A bia yele ngbala dɔ̃lɔ̃ li 'da Gale, nɛ tɛlɛ tɛ̃ a be tɛlɛ tɛ Gale ngboo. Ngawi 'da wila we nu a tɔndɔ mɛnɔ nyanga nza gɛ vɛ́, nɛ ma yolo. 'Do kɛ a fɔlɔ 'dã mɛnɔ 'da owinɔ do'do ni, nɛ a kũ li nza i, nɛ a dungu tɛ ngɔ ngawili kɔ̃ Gale, kɛ a do nganda nɛa ngɔ mɛnɔ vɛ ni.


Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.


Aa onyae ngɔ sila mi gɛ, nɛ tɛ ɔ̀lɔ̀ tɛ nɛ gɔ!


Aa onyae ngɔ sila mi gɛ, dɔ tɛ zu nɛ élé ngɔ we gɛ gɔ: Ma wia na wele zele we dɔ̃, nɛ nde a tɛ wèlè we dɔ̃ dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ.


Nɛ nɛ hã dĩ hã wi he'de dia tuli, nɛ nɛ tɔ̃ hã a na: “Mɔ tɛ́, hã mɔ dúngú tɛ dia fala gɛ!” Nɛ kɛ 'da wi sã, nɛ tɔ̃ hã a na: “Mɔ yóló dɛ i mɔ” tabi: “Mɔ dúngú nù dɛ ti nyanga mi gɛ!”


Kɔ fala kɛ nɛ gɔnɔ sanga Owele gɔna, nɛ nde nɛ dɛa 'dã mɔ, nɛ mbula ma hã sɛ ngbangga hã nɛ li Gale, we kɛ nɛ 'danga ma.


Nɛ nde hã zã kɛ ma yula 'da Gale ni, ma si tɛ ɛ do ki ni. Wi kɛ a do hã zã kɛ ma yula 'da Gale ni, a a wi kɛ sila a a sa, a a wi dɛ na, do wi gɛ̃a sila, nɛ gbãlã zã a boe. A do 'bako ongba a li a boe, nɛ a a wi dɛ de mɔ. A sáká bula li wele gɔ, nɛ a ɔ́lɔ́ wele gɔ.


Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.


Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.


We duzu ki ni, ma wia na, owinɔ 'da Gale kɛ wa dɛ mbulanɔ 'da a, nɛ wa do kɔ̃a we dɛ 'da Kristo ni, wa ɔ do du sila.


Lean sinn:

Sanasan


Sanasan