YUDA 1:4 - WE NU GALE 1995

⁴ Mi tɔ̃ we gɛ hã nɛ, we kɛ ombe wele kɛ wa dɔ́nggɔ́ Gale gɔ ni, wa lia sanga nɛ do 'dã hã, nɛ wa kpolo lɛnggɛ dia zã 'da Gale kɛ a bia ma hã lɛ ni. Wa kpolo ma, takɔ wa yolo dɛ ngɔ nɛ we dɛ mɔ sape kɛ zã wa kɔ̃a ni. Nɛ wa bɛa gɛnɛ Yezu Kristo, kɛ a zu a kpo a Wele lɛ, do Nwa 'da lɛ ni. Nɛ nde wa kɔmɔ zɛ́ li wa belee ia na, Gale a fi sɛ wa li ngbangga.

YUDA 1:4 Iomraidhean Croise

2 SAMUƐLƐ 22:5

Fio nɛa ngɔ mi ɔ nɛ ngele lì ni, ma sulu dɛ ngɔ mi ɔ nɛ hɛ̃a lì.

Zumanɔ 1:1

Wi kɛ a bɛ̃ we zele mbulanɔ 'da wanɔ wa ĩ̀ ti Gale gɔ ni, a a wi yangga! A yɛ́nggɛ́ wala kpo do Owi dɛ 'dã mɔ gɔ. A dúngú nù sanga Owi mɔmɔ Gale gɔ.

Zumanɔ 62:2

Wi wia we hã dungu fio hã mi tati a Gale, kpasi 'da mi vɛ̃ ma yolo kɔ̃ a.

MATIE 13:25

Nɛ mbe tũ kpo, do 'da fala owinɔ wa ɔa yala vɛ̃ ni, nɛ wi sɛnɛ a nɛa, nɛ a mi tɛ mɛ 'bɔ 'dã wɔkɔsɔ dɛ sanga blenɔ ni, nɛ a si.

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

Owi Nɛ Tonɔ 11:23

A hɔa i mɔ, nɛ a zɔ tɛlɛ tɛ kɛ Gale wila do nu ɛ tɛ Owi kɔ̃a wenɔ nɛ ge nde ni, nɛ a dɛ yangga wena. Nɛ a nganda sila wa na, wa dɛ olo nu Nwa Yezu do sila wa vɛ.

Owi Nɛ Tonɔ 15:24

Lɛ zila na, owinɔ kɛ wa yolo 'da lɛ nga ni, wa vĩ zu nɛ do wila we nu wa, nɛ wa ia sila nɛ ngɔ. Nɛ nde lɛ a lɛ tòmbò wa gɔ.

GALATI 2:4

Ĩ na, ombe wi Kristo bɛlɛnɔ wa kɔ̃a zi na, lo gɔnɔ a. Winɔ ni wa lia sanga lɛ do usu nɛ, we zɔ tɛlɛ tɛ kɛ lɛ hɔa nza ti mbula 'da Yudanɔ, we kɛ lɛ mba kpo do Yezu Kristo ni. Wa fa zi na, lɛ le 'bɔ ti mbula mbé nɛ,

GALATI 5:13

Onyae, Gale sa zi mɔ hã nɛ na, nɛ hɔ nza ti mbula. Kɔ nɛ́ kɛ nɛ 'bànà ti mbula gɔ ni, nɛ tɛ lènggè na, nɛ wia we dɛ mɛnɔ ɔ nɛ kɛ wɔ kili tɛ nɛ tombo do nɛ ni gɔ. Nɛ nde ma wia na, kɔ̃ gɛnɛ ngba wi kɛ nɛ kɔ̃a do ngba nɛ ni, ma tombo nɛ we dɛ to hã ngba nɛ.

EFƐZƐ 4:14

Nɛ lɛ sɛ 'bɔ a obe kɔ kɔ̃a we do kɛ na, Owi be gele wenɔ wa yɛkɛ lɛ nɛ́ kɛ bũ ba ga, nɛ ma la do ma mba mba ni gɔ. Ma dɛ tɛ ɛ ni do 'da fala Owi 'dã hãnɔ wa ɔlɔ winɔ do bia we bɛlɛnɔ 'da wa ni.

1 TIMOTE 5:8

Wi kɛ a lénggé do winɔ 'da a gɔ, nɛ wena a wi kɛ a sɔ́nzɔ́ do owinɔ kɔ tɔa 'da a gɔ ni, a la kɔ̃a we 'da a do'do, nɛ a 'danga nɛa ngɔ wi kɛ a do kɔ̃a we bina ni.

