ZAKE 1:1 - WE NU GALE 1995

¹ Wi a mi Zake, wi dɛa toe 'da Gale do Nwa Yezu Kristo, mi tombo balɛ hã nɛ owinɔ 'da Gale, kɛ nɛ pɛsa do kɔ gele lenɔ ngɔ nù gɛ vɛ̃ ni.

ZAKE 1:1 Iomraidhean Croise

1 Onwanɔ 18:31

A kala ota 'bu ngɔ nɛ bɔa do 'da zu onu kpala obe zã Yakɔbɔ, kɛ NWA tɔ̃a zi hã a na: “Yolo sɔɛ gɛ wa sa sɛ li mɔ na Israɛlɛ” ni.

Ɛsdrasi 6:17

Nɛ wa hã osa'denɔ gɛ we dɔnggɔ do Gale do 'da fala ɛngga ni: wili ngɔmbɔ kama kpo, do owili bata kama bɔa, do obe bata kama nalɛ. Nɛ wa hã 'bɔ wili dua 'bu ngɔ nɛ bɔa, dua kpo kpo do 'da zu nu kpala wele do wele, we gbɛ hã Gale, takɔ ma fo ku'da 'dã mɛnɔ zu obe Israɛlɛ vɛ̃.

ƐSTƐRƐ 3:8

Hamanɛ nɛa, nɛ a tɔ̃ hã nwa Sɛrsɛsi na: “Nwa, ombe wele, wa kɛ̃a tɛ wa dɛ kɔ o'bili tɛ nùnɔ vɛ̃ ngɔ nùi 'da mɔ gɛ, nɛ nde nu kpala wa kpi. Wa ɔ kpi, wa dɛ omɔ olo oyaa wa, kɛ ma wè kɔ̃ do kɛnɔ 'da gele winɔ gɔ, nɛ wa zélé 'bɔ ombulanɔ 'da mɔ gɔ. Ma wè na, mɔ la wa iko gɔ.

Kulu Tɔa 24:4

Nɛ Mɔizɛ kɔma mbulanɔ kɛ NWA ba hã a ni vɛ̃ do mbɛti. Fala sa olo nɛ, nɛ Mɔizɛ kulu ngɔ do titole belee, nɛ a dɛ gbagala do ta dɛ nyanga kala ni, takɔ a dɔ do sa'de we dɔnggɔ do Gale. Nɛ a ndɛngɛlɛ ta 'bu ngɔ nɛ bɔa, do 'da zu nu kpala obe Israɛlɛ 'bu ngɔ nɛ bɔa ni.

Kulu Tɔa 28:21

Nɛ wa kɔmɔ sɛ li obulu benɔ 'da Yakɔbɔ 'bu ngɔ wa bɔa ni ngɔ otanɔ, li wele kpo ngɔ ta kpo. Wa dɛ sɛ ma ɔ nɛ kɛ wa dɛ do li wele ngɔ kasɛ ni. Nɛ otanɔ ni ma olo li nu kpala obe Israɛlɛ 'bu ngɔ nɛ bɔa ni.

Kulu Tɔa 39:14

Nɛ wa kɔmɔ li obulu benɔ 'da Yakɔbɔ 'bu ngɔ wa bɔa ni dɛ ngo otanɔ, li wele kpo ngɔ ta kpo. Wa dɛa ma ɔ nɛ kɛ wa dɛ do li wele ngɔ kasɛ ni. Nɛ otanɔ ni ma olo li nu kpala obe Israɛlɛ 'bu ngɔ wa bɔa ni.

EZEKIƐLƐ 12:15

Nɛ 'da fala mi pɛsɛ wa dɛ sanga ogele winɔ tɛ ngɔ gele nùnɔ ni, nɛ wa ĩ sɛ na, mi a NWA.

Levitɛnɔ 26:33

Mi dɛ sɛ na, bolo bi ngɔ nùi 'da nɛ, nɛ mi pɛsɛ sɛ nɛ dɛ ngɔ gele nùnɔ. Nɛ nùi 'da nɛ, ma kifi sɛ li gba zɔ́. Nɛ lenɔ 'da nɛ, ma dɛ sɛ bili tɔa.

