ZAKE 1:12 - WE NU GALE 1995

¹² Yangga wena do wi kɛ a kunu sila a kɔ ngamɛnɔ kɛ ma yamba a ni. We kɛ Gale a si sɛ olo nɛ hã a do kpasi kɛ a kpua mbulu nɛ hã owinɔ wa kɔ̃a gɛnɛ a ni.

ZAKE 1:12 Iomraidhean Croise

Ndo Nyanga Dɛ Mɔ 22:1

'Do mɛnɔ ni vɛ̃, nɛ Gale yamba sila Abrahama. Gale sa mɔ hã a na: “Abrahama!” Nɛ Abrahama kɔ̃, nɛ a na: “Mi kɛ!”

NEHEMIE 1:5

“Aa NWA Gale tɛ li nza i, Gale kɛ mɔ gã wena, nɛ lɛ dɛ kili mɔ! Mɔ 'bana dɛ olo gba tɔkɛ 'da mɔ do owinɔ kɛ wa dɛ mbula 'da mɔ, nɛ mɔ be kɔ̃a zã 'da mɔ hã wanɔ kɛ wa kɔ̃a gɛnɛ mɔ ni.

YƆBƆ 2:10

Nɛ Yɔbɔ gese hã a na: “Kɛ mɔ tɔ̃ gɛ, ma do gulu nɛ bina. 'Da fala kɛ Gale tombo dia mɔ hã lɛ, nɛ lɛ kɔ̃ gɛnɛ nɛ dɔ̃. Kɔ gulu kɛ lɛ wè mɛ 'bɔ we kɔ̃ gɛnɛ ngamɛ kɛ a tombo hã lɛ ni gɔ, we ge nde?” Nɛ tɛ kɔ mbé ngamɛ kɛ Yɔbɔ kpa ni, a tɔ̃̀ 'dã zu li Gale gɔ.

YƆBƆ 5:17

Na mɛ ni, mɛ a yangga we wele kɛ Gale dãlã we dɛ tɛ a ni! Kɔ mɔ Yɔbɔ, mɔ tɛ ɔ̃ do mãlã we etumbu kɛ Gale, kɛ a do nganda vɛ̃ hã hã mɔ gɛ gɔ!

Zumanɔ 11:5

NWA ĩ ti Owi bɔlɔ zunɔ, nɛ a ĩ 'bɔ ti o'dã winɔ. A sɛnɛ wi kɛ a hã ngamɔ hã ongba a ni.

Zumanɔ 119:67

Mi yɔa zi wala, nɛ mɔ hã etumbu hã mi, nɛ nde ngangga gɛ, mi dɛ olo nu mɔ.

Zumanɔ 119:71

Mɔ hã zi etumbu hã mi, nɛ ma dɛa na mi yambala mbulanɔ 'da mɔ, nɛ ki ni ma de tɛ mi wena.

Zumanɔ 119:75

Aa NWA, mi ĩ na 'bili wenɔ 'da mɔ ma ɔ bɔlɔ, nɛ mɔ hã zi sape hã mi do gulu nɛ.

Zumanɔ 5:11

Aa Gale, mɔ gɔ́nɔ́ 'dã we hã wa. E kɔ bili olo nu wa ma ba wa wele nɛ. Mɔ ndáká wa ngɔ li mɔ do'do, we kɛ wa dɛa nga zu, nɛ wa bɛ̃a dɛ olo nu mɔ.

Zumanɔ 94:12

Aa NWA, wi kɛ mɔ be mɔ hã a, nɛ mɔ bɔlɔ a do mbula 'da mɔ ni, a a wi yangga.

Kulu Tɔa 20:6

Nɛ nde wanɔ kɛ wa kɔ̃a gɛnɛ mi, nɛ wa dɔnggɔ we nu mi dɔngga ni, mi be dia zã 'da mi hã wa, do obe zã wa kɔ sabɛlɛ do sabɛlɛ.

GBA WENƆ 17:3

Wa yamba mɔ mbali, do fɛ̃a mɔ bolo li we we ĩ ti dia nɛ. Nɛ nde wi yamba sila wele, wi a NWA Gale.

Ezai 64:4

Wi kɛ a dɛ mɔ kɛ zã mɔ kɔ̃a ni, kɔ a dɛ ma do yangga, nɛ mɔ kɔ̃ gɛnɛ a. Nɛ wi kɛ ta zu a gba ngɔ mɔ, kɔ a yɛnggɛ do li wala 'da mɔ, nɛ mɔ kpɔ kɔ̃ mɔ ti a. Nɛ nde zã mɔ nɔ̃lã dɛ tɛ lɛ, we kɛ lɛ yɔa wala 'da mɔ. Lɛ bá sɔ do li wala 'da mɔ ɔ nɛ kɛ zi dati ni, nɛ mɔ kpasa sɔ lɛ.

