YUDA 1:7 - WE NU GALE 1995

⁷ Nɛ nɛ lénggé 'bɔ le Sodɔmɛ do Gomɔrɛ, do ombe gele lenɔ kɛ zã nɛ ni. Owi kɔ lenɔ ni wa hã zi 'bɔ tɛ wa we dɛ mɔ sape kpasaa ɔ nɛ anzɛnɔ ni, nɛ wa dɛa 'dã mɛnɔ kɛ wele wè tɛ dɛ ma gɔ ni. Kɔ wa tɛ kpa etumbu tɛ li gba nyɛa we kɛ ma bí sɛ fala kpo gɔ ni. Ki ni a mbisa we we owinɔ vɛ.

YUDA 1:7 Iomraidhean Croise

Ndo Nyanga Dɛ Mɔ 13:13

Nɛ nde i mɔ ni, dɛa mɔ tɛ winɔ kɔ le Sodɔmɛ ma dè zi gɔ. Wa dɛ zi 'dã mɔ dɛ 'da NWA wena.

Ndo Nyanga Dɛ Mɔ 18:20

Nɛ NWA tɔ̃ hã Abrahama na: “Wa da owi Sodɔmɛ do Gomɔrɛ hã mi wena, nɛ 'dã mɛnɔ 'da wa ma gã 'bɔ la li ngele.

Ndo Nyanga Dɛ Mɔ 19:5

Nɛ wa sa mɔ hã a, nɛ wa tɔ̃ hã a na: “Lɔtɛ, owi wilinɔ wa hɔa 'da mɔ gɛ̃a wese tũi gɛ, wa a do nde? Mɔ fo wa dɛ nza hã lɛ, lɛ kɔ̃a we ɔ do wa.”

1 Onwanɔ 22:46

Tala mɛnɔ vɛ̃ kɛ Yozafatɛ dɛa zi ni, wa kɔma ma kɔ 'buki li nɛ a: “Dɛa tonɔ 'da onwa ngɔ nù Yuda.” Dɛ kɔ nɛ ni, wa tɔ̃a we kpã sila kɛ a dɛa zi do to nwa 'da a ni, do we bolonɔ a bi zi ni.

Ezai 1:9

Fala kɛ NWA ngɔ mɔ nyanga nza vɛ̃ là sɔ tala wele hã lɛ kɔ le gɛ gɔ, nɛ ma ɔ sɔ nɛ le Sodɔmɛ do Gomɔrɛ ni.

Ezai 13:19

Le Babilɔnɛ ma dia la ngɔ ongbɛ ɛ, we duzu ma, Owi kɔ nɛ wa dɛ wali wena. Nɛ nde Gale a 'danga sɛ ma, ɔ nɛ kɛ a 'danga zi le Sodɔmɛ do Gomɔrɛ ni.

Ezai 33:14

Owi 'dã gulu wenɔ kɔ le Sioni wa dɛa kili, nɛ owanɔ kɛ wa bɛ̃a we nu Gale ni, wa tana. Nɛ wa na: “Gale 'bili we 'da ɛ, nɛ ma bele wele ɔ nɛ we ni. Kɔ sanga lɛ gɛ, wi kɛ a wia sɛ we dungu kɛ zã kalĩ we, kɛ ma bɛlɛ mɛnɔ fai ni a wio nde?”

Yeremi 20:16

E kɔ wi ni kpa kpo ngamɛ kɛ Gale hã zi hã owinɔ kɔ lenɔ kɛ a 'danga zi ma, nɛ a dɛ̃ 'bako we nɛ gɔɛ ni. Wi ni a zele sɛ hia kɔ̃a do titole, nɛ a zele 'bɔ hiamɔ bolo do midi.

Yeremi 50:40

Mi 'danga sɛ le Babilɔnɛ, ɔ nɛ kɛ mi 'danga zi do le Sodɔmɛ, do Gomɔrɛ, do lenɔ kɛ zã nɛ ni. Nɛ wele kpo ɔ́ sɛ 'bɔ kɔ nɛ gɔ. Mi NWA, mi tɔ̃a ni.

ALA NU 4:6

'Dã mɛnɔ 'da owinɔ 'da lɛ, ma nɛa ngɔ kɛnɔ 'da Owi Sodɔmɛ. Le 'da wa ma mbiti zi fala kpo, nɛ nde kɔ̃ wele gbò zi tɛ nɛ gɔ.

OZE 11:8

“Aa nɛ, obe Israɛlɛ, mi nɛ bɛ̃ gɛnɛ nɛ we ge nde? Mi nɛ la nɛ we ge nde? Mi wè tɛ zɛlɛ tɛ nɛ, nɛ mi kumu nɛ, ɔ nɛ kɛ mi dɛa zi do owi kɔ le Adma do Sɛbɔimɛ ni gɔ. Mi dɛ mɔ na mɛ ni, nɛ ma yɛkɛ sɛ sila mi wena, nɛ ma hã sɛ 'bako hã mi.

