YUDA 1:9 - WE NU GALE 1995

⁹ Gɛnɛ kɔ Mikaɛlɛ ngboo, kɛ a a nwa ngɔ oanzɛnɔ vɛ̃ ni, nɛ nde a dã̀ zi Satana gɔ. 'Da fala kɛ Mikaɛlɛ wɛlɛ zɛ́ zu wɔlɔ Mɔizɛ do Satana ni, nɛ a bà zɛ́ tɛ̃ dɛ ngɔ gɔ, nɛ a tɔ̃ zɛ́ 'dã we hã Satana gɔ. Nɛ nde a tɔ̃a zɛ́ hã a na: “E kɔ Nwa Gale do tɛ̃ a a hã etumbu hã mɔ!”

YUDA 1:9 Iomraidhean Croise

1 Sakonɔ 12:17

Ombe winɔ kɔ nu kpala Bɛnzamɛ do nu kpala Yuda wa nɛa 'bɔ 'da Davidi tɛ fala kɛ a usu do ma ni.

Kulu Tɔa 22:28

Okuti kpalɛnɔ, do dɔ̃nɔ, tabi nɔ kɛ nɛ e ma hã mi ni, ma wia na, nɛ hã do dɔnggamɔ hã mi dɔ̃, nɛ nɛ tɛ zĩ̀ tɛ nɛ zĩ gɔ. Nɛ e sɛ Okuti bulu benɔ 'da nɛ hã mi.

DANIƐLƐ 10:13

Nɛ nde anzɛ kɛ a fɔmɔ le nwa Pɛrsɛ ni, a kpia wala hã mi gbaa 'do 'bu tũ bɔa ngɔ nɛ kpo. Nɛ Mikaɛlɛ, kɛ a a mbe kpo sanga ogã anzɛnɔ ni tɛa we gala mi. Ma kɛ mi la ti kɔ nwa ngɔ nù Pɛrsɛ we a.

DANIƐLƐ 12:1

“Anzɛ kɛ a hi'da tulu linɛ ni, a tɔ̃a hã mi na: ‘Do 'da fala ni, nɛ Mikaɛlɛ, gã wi ngɔ anzɛnɔ kɛ a fɔmɔ owinɔ 'da mɔ ni, a hɔ sɛ. Mɛ sɛ a 'da fala ngamɔ ngboo. Ndo nyanga kɛ wa dɛa do nùi gbaa we hɔ sɔɛ gɛ, mbe ngamɔ nɛ́ mɛ ni dɛ̃ mbe tɛ̃ ɛ fala kpo gɔ. Nɛ nde do 'da fala ni, nɛ owinɔ 'da mɔ vɛ̃ kɛ li wa kɔ 'buki 'da Gale ni, wa kpasa sɛ.

ZAKARIA 3:2

Nɛ anzɛ 'da NWA tɔ̃ hã Satana na: “Satana, e kɔ NWA hã etumbu hã mɔ! E kɔ NWA, wele kɛ a saka le Yeruzalɛmɛ do mɔ́ a ni, a 'bili ngbangga 'da mɔ! Mɔ ĩ kɛ na, Yozue a wi kɛ Gale fua a kɔ fɛna fio, ɔ nɛ gua kɛ wa tili ma nu we dɛ 'do ni gɔ nde?”

MARKO 15:29

Nɛ owinɔ kɛ wa la do di ni ni, wa zɔ a, nɛ wa gɔmɔ zu wa hã a. Nɛ wa tɔ̃ hã a na: “Ee! Mɔ gɛ, mɔ tɔ̃a zi na, ɛ wia we gbini Tɛmpɛloe, nɛ ɛ dɛ mbé nɛ 'do tũ talɛ.

Mbulanɔ 34:6

Nɛ NWA do tɛ̃ ɛ mi a dɛ kɔ gbangɔlɔ̃ Moabɛ, kɛ ma ka mɔ dɛ li le Bɛtɛ-Peɔrɛ ni. Nɛ nde yolo di ni gbaa we hɔ sɔɛ gɛ, wele ĩ̀ ti fala ngboo wa mi zi do Mɔizɛ ni gɔ.

1 TƐSALONIKƐ 4:16

Do ngba soe nɛ ni, nɛ mbisa we ma wele sɛ nganda wena, nɛ wa zele sɛ giti gɛlɛ gã nwa ngɔ anzɛnɔ, do giti mɔtũlũ 'da Gale. Nɛ Nwa Yezu Kristo do tɛ̃ a ngboo, a yolo sɛ li nza i, nɛ a zĩlĩ. Nɛ owinɔ kɛ wa fia, nɛ nde wa kɔ̃a zu li a kɔ̃a ni, wa tunu sɛ kɔ fio dati.

1 PETRO 3:9

Wele dɛ 'dã mɔ dɛ 'da nɛ, nɛ nɛ tɛ gèsè 'dã mɔ do nɛ hã a gɔ. Tabi a dã nɛ nde, nɛ nɛ tɛ dã̀ a gɔ, nɛ nde nɛ wélé nu nɛ tɛ a. Mba gɔ, 'da fala kɛ Gale sa zi mɔ hã nɛ ni, nɛ a kpua zi mbulu na, ɛ wele sɛ nu ɛ tɛ nɛ.

2 PETRO 2:11

Nɛ nde ĩ na, anzɛnɔ kɛ wa nganda nɛa ngɔ Owi be we do bɛlɛnɔ wena ni, wa tɔ̃́ mbe 'dã we tɛ Owi dɔ̃lɔ̃ linɔ ni dati Gale gɔ.

USU MƐNƆ 12:7

Nɛ bolo tia li nza i. Wi a anzɛ Mikaɛlɛ do oanzɛnɔ 'da a hã wa bi ngba wa do gba sɔ̃ sa'de ni do oanzɛnɔ 'da a.