ZAKARIA 13:9

Nɛ mi yamba sɛ sila tala kpo mbee talɛ sanga winɔ wa 'bana nza ni, ɔ nɛ kɛ wele yamba do mɔ mbali do fɛ̃a mɔ bolo li we we fa dia nɛ zã nɛ ni, nɛ wa hɔ sɛ sa wi li mi. Na mɛ ni, nɛ wa sambala sɛ mi, nɛ mi zele sɛ wa. Nɛ mi tɔ̃ sɛ hã wa na, wa a owinɔ 'da mi, nɛ wa tɔ̃ sɛ hã mi na, mi a Gale 'da wa.”

MATIE 10:22

Nɛ winɔ vɛ̃ wa sɛnɛ sɛ nɛ we duzu mi. Kɔ wele kɛ sila a nɔ tɛ kɔ̃a we 'da a, gbaa we hɔ ndɔti nɛ, nɛ Gale a kpasa sɛ a.

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

LUKA 6:22

Nɛ, owinɔ kɛ Owele wa sɛnɛ nɛ, hã wa bɛ̃ gɛnɛ nɛ, kɔ wa dã nɛ, hã wa zɔ nɛ nɛ́ o'dã wele we duzu mi Be 'da Wele ni, nɛ a wi yangga.

ROMA 5:4

Nɛ kpã sila ni, ma hã ngawi hã lɛ, takɔ lɛ nɛ ngɔ yamba mɛnɔ. Nɛ ngawi ni, ma dɛ na, lɛ gbini zã lɛ do mbuli kɛ Gale kpua ni.

ROMA 8:28

Lɛ ĩ na, Gale dɛ na, omɛnɔ vɛ ma sɔkpɔ do dia nɛ we owinɔ kɛ wa kɔ̃a gɛnɛ a, nɛ a saka wa ɔ nɛ kɛ a 'dafa zɛ́ do kɔ sila a ni.

1 KORINTƐ 2:9

Ma ɔ nɛ kɛ wa kɔma kɔ 'Buki 'da Gale na: “Mɛ a mɔ kɛ wele kpo tɛ zɔ̀ mbe gɔ, nɛ wele tɛ zèlè 'bɔ mbe do zala ɛ gɔ, nɛ wele tɛ kpà mbe linggamɔ nɛ gɔ, nɛ nde Gale 'dafa ma we winɔ kɛ wa kɔ̃a gɛnɛ a ni.”

1 KORINTƐ 8:3

Nɛ nde wi kɛ a kɔ̃ gɛnɛ Gale ni, nɛ Gale ĩ ti a.

1 KORINTƐ 9:25

Owi dɛ nganda dɛa sanɔ vɛ̃, wa ndo yambala ma, nɛ wa zimi tɛ wa wena. Nɛ wa dɛ na mɛ ni, we kpa ndasa dɔ̃lɔ̃ li kɛ ma 'da 'danga ni. Nɛ nde lɛ fa kɛ 'da lɛ we kpa ndasa dɔ̃lɔ̃ li kɛ ma ɔ fai ni.

Mbulanɔ 13:3

Nɛ a sa 'bɔ mɔ hã nɛ na, nɛ dɔnggɔ ogele galenɔ kɛ nɛ ĩ̀ ti wa gɔ ni. Kɔ gɛnɛ kɔ ɔngbamɛ ni ma dɛ tɛ̃ ɛ ɔ nɛ kɛ a tɔa ni, nɛ nɛ tɛ zèlè a gɔ. Mba gɔ, wi a NWA Gale 'da nɛ hã a tombo a na, a yamba sila nɛ, takɔ a ĩ na, nɛ kɔa ɛ do sila nɛ vɛ̃ tabi gɔ nde?

Mbulanɔ 7:9

Nɛ ĩ́ na tati a NWA Gale 'da nɛ, a zu a kpo a ngbongbo Gale. Winɔ kɛ wa dɛ mbulanɔ 'da a dɛa ni, a be sɛ kɔa zã 'da a hã wa, nɛ a dɛ sɛ olo gba tɔkɛ 'da a do wa kɔ sabɛlɛ do sabɛlɛ.

Mbulanɔ 8:2

Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.

2 TIMOTE 2:15

Mɔ dɛ́ nganda na, Gale kɔ̃ gɛnɛ toe 'da mɔ. Mɔ ɔ́ wi dɛa to kɛ sape bá li a we toe a dɛ ni gɔ, nɛ mɔ be gbãlã we 'da Gale do wala olo nɛ ngboo.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

OHEBRE 10:32

Nɛ lénggé do tɛlɛ tɛ kɛ nɛ zi nɛ dati, 'da fala kɛ nɛ lia kɔ sa fala 'da Gale 'da kala gɔ ni. Nɛ kpa zi ngamɔ wena, nɛ nɛ kunu sila nɛ kɔ nɛ vɛ.

