YUDA 1:3 - WE NU GALE 1995

³ Aa oyali ngba mi, mi zi do wɔ wena we kɔmɔ mbɛti gɛ hã nɛ, takɔ mi tɔ̃ mbe gulu kpasi kɛ Gale hã ma hã lɛ do nɛ ni. Nɛ mi zɔa na, mi wia we kɔmɔ mbɛti gɛ hã nɛ, we hã kpã sila hã nɛ, takɔ nɛ bi nganda ngɔ we nu Gale, kɛ a hã ma hã owinɔ 'da a, nɛ ma yápá sɛ gɔ ni.

YUDA 1:3 Iomraidhean Croise

NEHEMIE 13:25

Ma kɛ mi kɔ'da wa, nɛ mi kana nu mi tɛ wa. Mi zɛa ombe winɔ, nɛ mi zu'du mili zu wa. Dɛ 'do nɛ, nɛ mi ba nu mi na, wa kana tɛ wa do zu li Gale na, wa kɔ̃́ sɛ 'bɔ mbé gɛnɛ kɛ na, oboko benɔ 'da wa wa ba ogele winɔ gɔ. Nɛ obulu benɔ 'da wa, tabi wa do tɛ wa, wa bá sɛ 'bɔ owuko gele nunɔ gɔ.

Ezai 45:17

Nɛ nde NWA Gale, a kpasa nɛ obe Israɛlɛ, nɛ kpasi ni ma 'bana sɛ fai. Nɛ kpá sɛ sape fala kpo gɔ.’ ”

Ezai 45:22

“Nɛ, owinɔ tɛ ndɔti nùi 'di ni, nɛ síkí li nɛ dɛ 'da mi, nɛ nɛ kpasa sɛ. Mba gɔ, Gale wi a mi zu mi kpo. Fo gele gale olo mi bina.

Yeremi 9:3

Wele kpo wè 'bɔ tɛ gbini zã a do ngba a tabi e sila a ngɔ nya a gɔ. We kɛ wa vɛ̃ wa 'bili bɛlɛ do zu li nya wa, ɔ nɛ kɛ Yakɔbɔ dɛa zi ni. Wa vɛ̃ wa tɔ̃ tɛ ngba wa wena.

Owi Nɛ Tonɔ 17:3

Nɛ yolo dɛ ngɔ wenɔ kɔ 'Buki ni, nɛ a be we 'da Mɛsiya hã wa na, a wia tɛ kpa zɛlɛ tɛ, nɛ a fe, nɛ 'do nɛ, nɛ a za'da nza kɔ fio ni. Nɛ a tɔ̃ hã wa na: “Mɛsiya ni, wi a Yezu, kɛ mi be we 'da a hã nɛ gɛ.”

Owi Nɛ Tonɔ 18:28

Mba gɔ, a bia dɛ gbali Yudanɔ vɛ̃ na, wa yɔa wala yɔa. Nɛ yolo dɛ ngɔ wenɔ kɔ 'Buki 'da Gale ni, nɛ a bia hã wa na, Yezu a Mɛsiya. Nɛ wele kpo bà 'bɔ kafi nu a gɔ.

Owi Nɛ Tonɔ 20:27

We kɛ mi ùsù zi we do nɛ gɔ. Mi bia mɛnɔ kɛ Gale 'dafa we dɛ nɛ ni hã nɛ̃ vɛ.

Owi Nɛ Tonɔ 28:28

Nɛ Polo tɔ̃a 'bɔ hã wa na: “Nɛ ĩ́ na, Gale tombo to we kpasa ogele nu fɛlɛ kulanɔ kɛ wa a Oyuda gɔ ni, nɛ winɔ ni wa zele sɛ.” [

Owi Nɛ Tonɔ 4:12

Nɛ ĩ́ na, ngɔ nù gɛ vɛ̃, Gale kpásá wele do wala 'da mbé gele wele gɔ. A kpasa wa tati a do wala 'da Yezu zu a kpo.”

Owi Nɛ Tonɔ 6:7

Na mɛ ni, we nu Gale yɛ'bɛ zi dɛ dati fai. Nɛ owinɔ tɛ Yeruzalɛmɛ, kɛ wa kɔ̃a zu li Yezu ni, wa dɛlɛ 'bɔ dɛ dati. Nɛ gba gili onganganɔ wa kɔ̃a tɛ mɛ 'bɔ.

