ZAKE 1:4 - WE NU GALE 1995

⁴ Nɛ nde ma wia na, nɛ nganda sila nɛ gbaa we hɔ ndɔti nɛ, takɔ nɛ hɔ dia wi ngboo, nɛ mɔ kpo tɛ zɔ̀lɔ̀ kɔ dɛa mɔ tɛ nɛ gɔ.

ZAKE 1:4 Iomraidhean Croise

YƆBƆ 17:9

E kɔ wi bɔlɔ zu 'bana tɛ dɛ mɔ bɔlɔ zu 'da a. Nɛ wi dia sila dɛ nganda we dɛ de mɔ.

Zumanɔ 37:7

Mɔ mbɔ́kɔ́ sila mɔ dati NWA, nɛ mɔ 'bɔ 'da mɛ kɛ a nɛ dɛ ma ni. Gɛnɛ kɔ 'dã wele kpa de mɔ, tabi 'dã mɛnɔ kɛ a 'dafa hã a dɛ ma ni, ma Sɔkpɔ do dia nɛ, nɛ zã mɔ tɛ nɔ̃̀lɔ̃̀ dɛ tɛ̃ a gɔ.

Zumanɔ 40:1

Zuma 'da Davidi

GBA WENƆ 4:8

Mɔ kɔ̃ gɛnɛ hã zã, nɛ mɔ hɔ sɛ gã wi. Mɔ nda'ba tɛ mɔ do ma, nɛ mɔ kpa sɛ dɔ̃lɔ̃ li.

HABAKUKƐ 2:3

Wenɔ ni ma dɛ́ sɛ tɛ̃ ɛ da dɔ̃ gɛ gɔ, nɛ nde kɔ̃ tũ nɛ ma tɛ kɔlɔ nɛ. Gɛnɛ kɔ ma dɛ̃ tɛ̃ ɛ ngangga gɛ gɔ, nɛ mɔ kunu sila mɔ kpa. Wenɔ mi nɛ tɔ̃ ma ni, ma dɛ sɛ tɛ̃ ɛ do ngbongbo nɛ, wele dísí sɛ ma gɔ.

MATIE 10:22

Nɛ winɔ vɛ̃ wa sɛnɛ sɛ nɛ we duzu mi. Kɔ wele kɛ sila a nɔ tɛ kɔ̃a we 'da a, gbaa we hɔ ndɔti nɛ, nɛ Gale a kpasa sɛ a.

MATIE 19:20

Nɛ zagbãlã ni gese na: “Mi dɛa zi mbulanɔ ni vɛ̃ ia, kɔ mɛ ma zɔla mi ni a ge nde?”

MATIE 5:48

Ma wia na, dɛa mɔ tɛ nɛ we ngboo, ɔ nɛ kɛ 'da Baa nɛ, kɛ a li nza i ni.

MARKO 10:21

Nɛ Yezu ka mɔ tɛ̃ a, nɛ a kɔ̃ gɛnɛ a, nɛ a tɔ̃ hã a na: “Mɔ zɔla mɔ kpo! Mɔ sí, kɔ mɔ bé gole kpamɛnɔ 'da mɔ vɛ̃, nɛ mɔ kɛ mbili nɛ hã owi sãnɔ. Nɛ mɔ kpa sɛ mbé kpamɔ tɛ li nza i. Nɛ mɔ kpóló tɛ mɔ, nɛ lɛ yɛnggɛ do mɔ.”

LUKA 18:22

Kɔ Yezu nɛa we zele ní, nɛ a tɔ̃ hã a na: “Mɔ zɔla mɔ kpo! Mɔ sí, kɔ mɔ bé gole kpamɛnɔ 'da mɔ vɛ̃, nɛ mɔ kɛ mbili nɛ hã Owi sãnɔ. Nɛ mɔ kpa sɛ mbé kpamɔ tɛ li nza i. Nɛ mɔ kpóló tɛ mɔ, nɛ mɔ tɛ 'dɔkɔlɔ mi.”

LUKA 21:19

Kɔ sila nɛ nɔ tɛ kɔ̃a we 'da nɛ, nɛ Gale a kpasa sɛ nɛ.

LUKA 8:15

Nɛ owinɔ kɛ wa ɔ nɛ dia nùi kɛ kpalɛ ala ngɔ nɛ ni, wi a wanɔ kɛ wa zele Dia Sakoe, nɛ wa usu ma dɛ kɔ sila wa, nɛ ma ko dia wala te, we nɔa sila 'da wa ni.”

YOANƐ 17:23

Mi mba do wa, nɛ mɔ mba do mi, takɔ wa vɛ̃ wa ɔ wele kpo, nɛ owinɔ wa ĩ na, mɔ tumba mi, nɛ mɔ kɔ̃a gɛnɛ wa kpasaa ɔ nɛ kɛ mɔ kɔ̃a do gɛnɛ mi ni.

1 KORINTƐ 2:6

Gɛnɛ kɔ na mɛ ni, nɛ nde we mi be ma ni, mɛ a lɛnggɛ hã zã we duzu Owi Kristonɔ kɛ kɔ̃a we 'da wa nganda ia ni. Mɛ a hã zã mɔ́ Owi nù gɔ, nɛ mɛ 'bɔ a kɛ 'da Onwanɔ nù gɛ, kɛ Gale a kumu sɛ wa ni gɔ.

GALATI 6:9

Ní nɛ lɛ tɛ mbɔ̀kɔ̀ tɛ dɛ de mɔ gɔ. Mba gɔ, 'da fala kɛ lɛ mbɔ̀kɔ̀ gɔ, nɛ lɛ kpa sɛ si olo nɛ do li zɔlɔ nɛ.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

2 TIMOTE 3:17

Na mɛ ni, ma gala wi 'da Gale na, a hɔ gbãlã wele ngboo, nɛ a we tɛ dɛ de dɛa mɛnɔ vɛ.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

ZAKE 1:5

Kɔ fala kɛ wele sanga nɛ zɔlɔ hã zã, nɛ ma wia na, a gɔ ma kɔ̃ Gale, nɛ Gale a hã sɛ hã a, we kɛ Gale hã mɔ hã wele vɛ̃ do dia sila iko, nɛ a áká nu wele we nɛ gɔ.

ZAKE 3:2

Lɛ vɛ, lɛ dɛ 'dã mɔ wena. Nɛ nde wi kɛ a yɔ́ nu a fala kpo gɔ ni, a a dia wi ngboo, nɛ a ĩ 'bɔ ti zimi tɛ̃ a do dia nɛ.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

2 PETRO 1:9

Nɛ nde wi kɛ a dɛ́ mɛnɔ gɛ gɔ ni, a ɔ nɛ wi tandu ni. Ta zu a ila ngɔ kɛ na, Gale fɔlɔ zi 'dã mɛnɔ kɛ a dɛa zi dati ia ni do'do.