AMƆSI 4:11

“Mi 'danga ombe kɔ lenɔ 'da nɛ, ɔ nɛ kɛ mi 'danga zi do le Sodɔmɛ do Gomɔrɛ ni. Nɛ nɛ, owinɔ nɛ kpasa kɔ nɛ ni, nɛ ɔ nɛ gbulu gua kɛ wa tili ma nu we dɛ 'do ni. Gɛnɛ kɔ na mɛ ni, nɛ nɛ kpòlò tɛ nɛ 'da mi gɔ. Mi NWA, mi tɔ̃a ni.

MATIE 10:15

Mi tɔ̃ hã nɛ do gbãlã we na, do ngba soe Gale nɛ 'bili sɛ do ngbangga 'da winɔ ngɔ nù gɛ ni, nɛ owinɔ kɔ le ni wa kpa sɛ zɛlɛ tɛ nɛ ngɔ kɛ 'da Owi Sodɔmɛ do Gomɔrɛ.

MATIE 11:24

Ma kɛ mi tɔ̃ hã nɛ na, do ngba soe 'bili we, nɛ nɛ kpa sɛ zɛlɛ tɛ nɛ ngɔ kɛ 'da Owi Sodɔmɛ ni.”

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

LUKA 17:29

Kɔ ngba soe Lɔtɛ hɔa nza kɔ le Sodɔmɛ ni, nɛ Gale fi we, nɛ ma ala dɛ ngɔ le ɔ nɛ gbãlã mũlũ ni, nɛ ma gbɛa winɔ vɛ̃.

1 KORINTƐ 6:9

Nɛ ĩ de wena na, o'dã winɔ wa lé sɛ kɔ le nwa 'da Gale gɔ. Kɔ nɛ tɛ ɔ̀lɔ̀ tɛ nɛ gɔ. Owi dɛ mɔ sapenɔ, do Owi dɔnggɔ okpikimanɔ, do owi ɔ do wukonɔ tabi wilinɔ 'da ngba wa, do owinɔ kɛ wa ɔ do kpo kpo ngba wa ni, wa lé sɛ kɔ le nwa 'da Gale gɔ.

Mbulanɔ 29:23

Na mɛ ni, nɛ owinɔ ngɔ nùi gɛ vɛ̃, wa aka sɛ na: ‘Gulu kɛ nwa dɛa do nùi 'da nɛ ní ni we ge nde? Gulu kɛ zã nwa nɔ̃lɔ̃ zi nganda wena ní ni we ge nde?’

2 TƐSALONIKƐ 1:7

nɛ a hã sɛ fala kpe tɛ wi hã nɛ, winɔ kɛ nɛ zɔa ngamɛnɔ ni, a hã sɛ ma hã lɛ do nɛ fala nɛ kpo. A dɛ sɛ ni 'da fala kɛ Nwa Yezu a yolo sɛ ngɔ i, nɛ a zĩlĩ fala nɛ kpo do anzɛnɔ 'da a kɛ wa do ngawi wena ni.

2 TƐSALONIKƐ 1:8

Nwa 'da lɛ Yezu a zĩlĩ sɛ dɛ kɔ gba nyɛa we, takɔ a bili nu gbã hã owinɔ kɛ wa kɔ̃̀ we ĩ ti Gale gɔ, nɛ wa bɛa gɛnɛ Dia Sakoe ni.

2 PETRO 2:2

Gba gili Owele wa nɛ sɛ 'dɔkɔlɔ wa, nɛ wa mba sɛ do wa kɔ 'dã dɛa mɛnɔ 'da wa. Nɛ Owele wa 'danga sɛ gbãlã we 'da Gale tua do wa.

2 PETRO 2:6

Nɛ a 'bili zi 'bɔ 'dã we dɛ ngɔ Owi kɔ le Sodɔmɛ do Gomɔrɛ, nɛ a dɔa lenɔ 'da wa, nɛ ma ngutu vɛ́. A dɛa ní we be do mɔ hã winɔ kɛ wa bɛa gɛnɛ a ni na, a dɛ sɛ 'bɔ do wa kpasaa na mɛ ni.

2 PETRO 3:7

Nɛ a wila zɛ́ 'bɔ we na, li nza do nùi sɔɛ gɛ, ɛ e ma 'bɔ do 'da ngba soe kɛ ɛ nɛ 'bili sɛ do we 'da winɔ ni. Ɛ fi sɛ we tɛ nɛ, nɛ ɛ gbɛ owi dɛ 'dã mɛnɔ vɛ̃.