Owi Nɛ Tonɔ 9:13

Nɛ Ananiasi gese na: “Aa Nwa, mi zila Owele wena tɛ tɔ̃ we 'da wi ni, do tɔ̃ we 'dã mɛnɔ vɛ kɛ a dɛ do owinɔ 'da mɔ, tɛ Yeruzalɛmɛ i ni.

Owi Nɛ Tonɔ 9:22

Nɛ nde Gale hã ngawi hã Saulo dɛ dati fai. Nɛ 'da fala kɛ a tɛ be gulu we 'da Yezu hã Oyudanɔ tɛ Damasi i na, a a Mɛsiya ni, nɛ ma ba we nu wa do'do.

1 KORINTƐ 15:3

Sakoe kɛ mi zila zi ma dati, nɛ mi bia ma hã nɛ ni, ma nɛa ngɔ mɛnɔ vɛ. Sakoe ni mɛ a kɛ na, Kristo fia zi we 'dã mɛnɔ 'da lɛ, ɔ nɛ kɛ 'Buki 'da Gale tɔ̃a ni.

GALATI 2:5

nɛ lɛ bɛ̃a. Mba gɔ, lɛ kɔ̃a zi we fɔmɔ gbãlã we Dia Sakoe we duzu nɛ.

GALATI 3:28

Na mɛ ni, fo 'bɔ gɔnɔ sanga tɛ ngba wi kɔ nɛ bina. Nɛ ɔ do be Yuda tabi gele wi, ngbá tabi wele le, wi wili tabi wuko, nɛ nde nɛ vɛ nɛ wia kɔ̃, nɛ nɛ hɔa wele kpo kɔ Kristo.

GALATI 6:11

Nɛ zɔ́ gã gbãlã mbɛti mi dɛa hã nɛ gɛ! Mi kɔma ma do zu kɔ̃ mi wele nɛ.

EFƐZƐ 1:1

Wi a mi Polo, kɛ Gale saka mi do kɔ̃a zã 'da a, nɛ a ia mi do wi nɛ toe 'da Yezu Kristo ni. Mi kɔma mbɛti gɛ hã nɛ, owinɔ 'da Gale tɛ kɔ le Efɛzɛ, kɛ nɛ mba kpo do Yezu Kristo, nɛ nɛ 'bana tɛ kɔ̃ gɛnɛ a do sila nɛ kpo ni.

Mbulanɔ 21:9

Na mɛ ni, nɛ dɛ́ mɔ kɛ ma dia tɛ NWA 'da nɛ ni, nɛ gulu fie 'da wi wa gbɛa a iko ni, ma zɔ sɛ nɛ gɔ.

Mbulanɔ 9:10

Nɛ 'do kɛ mi ɔa di ni 'bu tũi nalɛ ni, nɛ NWA Gale kala tanɔ bɔa kɛ a do tɛ̃ a, a kɔma ombula gba tɔkɛ dɛ ngɔ nɛ ni hã mi. Mɛ a ombulanɔ kɛ a tɔ̃a zi ma hã nɛ kɔ nyɛa we, do ngba soe nɛ mba zi ngba nɛ dɛ nyanga kala i ni.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

KƆLƆSƐ 1:2

onya lɛ winɔ 'da Gale tɛ kɔ le Kɔlɔsɛ, kɛ nɛ mba kpo do Yezu, nɛ nɛ 'bana tɛ kɔ̃ gɛnɛ a do sila nɛ kpo ni. E kɔ Baa lɛ Gale be dia zã 'da a hã nɛ, nɛ a dɛ na, nɛ dungu do gɛ̃a sila.

1 TƐSALONIKƐ 2:2

Nɛ ĩ na, dati hɔ 'da nɛ i, owi kɔ le Filipɛ wa zɛlɛ zi tɛ lɛ, nɛ wa dã zi lɛ wena. Nɛ nde Gale kpãlã zi sila lɛ we be Dia Sakoe 'da a hã nɛ. Ĩ na, ombe wa bɛ̃ zi 'bɔ gɛnɛ lɛ wena.

1 TIMOTE 1:18

Aa Timote, be 'daa, mi a mbulanɔ gɛ dɛ kɔ̃ mɔ, nɛ ma lua ngbɛ ɛ do mbe wenɔ kɛ owi gba olo nu Gale wa tɔ̃a zi dɛ ngɔ mɔ ni. Kɔ ma wia na, wenɔ ni ma hã ngawi hã mɔ, takɔ sila mɔ nɔ li dia bole mɔ bi gɛ.

