ZAKE 1:9 - WE NU GALE 1995

⁹ Ma wia na, nya lɛ wi kɔ̃a we, kɛ a a wi sã ni, a dɛ́ yangga kɛ Gale ba a dɛ ngɔ ni.

ZAKE 1:9 Iomraidhean Croise

Zumanɔ 62:9

Aa nɛ, owinɔ 'da Gale, nɛ gbíní zã nɛ do a fai, nɛ nɛ tɔ̃́ kɔ sila nɛ hã a. Mba gɔ, Gale a wi usu zu lɛ.

GBA WENƆ 17:5

Wi kɛ a mɔmɔ Owi sã ni, a dã zu li Gale, kɛ a dɛa wa ni. Wele kɛ a zɔ ngamɛ 'da ngba a, nɛ a dɛ yangga nɛ ni, a kpa sɛ etumbu.

GBA WENƆ 19:1

Ɔ wi sã, do wi gbisa zu dia nɛa ngɔ ɔ wi 'bili bele, nɛ́ kɛ mɔ a yɔndɔ wi ni.

Ezai 29:19

NWA, kɛ a a Gale santo 'da obe Israɛlɛ ni, a hã sɛ yangga hã owi sãnɔ do owi 'bakonɔ, nɛ yangga ni ma gã sɛ dɛ dati fai.

LUKA 1:52

A fua gã winɔ ngɔ kpongbo nwa 'da wa do'do, nɛ a ba be winɔ dɛ ngɔ.

LUKA 10:20

Nɛ nde nɛ tɛ sì tɛ dɛ yangga kɛ o'dã hi winɔ wa zele nu nɛ ni gɔ, nɛ nde nɛ dɛ́ yangga kɛ na, Gale kɔma li nɛ kɔ 'Buki 'da a li nza i ni.”

LUKA 14:11

Nɛ ĩ́ na, wi kɛ a ba tɛ̃ a dɛ ngɔ, nɛ Gale a fi sɛ a nù. Nɛ wi kɛ a ba tɛ̃ ɛ dɛ nù, nɛ Gale a ba sɛ a dɛ ngɔ.”

LUKA 9:48

Nɛ a tɔ̃ hã wa na: “Wi kɛ a kɔ̃ gɛnɛ be gɛ kɔ tɔa 'da a do zu li mi, nɛ nde a kɔ̃a gɛnɛ mi kɔ tɔa 'da a. Nɛ wi kɛ a kɔ̃ gɛnɛ mi, nɛ nde a kɔ̃a 'bɔ gɛnɛ Wi tombo mi. Nɛ ĩ́ na, sanga nɛ gɛ, wi kɛ a do ngɔ go'do ongba a vɛ̃ ni, a nɛa ngɔ ongba a.”

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

2 KORINTƐ 6:10

Lɛ ɔ li wa nɛ Owi 'bako ni, nɛ nde lɛ fai do yangga. Wa zɔ lɛ nɛ́ Owi sã ni, nɛ nde Owele wena wa hɔa wi kpamɔ li Gale we duzu lɛ. Ma ɔ nɛ kɛ fo mɔ mɔ́ lɛ bina ni, nɛ nde lɛ zɔ̀lɔ̀ mɔ kpo gɔ.

Mbulanɔ 15:11

Owi sãnɔ wa sɛ ngɔ nùi 'da nɛ boe fai. Ma kɛ mi ba nu mi hã nɛ na, nɛ be dia kɔ sila hã nya nɛ, obe Israɛlɛ, kɛ wa a wi 'bako, nɛ wa do sã ni.

Mbulanɔ 15:7

“Nɛ nde fala kɛ kɔ mbe le kɛ NWA Gale 'da nɛ, a hã ma hã nɛ ni, kɔ nɛ zɔ mbe nya nɛ be Israɛlɛ kpo kɔ sã, nɛ nɛ tɛ dɛ̀ sila hã a gɔ. Nɛ tɛ bɛ we hã ku'da hã a gɔ.

Mbulanɔ 15:9

Dɔ 'dã linggamɔ lé kɔ sila nɛ, kɔ nɛ lengge na: ‘Ee, Sɔkpɔ sabɛlɛ sambo kɛ wa gbɛ sɛ do ku'da dɛ zu winɔ ni, ma kɔlɔ 'bɔ ia’ gɔ. Nɛ lengge ni, nɛ nɛ fa sɛ we bɛ na, nɛ hã ku'da hã nya nɛ be Israɛlɛ kɛ sã ba a ni gɔ. Kɔ nɛ bɛ̃ we gbaka nya nɛ be Israɛlɛ, kɛ a do sã ni, nɛ a da sɛ nɛ dati NWA, nɛ nɛ te sɛ do ngbangga.

FILIPƐ 3:14

Ma kɛ mi tɛ yu a nga we hɔ ndɔti yui, takɔ mi kpa de mɛ kɛ Gale sa zi mɔ hã lɛ we nɛ li nza i do wala 'da Yezu Kristo ni.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.

USU MƐNƆ 2:9

Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

1 SAMUƐLƐ 2:8

Wi kɛ a ɔ dɛ bulu nù, nɛ nwa ba a dɛ ngɔ, a fo wi sã ngɔ zubu do'do, nɛ a hã fala hã a sanga ogã winɔ, nɛ a e 'bɔ a ngɔ kpongbo nwa. We kɛ wele nùi gɛ vɛ̃ a mɔ́ NWA, wi a a hã a zĩ nyanga nɛ nganda wena.