YUDA 1:6 - WE NU GALE 1995

⁶ Nɛ lénggé anzɛnɔ, kɛ wa dɛ̀ zɛ́ yangga tonɔ Gale hã hã wa ni gɔ, nɛ wa la fala 'da wa do'do ni. Gale a wa kɔ gba tũ do ti nù, nɛ a ɛnzɛ wa do dɔkpɔ gbaa we 'bɔ 'da ngba soe 'bili ngbangga.

YUDA 1:6 Iomraidhean Croise

MATIE 10:15

Mi tɔ̃ hã nɛ do gbãlã we na, do ngba soe Gale nɛ 'bili sɛ do ngbangga 'da winɔ ngɔ nù gɛ ni, nɛ owinɔ kɔ le ni wa kpa sɛ zɛlɛ tɛ nɛ ngɔ kɛ 'da Owi Sodɔmɛ do Gomɔrɛ.

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

MATIE 8:29

Nɛ wa ma ngɔ he mɔ na: “Be 'da Gale, mɔ nɛ dɛ do lɛ nɛ nde? Mɔ tɛa we hã zɛlɛ tɛ hã lɛ dati a ngba soe 'bili we nde?”

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

ROMA 2:5

Zu mɔ nganda wena, nɛ mɔ kɔ̃̀ we kifi sila mɔ gɔ. Kɔ we duzu ki ni, mɔ do tɛ mɔ, mɔ fa na, ngbangga kpa mɔ do ngba soe kɛ Gale a be sɛ mãlã 'da a, nɛ a 'bili we 'da winɔ do bɔlɔ nɛ ngboo ni.

EFƐZƐ 6:12

We kɛ lɛ bí bole do Owele ɔ nɛ lɛ gɛ gɔ, nɛ nde lɛ bi do ohi winɔ kɛ wa do ngawi, nɛ wa a onwa do ogã wi ngɔ gba tũi, do o'dã hi winɔ kɛ wa yɛnggɛ do kɔ gba kuti ni.

OHEBRE 10:27

Ki ni, nɛ nde ma 'bana tati a kɛ na, lɛ tana kili 'bɔ do 'da ngbangga kɛ Gale a 'bili sɛ dɛ ngɔ owi bɛ̃ gɛnɛ a ni, mba do gba nyɛa we kɛ ma tɛ sɛ we bɛlɛ wa ni.

2 PETRO 2:4

Nɛ zɔ́, Gale dɛ̀ zi 'bako hã anzɛnɔ kɛ wa dɛa zɛ́ 'dã mɔ ni gɔ. A da zi wa kɔ gba 'du kɔ̃, nɛ wa 'bana kɔ tũ fala ni we 'bɔ 'da ngba soe kɛ a nɛ 'bili sɛ do we 'da winɔ ni.

2 PETRO 2:9

Ki ni ma be hã lɛ na, Nwa Gale ĩ ti wala kɛ a nɛ kpasa sɛ do owinɔ 'da a 'da fala kɛ ngamɔ kpa wa ni. Nɛ ma be 'bɔ hã lɛ na, a ĩ 'bɔ ti fala kɛ a nɛ a do 'dã winɔ, we 'bɔ do 'da ngba soe a nɛ 'bili sɛ do we, nɛ a hã etumbu hã wa ni.

YUDA 1:13

Wa ɔ nɛ ngele gba lì ni, wa dúngú zirr gɔ, nɛ 'dã mɛnɔ 'da wa ma be tɛ́ ɛ nza ɔ nɛ ngɔnzɔlɔ ndi kɛ fua lì a ma nu kolo lì ni. Wa ɔ́ nɛ osɔla kɛ wa yɔa wala olo wa do'do ni. Gale 'dafa fala kɔ gba tũ hã wa, nɛ wa 'bana sɛ dɛ di ni fai ndɔti nɛ bina.

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 20:2

Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.