1 TIMOTE 6:12

Mɔ bá tɛ mɔ vɛ we dia bole kɛ mɔ bi we duzu Yezu kɛ mɔ kɔ̃a zu li a ni. Nɛ mɔ dɛ́ nganda na, mɔ 'bana do kpasi kɛ ma é sɛ gɔ ni. Mba gɔ, Gale sa zi mɔ hã mɔ we kpasi ni, do 'da fala kɛ mɔ tɔ̃a zi gulu kɔ̃a we 'da mɔ do sila mɔ vɛ̃ dɛ gbali ogba gili winɔ ni.

2 TIMOTE 1:13

Mɔ 'dáfá dɛa mɔ tɛ mɔ we kɔ̃ do wenɔ kɛ mɔ zila zi ma dɛ nu mi, nɛ mɔ ɔ́ do kɔ̃a zã do kɔ̃a we kɛ lɛ kpa ma kɔ mba li ngba wi 'da lɛ do Yezu Kristo ni.

TITO 1:4

Mi kɔmɔ mbɛti gɛ hã mɔ Tito, kɛ mɔ a ngbongbo be 'da mi ni, we kɛ lɛ do mɔ, lɛ kɔ̃a zu li Kristo. E kɔ Baa lɛ Gale, do Wi kpasa lɛ Yezu Kristo, wa be dia zã 'da wa hã mɔ, nɛ wa dɛ na, mɔ dungu do gɛ̃a sila.

OHEBRE 13:22

Onyae, mi ala nu mi hã nɛ na, nɛ kúnú sila nɛ, nɛ nɛ zélé lɛnggɛ kɛ mi tɔ̃a hã nɛ we kpãlã sila nɛ ni. Mba gɔ, mi kɔ̀mɔ̀ mbɛti gɛ hã nɛ dulu wena gɔ.

OHEBRE 6:9

Aa oyali ngba mi, gɛnɛ kɔ lɛ tɔ̃ hã nɛ ní, nɛ nde lɛ bà kafi we duzu nɛ gɔ. Lɛ ĩ na, nɛ a ngɔ bɔlɔ wala, nɛ mɛ a wala kɛ Gale a kpasa sɛ do nɛ.

1 PETRO 5:12

Wi gala mi we kɔmɔ dɔ mbɛti gɛ hã nɛ wi a Silasi. Mi zɔ a nɛ́ nya mi wi Kristo, kɛ mi wia we gbini zã mi do a ni. Mi kɔma mbɛti gɛ hã nɛ, takɔ mi hã kpã sila hã nɛ. Nɛ mi kɔ̃a 'bɔ we be hã nɛ na, wenɔ kɛ mi kɔma ni, ma be ngbongbo dia zã 'da Gale dɛ 'da nɛ. Kɔ nɛ tɛ là fala nɛ gɔ.

2 PETRO 1:1

Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.

2 PETRO 2:21

Ma dia sɔ fɛ na, wa tɛ ĩ̀ ti bɔlɔ wala 'da Gale gɔ. Mba gɔ, wa ĩ ti nɛ, nɛ nde wa la 'bɔ fala dɛ mbula 'da Gale kɛ wa bia hã wa ni. Ki ni ma 'danga nɛa ngɔ kɛ na, wa tɛ ĩ̀ sɔ ti nɛ gɔ ni.

YUDA 1:1

Wi a mi Yuda, wi dɛa toe 'da Yezu Kristo, nɛ mi 'bɔ a nya Zake. Mi kɔmɔ mbɛti gɛ hã nɛ, owinɔ kɛ Baa lɛ Gale kɔ̃a gɛnɛ nɛ, nɛ a saka nɛ do winɔ 'da a, nɛ Yezu Kristo zɔ mɔ tɛ nɛ ni.

YUDA 1:17

Nɛ nde nɛ, oyali ngba mi, ta zu nɛ tɛ èlè ngɔ wenɔ kɛ Owi nɛ tonɔ 'da Nwa 'da lɛ Yezu Kristo, wa mbisa zi do nɛ ni gɔ.

YUDA 1:20

Nɛ nde nɛ, oyali ngba mi, nɛ dɛ́ nganda na, kɔ̃a we 'da nɛ kɛ ma santo ni ma gã dɛ dati. Nɛ nɛ sámbálá Gale do ngawi 'da Hi Wi Santo.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.