ZAKE 1:8 - WE NU GALE 1995

⁸ we kɛ sila a bɔa, nɛ a kpolo dɛa mɔ tɛ̃ a kpula fai.

ZAKE 1:8 Iomraidhean Croise

1 Onwanɔ 18:21

nɛ Elia nɛ, nɛ a yolo dɛ dati winɔ vɛ̃, nɛ a na: “Nɛ nɛ 'do NWA Gale, nɛ nɛ nɛ 'bɔ 'do ogale bɛlɛnɔ, nɛ nɛ dɔnggɔ wa bɔa nɛ. Kɔ nɛ nɛ la fala dɛ ní soe ki nge nde? Tabi nwa a ngbongbo Gale, nɛ ma wia na, nɛ dɔnggɔ a, tabi ngbongbo Gale wi a Bala, nɛ nɛ dɔnggɔ a!” Nɛ wele kpo wèlè we gɔ.

2 Onwanɔ 17:33

Ĩ na, wa dɔnggɔ zi NWA Gale, nɛ wa tɛ dɔnggɔ 'bɔ ogale olo yaa wa, ɔ nɛ kɛ wa dɔnggɔ zi wa ngɔ nùnɔ wa yula nɛ ni.

2 Onwanɔ 17:41

Wa mba zi dɔnggɔ NWA Gale fala nɛ kpo do dɔnggɔ okpikimanɔ 'da wa. Nɛ obe zã wa wa 'bana tɛ dɛ na mɛ ni fai tia do sɔɛ gɛ.

Zumanɔ 119:113

Mi bɛ̃a gɛnɛ winɔ wa do sila wa bɔa ni, nɛ mi kɔ̃a gɛnɛ mbula 'da mɔ.

Ezai 29:13

NWA tɔ̃a na: “Owinɔ ni wa sambala mi, nɛ nde wa dɔnggɔ mi do nu wa iko, wa é sila wa ngɔ mi gɔ. Do kɔ sila wa, nɛ nde wa nyɛlɛ do mi wena. Wa dɛ ɔ nɛ kɛ wa yu kili mi yu ni, nɛ nde ma yòlò do kɔ sila wa gɔ, wa yambala dɛ mbulanɔ ni kɔ̃ oyaa wa iko.

OZE 10:2

Sila wa ma 'danga wena, ma kɛ wa zɔ sɛ ngamɔ olo 'dã mɛnɔ wa dɛa ni. Gale a gbini sɛ gbagalanɔ 'da wa, nɛ a 'danga sɛ tanɔ wa ndɛngɛlɛ dɛ ngɔ ngbɛ ɛ we dɔnggɔ ma ni.

MATIE 6:22

“Gbali wi a mwinda kɔ kili tɛ wi. Fala kɛ gbali mɔ 'bana do dia nɛ, nɛ ma zɔ sɛ mɔ kɛ zã mɔ vɛ̃.

MATIE 6:24

“Wele wè tɛ dɛ to hã onwa bɔa gɔ. Mba gɔ, a sɛnɛ sɛ mbe kpo, nɛ a kɔ̃ gɛnɛ mbee nɛ. Tabi a nɛ sɛ 'do mbe kpo, nɛ a bɛ̃ we nu mbee nɛ. Kɔ nɛ wè tɛ hã tɛ nɛ we dɛa toe 'da Gale, nɛ nɛ hã 'bɔ tɛ nɛ we mbili gɔ.

ZAKE 1:7

Wi ba kafi ni tɛ lènggè na, Nwa a hã sɛ mɔ hã ɛ gɔ,

ZAKE 4:8

Nɛ kɔ́lɔ́ do Gale, nɛ a kɔlɔ sɛ tɛ mɛ 'bɔ do nɛ. Aa nɛ, Owi dɛ 'dã mɛnɔ, nɛ fɔ́lɔ́ kɔ̃ nɛ tɛ 'dã mɔ. Nɛ, owi ɔlɔ winɔ, nɛ fó 'dã linggamɛnɔ kɔ sila nɛ.

2 PETRO 2:14

Gbali wa kɛnggɛlɛ tati a owuko ndumbanɔ we fa wa, nɛ wɔ tɛ 'dã mɔ é kɔ sila wa fala kpo gɔ. Wa ɔkɔlɔ winɔ kɛ sila wa ngàndà gɔ ni, nɛ wa fi wa kɔ 'dã mɔ. Wɔ mbili gã kɔ sila wa wena. Nɛ nde Gale fɔmba wa ia.

2 PETRO 3:16

Nɛ kɔ mbɛtinɔ 'da a vɛ̃ kɛ a kɔma ngɔ hɔa 'da Nwa 'da lɛ ni, a tɔ̃a wenɔ gɛ. Nɛ nde mbe wenɔ kɛ a kɔma ma ni, ma ngandá wena. Gulu nɛ a ombe winɔ kɛ wa ĩ̀ ti mɔ ngboo gɔ, tabi sila wa ngàndà gɔ ni, wa kpula gulu wenɔ ni do'do, ɔ nɛ kɛ wa kpolo do mbe gele wenɔ kɔ 'Buki 'da Gale ni. Kɛ wa dɛ ni, wa fi ngbangga 'da Gale zu wa wele nɛ.