MATIE 10:3

Filipɛ, do Bartelɛmi, do Toma, do Matie wi futa takoe, do Zake, be 'da Alfe, do Tade,

MATIE 13:55

Be 'da wi kabinda zi dɛ gɛ a ni gɔ nde? Li naa a Maria gɔ nde? Nɛ li onya a a Zake, do Yozɛfu, do Simɔ, do Yuda gɔ nde?

MATIE 19:28

Nɛ Yezu gisa hã wa na: “Mi tɔ̃ hã nɛ do gbãlã we na, 'da fala kɛ omɛnɔ vɛ̃ ma kifi sɛ mbé nɛ ni, nɛ mi Be 'da Wele, mi dungu sɛ ngɔ kpongbo nwa tɛ fala dɔ̃lɔ̃ li, nɛ nɛ 'bu ngɔ nɛ bɔa kɛ lɛ yɛnggɛ do nɛ gɛ, nɛ dungu sɛ tɛ mɛ 'bɔ ngɔ kpongbo nwa 'bu ngɔ nɛ bɔa we 'bili we 'da onu kpala obe Israɛlɛ 'bu ngɔ nɛ bɔa ni.

MARKO 3:18

do Andre, do Filipɛ, do Bartelɛmi, do Matie, do Toma, do Zake, be 'da Alfe, do Tade, do Simɔ kɛ a bi zi a ngɔ le 'da wa na, ma hɔ nza ti mbula 'da ogele winɔ ni,

LUKA 22:30

Nɛ nyɔngɔ sɛ mɔ, nɛ nɛ nɔ dɔ̃ fala nɛ kpo do mi tɛ kɔ le kɛ mi nɛ dungu do nwa ni. Nɛ nɛ dungu sɛ ngɔ kpongbo nwa fala nɛ kpo do mi, takɔ nɛ 'bili we 'da onu kpala obe Israɛlɛ 'bu ngɔ wa bɔa ni.”

LUKA 6:15

do Matie, do Toma, do Zake, be 'da Alfe, do Simɔ kɛ a bi zi ngɔ le 'da a na, ma hɔ nza ti mbula 'da ogele winɔ ni,

YOANƐ 12:26

Wi kɛ a kɔ̃ we dɛ to hã mi, nɛ ma wia na, a tɛ 'dɔkɔlɔ mi. Na mɛ ni, nɛ fala mi ɔ sɛ nɛ ni, wi dɛ toe 'da mi a ɔ sɛ tɛ mɛ 'bɔ di ni. Wi kɛ a dɛ to hã mi, nɛ Baa mi a dɔnggɔ sɛ a.

YOANƐ 7:35

Nɛ onwa Yudanɔ wa ma ngɔ aka ngba wa na: “Kɛ a tɔ̃ na, lɛ wé sɛ tɛ kpa ɛ gɔ gɛ, a nɛ la dɛ do nde? Tabi a nɛ la dɛ 'da onya lɛ Oyudanɔ, kɛ wa ɔ sanga ogele winɔ i ni, we be we hã ogele winɔ nde?

Owi Nɛ Tonɔ 1:13

Kɔ wa nɛa we hɔ tɛ Yeruzalɛmɛ nga, nɛ wa le kɔ tɔa, nɛ wa kũ dɛ kɔ mbe 'bili tɔa kpo, fala wa kpa zi do ngba wa fai ni. Wi zi a Petro, do Yoanɛ, Zake, Andre, Filipɛ, Toma, Bartelɛmi, Matie, do Zake, be 'da Alfe, do Simɔ (wele kɛ a bi zi ngɔ le 'da a na, ma hɔ ti ngbá ni), do Yuda, be 'da Zake.

Owi Nɛ Tonɔ 12:17

Nɛ Petro ia kɔ̃ ɛ nu ɛ hã wa na, wa tɛ wèlè we gɔ. Nɛ a tɔ̃a tɛlɛ tɛ kɛ Nwa Gale fua do a kɔ bɔlɔkɛ dɛ nza ni. Nɛ a na, wa tɔ̃́ sɛ we nɛ hã Zake do tala onya ɛ. Nɛ a hɔa nza, nɛ a la dɛ gele fala.

