ZAKE 1:5 - WE NU GALE 1995

⁵ Kɔ fala kɛ wele sanga nɛ zɔlɔ hã zã, nɛ ma wia na, a gɔ ma kɔ̃ Gale, nɛ Gale a hã sɛ hã a, we kɛ Gale hã mɔ hã wele vɛ̃ do dia sila iko, nɛ a áká nu wele we nɛ gɔ.

ZAKE 1:5 Iomraidhean Croise

1 Sakonɔ 22:12

'Da fala kɛ nwa a e sɛ mɔ do gã wi ngɔ obe Israɛlɛ ni, nɛ e kɔ a hã sɛ ĩ ti gɔnɔ sanga mɔ do hã zã hã mɔ, takɔ mɔ dɛ mbula nu a.

2 Sakonɔ 1:10

We duzu ma, aa NWA, fala kɛ mɔ kɔ̃, nɛ mɔ hã hã zã do ĩ ti gɔnɔ sanga mɔ hã mi, takɔ mi ĩ ti fɔmɔ owinɔ mɔ ia mi ngɔ wa gɛ do dia nɛ. Tua kɛ wele do hã zã bina, nɛ nde a wé sɛ we fɔmɔ winɔ 'da mɔ, kɛ wa dɛlɛ wena gɛ gɔ.”

Zumanɔ 51:6

'Dã mɛ kɛ mi dɛa ni, mi dɛa ma dɛ tɛ mɔ zu mɔ kpo. Mba gɔ, mi dɛa mɔ kɛ ma dè li mɔ gɔ. Nɛ mɔ 'bili 'dã we hã mi, nɛ nde mɔ 'bili do bɔlɔ nɛ, nɛ fo sɛ wi kɔ'dɔ mɔ bina.

Kulu Tɔa 31:3

Nɛ mi tumba Hi Wi 'da mi hã a na, ma dunu kɔ a, takɔ a kpa gã hã zã, nɛ gbãlã zã a siki. A ĩ ti dɛ si'bili dɛa to kɔ wi wena.

Kulu Tɔa 31:6

Mi saka 'bɔ Oholiabɛ, be 'da Ahisamakɛ, wi nu kpala Danɛ, nɛ mi ia a na, wa dɛ tonɔ do Bɛsalɛlɛ. Mi hã 'bɔ gã gbãlã zã hã tala owi dɛ si'bili to kɔ winɔ na, wa mba do wa, hã wa dɛ to mɛnɔ vɛ̃ kɛ mi bia hã mɔ ni.

GBA WENƆ 8:17

Winɔ kɛ wa kɔ̃ gɛnɛ mi ni, nɛ mi kɔ̃ tɛ mɛ 'bɔ gɛnɛ wa. Winɔ wa fa mi, nɛ wa kpa sɛ mi.

MATIE 11:20

Nɛ Yezu ma ngɔ kɔ'dɔ winɔ kɛ a dɛa zi gba sɔ̃ mɛnɔ kɔ lenɔ 'da wa ni, we kɛ wa kìfì zi sila wa gɔ. Nɛ a tɔ̃a hã wa na:

MARKO 16:14

Nɛ do ndɔti nɛ vɛ̃, nɛ Yezu bia tɛ̃ a hã Owi yambala mɛnɔ 'bu ngɔ wa kpo ni. Do 'da fala ni, nɛ nde wa zi tɛ nyɔngɔ mɔ. Nɛ a kɔ'dɔ wa, we duzu kɛ wa do kɔ̃a we bina, nɛ zu wa nganda 'bɔ wena. Mba gɔ, wa kɔ̃̀ zi we nu owinɔ kɛ wa zɔ a do tunu li a ni gɔ.

YOANƐ 14:13

Mɛnɔ vɛ̃ nɛ aka Baa mi we nɛ do zu li mi ni, mi dɛ sɛ ma, takɔ Baa mi kpa dɔ̃lɔ̃ li do wala 'da mi.

YOANƐ 15:7

Kɔ fala kɛ nɛ 'bana dɛ kɔ mi, hã wenɔ 'da mi ma 'bana dɛ kɔ sila nɛ, nɛ nɛ kpa sɛ mɛnɔ kɛ nɛ gɔ ma ni vɛ̃.

YOANƐ 4:10

Nɛ Yezu gese hã a na: “Ɔ do kɛ mɔ ĩ sɔ ti dia mɛ kɛ Gale hã ma ni ĩ, kɔ mɔ ĩ sɔ 'bɔ ti wele kɛ a gɔa lì kɔ̃ mɔ gɛ, nɛ mɔ a mɔ gɔ sɔ li kɔ a, nɛ a hã sɔ lì kɛ ma hã kpasi ni hã mɔ.”

2 KORINTƐ 2:16

We duzu winɔ wa ngɔ wala fie ni, nɛ nde lɛ unu wa ɔ nɛ ngulu fio kɛ ma wia we gbɛ wa ni. Nɛ we duzu wanɔ wa ngɔ wala kpasi ni, nɛ nde lɛ unu wa ɔ nɛ yɔmbɔ kɛ ma hã kpasi ni. Wi kɛ a wia we dɛ mɔ ɔ ní a wio nde?

ZAKE 1:17

Dia mɛnɔ vɛ̃ ma yolo 'da Baa lɛ Gale tɛ ngɔ i, kɛ a dɛa wese, do zɛkɛ, do sɔlanɔ ni. Gale kpóló tɛlɛ tɛ̃ a gɔ. A ɔ̀ nɛ wese kɛ ma le nù, nɛ ma la lɛ dɛ kɔ gba tũ ni gɔ.

ZAKE 3:17

Nɛ nde hã zã kɛ ma yula 'da Gale ni, ma si tɛ ɛ do ki ni. Wi kɛ a do hã zã kɛ ma yula 'da Gale ni, a a wi kɛ sila a a sa, a a wi dɛ na, do wi gɛ̃a sila, nɛ gbãlã zã a boe. A do 'bako ongba a li a boe, nɛ a a wi dɛ de mɔ. A sáká bula li wele gɔ, nɛ a ɔ́lɔ́ wele gɔ.

ZAKE 5:16

Kɔ we duzu ki ni, mi tɔ̃ hã nɛ na, nɛ gbálá 'dã mɛnɔ 'da nɛ hã ongba nɛ, nɛ nɛ sámbálá 'bɔ Gale we ongba nɛ, takɔ nɛ kpasa tɛ zɛlɛ 'da nɛ. Sambala kɛ wi bɔlɔ zu sambala do sila a vɛ̃ ni, ma do ngawi wena.

1 YOANƐ 3:22

Nɛ Gale a hã sɛ mɛnɔ lɛ gɔ kɔ̃ a ni vɛ̃ hã lɛ, we kɛ lɛ dɛ mbula 'da a dɛa, nɛ lɛ dɛ a mɔ kɛ ma hã yangga hã a ni.