OHEBRE 11:17

We duzu kɛ Abrahama zɛ́ do kɔ̃a we dɛ 'da Gale ni, ma kɛ a bɛ̃̀ zɛ́ we nu Gale 'da fala kɛ a yamba sila a ni gɔ, nɛ a ba be 'da a Izaka na, ɛ gbɛ a we dɔnggɔ do Gale. Gɛnɛ kɔ Gale kpua zi mbulu hã Abrahama na, a ko sɛ obe, nɛ nde tili bà li a we hã kpo bulu be 'da a do dɔnggamɔ hã Gale gɔ.

OHEBRE 12:5

Ta zu nɛ ila ngɔ mbulanɔ kɛ Gale tɔ̃a zɛ́ hã nɛ we nganda sila nɛ, ɔ nɛ kɛ baa be tɔ̃ hã obenɔ 'da a ni nde? Gale tɔ̃a na: “Bulu be 'daa, fala kɛ mi Nwa, mi hã etumbu hã mɔ, nɛ mɔ tɛ zɔ̀ ma li mɔ yala gɔ. Tabi mi kɔ'dɔ mɔ nde, nɛ mɔ tɛ mbɔ̀kɔ̀ gɔ.

OHEBRE 6:15

Nɛ Abrahama 'bɔa zi 'da mbuli ni do du sila, nɛ a kpa mɛ kɛ Gale tɔ̃a zi nɛ hã a ni.

ZAKE 2:5

Aa onyae ngɔ sila mi gɛ, nɛ zélé mi sɛ: Gale saka owinɔ kɛ wa zɔ wa nɛ́ Owi sã ngɔ nù gɛ ni na, wa hɔ Owi kɔ̃a we, nɛ kɔ̃a we ni a kpamɛ 'da wa, nɛ wa le sɛ kɔ le nwa 'da a, kɛ a kpua zɛ́ mbulu nɛ hã owinɔ wa kɔ̃a gɛnɛ a ni.

ZAKE 5:11

Lɛ sa li wa na, wa a Owi yangga, we kɛ wa kunu zɛ́ sila wa kɔ ngamɔ. Nɛ zila we kɛ Yɔbɔ kunu zi do sila a 'da fala kɛ ngamɔ kpa zi a ni. Nɛ nɛ ĩ 'bɔ ti de mɛ kɛ Nwa Gale dɛa do a do ndɔti nɛ ni. Gbãlã we, Nwa a wi mbɔkɔ li, nɛ a ĩ 'bako hã Owele wena.

1 PETRO 3:14

Gɛnɛ kɔ nɛ zɔ ngamɔ we duzu bɔlɔ zu dɛa mɛ 'da nɛ, nɛ nde nɛ a wi yangga. Nɛ tɛ dɛ̀ kili owinɔ gɔ, nɛ sila nɛ tɛ yɛ̀kɛ̀ gɔ.

1 PETRO 4:13

Fala kɛ nɛ zɔ ngamɔ wala kpo do Kristo, nɛ nɛ dɛ́ yangga. Na mɛ ni, do ngba soe kɛ dɔ̃lɔ̃ li 'da a ma be sɛ tɛ̃ ɛ dɛ nza ni, nɛ nɛ sɛ do yangga wena.

1 PETRO 4:14

Tabi Owele wa tɔ̃ 'dã nu we hã nɛ, we duzu kɛ nɛ a winɔ 'da Kristo, nɛ nde nɛ a Owi yangga. We kɛ Hi Wi 'da Gale kɛ a do dɔ̃lɔ̃ li ni, a do nɛ boe.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

1 PETRO 5:4

Kɔ fala kɛ Nwa ngɔ owi zɔ mɔ tɛ batanɔ a hɔ sɛ ni, nɛ a si sɛ olo nɛ hã nɛ do de mɔ kɛ ma 'dángá sɛ 'danga gɔ ni.

1 YOANƐ 4:19

Lɛ gɛ, lɛ kɔ̃a gɛnɛ Gale, we duzu kɛ Gale kɔ̃a zɛ́ gɛnɛ lɛ dati.

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.

USU MƐNƆ 3:19

Mi dãlã dɛ tɛ winɔ kɛ mi kɔ̃a gɛnɛ wa ni, nɛ mi hã zɛlɛ tɛ hã wa. Kɔ nɛ, nɛ bé wɔ zã nɛ dɛ nza, nɛ nɛ kífí sila nɛ.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.