2 TIMOTE 2:12

Kɔ fala kɛ lɛ kpãlã sila lɛ kɔ ngamɔ, nɛ lɛ dungu sɛ nwa do a. Kɔ fala kɛ lɛ kafa a, nɛ a kafa sɛ tɛ mɛ 'bɔ lɛ.

2 TIMOTE 3:6

Ombe sanga wa ni, wa le kɔ tɔanɔ 'da wukonɔ kɛ sila wa ngàndà gɔ ni, we vĩ zu linggamɛ 'da wa. Owukonɔ ni, tole 'dã mɛnɔ kɛ wa dɛa zi ni ma nɛa ngɔ wa do'do, nɛ wa 'bana do wɔ tɛ dɛ 'dã mɛnɔ kpi do kpi.

1 PETRO 2:16

Nɛ dɛ́ mɔ tɛ nɛ we do kɛ 'da owinɔ kɛ Yezu fua wa kɔ ngbá 'da 'dã mɔ ni. Nɛ nde ma tɛ bà wala hã nɛ we dɛ 'dã mɛnɔ vɛ kɛ zã nɛ kɔ̃a ni gɔ. Nɛ dɛ́ mɔ tɛ nɛ ɔ nɛ kɛ ma wia do owi dɛa tonɔ 'da Gale ni.

1 PETRO 2:8

Nɛ wa kɔma 'bɔ na: “Mɛ a ta kɛ owinɔ wa kɔ do nyanga wa, nɛ ma fi wa nù ni.” Ta ni ma kɔa nyanga wa, we kɛ wa bɛ̃a we zele nu Gale. We duzu ma, Gale 'bili zɛ́ we 'da wa belee na, ma dɛ sɛ tɛ̃ ɛ hã wa na mɛ ni.

1 PETRO 4:18

Ma ɔ nɛ kɛ wa kɔma kɔ 'Buki 'da Gale na: “Ma sɛ a nga takɔ Owi bɔlɔ zunɔ wa kpasa. Ní, nɛ kɛ 'da owi bɛ Gale do o'dã winɔ, ma ɔ sɛ nɛ nde?”

2 PETRO 2:10

Nɛ nde dati ngboo, a hã sɛ gã etumbu hã owinɔ kɛ wa dɛ 'dã mɔ kɛ wɔ zã wa kɔ̃a, nɛ wa bɛ na, Gale a Nwa ngɔ lo gɔ ni. Owi be we bɛlɛnɔ kɛ mi tɔ̃a sɔ we 'da wa hã nɛ ni, wa do kili bina, nɛ zu wa nganda wena. Nɛ wa dɛ́ 'bɔ kili dã Owi dɔ̃lɔ̃ linɔ li nza i ni gɔ.

2 PETRO 2:7

Nɛ nde a kpasa zi Lɔtɛ, we kɛ Lɔtɛ zi a wi bɔlɔ zu, nɛ sila a zɛlɛ zi we 'dã mɔ sapenɔ kɛ winɔ wa dɛ zi ni wena.

2 PETRO 3:7

Nɛ a wila zɛ́ 'bɔ we na, li nza do nùi sɔɛ gɛ, ɛ e ma 'bɔ do 'da ngba soe kɛ ɛ nɛ 'bili sɛ do we 'da winɔ ni. Ɛ fi sɛ we tɛ nɛ, nɛ ɛ gbɛ owi dɛ 'dã mɛnɔ vɛ̃.

1 YOANƐ 2:22

Wi 'bili bɛlɛ a wio nde? Wi a wele kɛ a kafa na, Yezu a Mɛsiya kɛ Gale saka a ni gɔ ni. Wi ni a wi sɛnɛ Yezu. A bɛa gɛnɛ Baa lɛ Gale, nɛ a bɛ̃ 'bɔ gɛnɛ Yezu, Be 'da Gale.

YUDA 1:15

A 'bili sɛ we 'da owinɔ vɛ̃, nɛ a fi sɛ winɔ kɛ wa bɛa gɛnɛ we nu a ni li ngbangga, we duzu 'dã dɛa mɛnɔ 'da wa, do 'dã wenɔ kɛ wa tɔ̃a do zu li a ni.”

YUDA 1:18

Wa tɔ̃a zi hã nɛ na: “Do ndɔti tũnɔ, dati kɛ Nwa nɛ tɛ sɛ nɛ ni, nɛ mbe winɔ wa hɔ sɛ, nɛ wa mɔmɔ sɛ nɛ, nɛ wa dɛ sɛ mɛnɔ vɛ kɛ 'dã wɔ kɔ zã wa kɔ̃a ni.”

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”