YUDA 1:8 - WE NU GALE 1995

⁸ Kɔ nɛ zɔ́, owinɔ wa lia sanga lɛ gɛ, wa tɛ dɛ 'bɔ kpo kpo 'dã mɛnɔ ni. Wa yala zu wa, nɛ yalɛnɔ ni tombo wa we dɛ 'dã mɔ kɛ ma 'danga kili tɛ wa wele nɛ ni. Nɛ wa zɔ ngawi 'da Gale li wa yala iko, nɛ wa dã anzɛnɔ kɛ wa do dɔ̃lɔ̃ li ni.

YUDA 1:8 Iomraidhean Croise

Ndo Nyanga Dɛ Mɔ 3:5

Gale tɔa ní, we kɛ a ĩ de wena na, fala kɛ nɛ nyɔngɔ ma nde, nɛ nɛ ɔ sɛ nɛ ɛ Gale ni. Li nɛ ma hũi sɛ, nɛ nɛ ĩ sɛ ti gɔnɔ sanga de mɔ do 'dã mɔ.”

Kulu Tɔa 22:28

Okuti kpalɛnɔ, do dɔ̃nɔ, tabi nɔ kɛ nɛ e ma hã mi ni, ma wia na, nɛ hã do dɔnggamɔ hã mi dɔ̃, nɛ nɛ tɛ zĩ̀ tɛ nɛ zĩ gɔ. Nɛ e sɛ Okuti bulu benɔ 'da nɛ hã mi.

GBA WENƆ 30:11

Ombe winɔ wa fɔmbɔ baa wa, nɛ wa tɔ̃̀ dia we kpo hã naa wa gɔ.

GBA WENƆ 30:17

Fala kɛ wele mɔmɔ baa a, kɔ a bɛ̃ we dɔnggɔ naa a, nɛ oziki wa 'dɔ sɛ gbali a, nɛ oganakele wa nyɔngɔ sɛ wɔlɔ a.

WI LENGGE WE 10:20

Ma wè na, mɔ kɔ'dɔ nwa dɛ li wele, tabi do kɔ sila mɔ gɔ. Nɛ mɔ tɛ ùsù tɛ mɔ, nɛ mɔ tɔ̃ tɛ wi kpamɔ gɔ. We kɛ fũ fũlɛ̃ we ni ma hɔ sɛ nza, nɛ ma le sɛ zala wa.

Tɔlɔ Mɔ 16:3

Wa ngɛmɛ ngba wa vɛ̃, nɛ wa nɛ dɛ dati Mɔizɛ do Aroni, nɛ wa tɔ̃ hã wa na: “Nɛ la li ngele toe 'da nɛ do'do. Wele obe Israɛlɛ vɛ̃ a mɔ́ NWA, nɛ NWA 'bɔ do lɛ boe. Kɔ gulu kɛ nɛ lengge na, nɛ nɛa ngɔ tala owinɔ 'da NWA ni we ge nde?”

LUKA 11:25

Kɔ a nɛ kpolo tɛ̃ a, nɛ nde wa mili tɔa, nɛ wa 'dafa kɔ nɛ dia nɛ ge nde ni.

LUKA 12:11

“Kɔ fala kɛ wa kala nɛ, kɔ wa nɛ do nɛ kɔ tɔa mbulanɔ, tabi dati ogã winɔ, tabi dati Onwanɔ we 'bili we 'da nɛ nde, nɛ nɛ tɛ bì tɛ nɛ na, lo nɛ tɔ̃ sɛ na ge nde, tabi lo gese sɛ na ge nde ni gɔ.

LUKA 19:14

Nɛ nde owinɔ ngɔ nùi 'da a ni, wa kɔ̃̀ zi gɛnɛ a gɔ. Nɛ wa tumba Owele 'do a, takɔ wa tɔ̃ i mɔ na, lo kɔ̃̀ na, a hɔ nwa 'da lo gɔ.

Owi Nɛ Tonɔ 23:5

Nɛ Polo gese hã wa na: “Onyae, mi ĩ̀ sɔ na, a a gã nwa nganga gɔ. We kɛ wa kɔma kɔ 'Buki 'da Gale na: ‘Mɔ tɛ wèlè 'dã we hã nwa ngɔ winɔ 'da mɔ gɔ.’ ”

Owi Nɛ Tonɔ 7:27

Nɛ wele kɛ a zɛ ngba a 'danga nɛ ge nde ni, ili Mɔizɛ, nɛ a tɔ̃ hã a na: ‘Wi ia mɔ do nwa ngɔ lɛ na, mɔ 'bili we 'da lɛ a wio nde?

Owi Nɛ Tonɔ 7:39

“Nɛ nde oyaa lɛ wa kɔ̃̀ zi we zele a gɔ. Wa bɛ̃a gɛnɛ a, nɛ wa kɔ̃a zi we kpolo 'bɔ tɛ wa dɛ Ezipeto i.

1 KORINTƐ 3:17

Kɔ fala kɛ wele 'danga tɔa 'da Gale, nɛ Gale a 'danga sɛ tɛ mɛ 'bɔ wi ni. Mba gɔ, tɔa 'da Gale ma santo, nɛ tɔa ni, wi a nɛ.

1 TƐSALONIKƐ 4:8

We duzu ma, wi kɛ a bɛ̃ gɛnɛ mbula gɛ, nɛ nde a bɛ̃̀ gɛnɛ wele gɔ, a bɛ̃a gɛnɛ Gale, kɛ a hã Hi Wi Santo 'da a hã nɛ ni.

1 TIMOTE 1:10

Nɛ a ia 'bɔ ma we owi yɛnggɛ vĩ zu yɛli, owi wilinɔ do owukonɔ kɛ wa ɔ do kpo kpo ngba wa, do owinɔ wa be gole ngba wa do ngbá, do owi 'bili bɛlɛ, do wanɔ kɛ wa kana tɛ wa do bɛlɛ, do owanɔ vɛ kɛ dɛa mɔ tɛ wa wè kɔ̃ do gbãlã we bia we ngɔ Gale gɔ ni.

OHEBRE 13:17

Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.

1 PETRO 2:17

Nɛ dɔ́nggɔ́ winɔ vɛ, nɛ nɛ kɔ̃́ gɛnɛ onya nɛ wi kɔ̃a wenɔ. Nɛ dɛ́ kili Gale, nɛ nɛ zélé nu gã nwa ngɔ nù Roma.