Owi Nɛ Tonɔ 15:13

Kɔ wa nɛa we fi nu wa nù, nɛ Zake tɔ̃ na: “Onyae, nɛ zélé mi sɛ!

Owi Nɛ Tonɔ 15:21

We kɛ zɛ́ belee fai, mbulanɔ 'da Mɔizɛ, kɛ wa tɔlɔ ma kɔ tɔa mbulanɔ do kɔ̃ tũ ɔmɔ tɛ wi ni, ma tɔ̃a ni.”

Owi Nɛ Tonɔ 15:23

Nɛ wa hã mbɛti hã wa, nɛ wa kɔma kɔ nɛ na: “Lɛ, owi nɛ tonɔ 'da Yezu, do owi zɔ mɔ tɛ eklezia, do Owi kɔ̃a wenɔ vɛ́, lɛ hã balɛ hã nɛ onya lɛ Owi kɔ̃a wenɔ, kɛ nɛ a Oyuda gɔ, nɛ nɛ ɔ tɛ Antiɔsɛ, do ngɔ nù Siri, do Silisi ni.

Owi Nɛ Tonɔ 2:5

Do ngba soe ni, nɛ nde Oyudanɔ kɛ wa dɔnggɔ Gale wena ni, wa yula ngɔ nùnɔ nyanga nza vɛ̃, kɔ wa tɛa dɛ Yeruzalɛmɛ.

Owi Nɛ Tonɔ 21:18

Kɔ fala sa olo nɛ, nɛ Polo nɛa do lɛ 'da Zake i. Nɛ owi zɔ mɔ tɛ eklezia wa mba 'bɔ li ngba wa di ni.

Owi Nɛ Tonɔ 23:26

“Wi a mi Klodɛ Liziasi, mi tumba balɛ hã mɔ Feliksi, gã wi 'da mi.

Owi Nɛ Tonɔ 26:7

Nɛ mɛ a kpo kpo mbuli kɛ nu kpala lɛ 'bu ngɔ wa bɔa ni, wa ia sila wa ngɔ nɛ na, Gale a dɛ sɛ ma kpa li wa ni. Nɛ wa tɛ dɔnggɔ a we nɛ tũ do gba wese. Kɔ aa nwa, we kɛ mi tɛ e sila mi ngɔ wenɔ ni, ma kɛ Oyudanɔ wa da mi gɛ.

Owi Nɛ Tonɔ 8:1

Nɛ ombe wi dɔnggɔ Gale, wa mi wɔlɔ Etiɛnɛ, nɛ wa he kɔ̃a a wena. Nɛ yolo do ngba soe ni, winɔ wa ma ngɔ zɛlɛ tɛ owi kɔ̃a wenɔ tɛ Yeruzalɛmɛ. Nɛ owi kɔ̃a wenɔ wa pɛsɛ ndã ndã dɛ ngɔ nù Yude, do Samaria vɛ. Nɛ tati a owi nɛ tonɔ hã wa 'bana zi dɛ Yeruzalɛmɛ ni.

ROMA 1:1

Wi a mi Polo, wi dɛa toe 'da Yezu Kristo hã mi kɔmɔ mbɛti gɛ hã nɛ. Gale sa zi mɔ hã mi, nɛ a ia mi do wi nɛ to, nɛ a saka mi we be Dia Sakoe 'da a hã Owele.

GALATI 1:19

Nɛ nde mi kpà zi ngba mi do gele wi nɛ toe 'da Kristo gɔ, tati a Zake, nya Nwa Yezu iko.

GALATI 2:12

Mba gɔ, dati kɛ na Yakɔbɔ tombo zi winɔ 'da a tɛ Antiɔsɛ i ni, nɛ nde Petro nyɔngɔ zi mɔ do owinɔ kɛ wa a Oyuda gɔ ni nyɔnga. Kɔ owinɔ 'da Yakɔbɔ wa nɛa we hɔ nɛ, nɛ Petro fo 'bɔ tɛ ɛ sanga ogele winɔ do'do. We kɛ a dɛ zi kili Oyudanɔ kɛ wa kɔ̃a zi na, ogele winɔ wa nɛ tɛ mɛ 'bɔ gaza ni.

