ZAKE 1:3 - WE NU GALE 1995

³ Mba gɔ, nɛ ĩ́ na, 'da fala nɛ kunu sila nɛ ngɔ ngamɛnɔ kɛ ma yamba kɔ̃a we 'da nɛ ni, nɛ sila nɛ ma nganda sɛ.

ZAKE 1:3 Iomraidhean Croise

LUKA 21:19

Kɔ sila nɛ nɔ tɛ kɔ̃a we 'da nɛ, nɛ Gale a kpasa sɛ nɛ.

ROMA 15:4

Wenɔ vɛ kɛ wa kɔma zɛ́ ma kɔ 'Buki 'da Gale ni, wa kɔmɔ we be do mɔ hã lɛ. We kɛ wenɔ ni gala lɛ na, lɛ ɔ do du sila, nɛ lɛ kpa kpã sila, we gbini zã lɛ do dia mɛnɔ kɛ lɛ kpa sɛ ma 'do gɛ ni.

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

ROMA 8:25

Nɛ nde lɛ, lɛ gbini zã lɛ do mɔ kɛ lɛ tɛ zɔ̀ ma gɔ ni, nɛ lɛ 'bɔ 'da ma do kpã sila ngboo.

ROMA 8:28

Lɛ ĩ na, Gale dɛ na, omɛnɔ vɛ ma sɔkpɔ do dia nɛ we owinɔ kɛ wa kɔ̃a gɛnɛ a, nɛ a saka wa ɔ nɛ kɛ a 'dafa zɛ́ do kɔ sila a ni.

2 KORINTƐ 4:17

Obe zɛlɛ tɛnɔ kɛ lɛ kpa ma ngangga gɛ, nɛ ma la dɔ̃ iko ni, ma 'dafa lɛ we kpa gã dɔ̃lɔ̃ li kɛ ma 'bana sɛ fai, nɛ ma nɛa ngɔ zɛlɛ tɛnɔ ni fala dɛlɛ wena ni.

KƆLƆSƐ 1:11

Lɛ aka Gale na, a kpãlã sila nɛ do ngawi 'da a kɛ ma do dɔ̃lɔ̃ li wena ni, takɔ nɛ ɔ do nɔa sila, nɛ nɛ ĩ ti kunu sila nɛ kɔ ngamɛnɔ vɛ̃.

2 TƐSALONIKƐ 1:4

Ma kɛ lɛ dɔnggɔ tɛ lɛ do nɛ kɔ eklezianɔ 'da Gale, we duzu kɛ kɔ zɛlɛ tɛnɔ do ngamɛnɔ nɛ kpa ma ni, nɛ nde nɛ 'bana do kpã sila, do kɔ̃a we dɛ 'da Yezu.

2 TƐSALONIKƐ 3:5

E kɔ Nwa 'dafa sila nɛ na, nɛ kpa kɔ̃a zã 'da Gale, nɛ sila nɛ nganda ɔ nɛ kɛ 'da Kristo ni.

OHEBRE 10:36

Ma wia na, nɛ ɔ do du sila, takɔ nɛ we tɛ dɛ mɛ kɛ zã Gale kɔ̃a ni, nɛ nɛ kpa mɛ kɛ a kpua zɛ́ mbulu nɛ hã nɛ ni.

OHEBRE 12:1

Nɛ nde kɛ 'da lɛ, ɔ nɛ kɛ ogba gili wi kɔ̃a wenɔ wa linggi lɛ zĩ takpa ni, ma wia na, lɛ fo mɛnɔ vɛ kɛ ma kpe wala ti lɛ na, lɛ tɛ là dɛ dati gɔ ni do'do. Lɛ lá fala 'dã mɛnɔ kɛ ma ɛnzɛ lɛ, nɛ ma gbɔtɔ lɛ dɛ 'do ni, kɔ lɛ yú yui kɛ Gale wia hã lɛ ni do kpã sila.

OHEBRE 6:12

Lɛ kɔ̃̀ na, nɛ mbɔkɔ hã nɛ la fala nɛ gɔ. Nɛ nde nɛ dɛ mɔ tɛ nɛ ɔ nɛ kɛ 'da winɔ wa kɔ̃ zu li Gale, nɛ wa kunu sila wa gbaa, nɛ wa kpa mɛnɔ kɛ Gale kpua zi mbulu nɛ hã wa ni.

1 PETRO 1:7

Mba gɔ, ngamɛnɔ ni, ma yamba nɛ we ĩ na, kɔ̃a we 'da nɛ mɛ a ngbongbo kɔ̃a we nde? Nɛ zɔ́ mɔ mbali, gɛnɛ kɔ ma ɔ́ fai gɔ, nɛ nde owele wa ba ma, nɛ wa fi li we we yamba ma na, ma a dia nde. Do kpo wala ni, Gale yamba kɔ̃a we 'da nɛ kɛ ma dia nɛa ngɔ mɔ mbali wena ni, we ĩ na, mɛ a ngbongbo kɔ̃a we nde? A dɛ ni, takɔ nɛ kpa dɔngga wi, do dɔ̃lɔ̃ li, nɛ sako li nɛ he do ngba soe kɛ Yezu Kristo a tɛ sɛ 'bɔ nɛ ni.

2 PETRO 1:6

nɛ ĩ ti mɛ 'da nɛ mba do zimi tɛ nɛ. Kɔ nɛ ma ngɔ zimi tɛ nɛ, nɛ nɛ kúnú sila nɛ. Nɛ nɛ mba kunu sila nɛ do ba tɛ nɛ hã Gale.