GALATI 2:9

Nɛ Zake, Petro do Yoanɛ kɛ owinɔ wa zɔ wa ɔ nɛ Owi zɔ mɔ tɛ wa ni, wa ĩ na, Gale a hã toe gɛ hã mi. Ma kɛ wa tua zi nu kɔ̃ lɛ do Barnabasi we be hã winɔ na, lɛ mba do wa kɔ dɛa toe kpo. Nɛ lɛ zila ngba lɛ do wa na, lɛ do Barnabasi, lɛ nɛ we be we hã ogele winɔ, nɛ wa, wa be we hã Oyudanɔ.

Mbulanɔ 28:64

“Nɛ a pɛsɛ sɛ nɛ vɛ̃ dɛ sanga ogele nu kɔnggɔnɔ, yolo ndɔti nùi we hɔ Sɔkpɔ nɛ. Nɛ nɛ dɔnggɔ sɛ okpikima galenɔ, kɛ wa sɛa wa do te, tabi wa dɛa wa do ta ni. Ĩ na, nɛ do oyaa nɛ, nɛ dɔnggɔ zɛ́ kuti wa dati gɔ.

Mbulanɔ 30:3

Nɛ dɛ na mɛ ni, nɛ a dɛ sɛ 'bako hã nɛ. Nɛ a dɛ sɛ na, nɛ yolo ngɔ nùnɔ kɛ a pɛsɛ zi nɛ dɛ ngɔ nɛ ni, kɔ nɛ kpolo tɛ nɛ. Nɛ a dɛ sɛ 'bɔ na, nɛ ɔ do kpamɔ wena.

Mbulanɔ 32:26

“ ‘Mi kɔ̃a sɔ na, mi kumu wa vɛ̃, da dɛ kɔ ta zu wele gbá 'bɔ ngɔ wa gɔ.

Mbulanɔ 4:27

NWA a pɛsɛ sɛ nɛ dɛ kɔ gele nu kɔnggɔnɔ, nɛ nɛ dɔ́ sɛ ngɔ gele nùnɔ kɛ a nɛ 'dɔlɔ do nɛ ni gɔ.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

2 TIMOTE 4:21

Mɔ dɛ́ nganda we hɔ i nga dati a zɔlɔ gɛ̃ɛ. Ebulusi, do Pidɛnɛ, do Linusi, do Klodia, do tala onya lɛ vɛ̃, wa tumba balɛ hã nɛ.

TITO 1:1

Wi a mi Polo, wi dɛa toe 'da Gale, do wi nɛ toe 'da Yezu Kristo, mi a mi kɔmɔ mbɛti gɛ. Gale tumba mi na, mi gã 'da kɔ̃a we 'da owinɔ kɛ a saka wa ni, nɛ mi be gbãlã we dɛa to tɛ wi kɛ ma wia do winɔ 'da Gale ni hã wa,

1 PETRO 1:1

Wi a mi Petro, wi nɛ toe 'da Yezu Kristo, mi kɔmɔ mbɛti gɛ hã nɛ, winɔ kɛ Gale saka nɛ do winɔ 'da a ni. Ngangga gɛ, nɛ pɛsa do ngɔ nù Pɔ̃, do Galati, Kapadɔsɛ, Azi, do Bitini, nɛ nɛ i mɔ a ogɛnɛ.

2 PETRO 1:1

Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.

YUDA 1:1

Wi a mi Yuda, wi dɛa toe 'da Yezu Kristo, nɛ mi 'bɔ a nya Zake. Mi kɔmɔ mbɛti gɛ hã nɛ, owinɔ kɛ Baa lɛ Gale kɔ̃a gɛnɛ nɛ, nɛ a saka nɛ do winɔ 'da a, nɛ Yezu Kristo zɔ mɔ tɛ nɛ ni.

USU MƐNƆ 7:4

Nɛ mi zila wa tɛ tɔlɔ winɔ kɛ wa gɔna dã 'da Gale dati wa ni, nɛ nde wa koto kama, do bu koto nalɛ ngɔ wa nalɛ (144.000), nɛ wa yula kɔ nu kpala obe Israɛlɛ kpo kpo vɛ̃.