YUDA 1:16 - WE NU GALE 1995

¹⁶ Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.

YUDA 1:16 Iomraidhean Croise

YƆBƆ 32:21

Mi sí sɛ 'do wele gɔ, nɛ mi tɔ̃́ sɛ 'bɔ ɛ̃fɛ̃ lɛnggɛ hã wele gɔ.

YƆBƆ 34:19

A sí 'do ogã wi gɔ, nɛ a kɔ̃̀ gɛnɛ wi kpamɔ nɛ ngɔ wi sã gɔ. We kɛ wi dɛa winɔ vɛ̃ wi a a.

Zumanɔ 106:25

Wa si ti tandenɔ 'da wa, nɛ wa lungu we, nɛ wa zélé zi 'bɔ wenɔ kɛ NWA tɔ̃ ni gɔ.

Zumanɔ 15:4

A bɛ̃a gɛnɛ winɔ kɛ Gale bɛ̃a wa ni, nɛ a kɔ̃ gɛnɛ winɔ kɛ wa dɛ kili NWA ni. A kpo mbulu ia, nɛ a dɛ ma. Gɛnɛ kɔ ma hã ngamɔ hã a hã, nɛ nde a kpóló nu a gɔ.

Zumanɔ 17:10

Owinɔ ni wa wele wenɔ do wali, nɛ wa ĩ́ 'bako fala kpo gɔ.

Zumanɔ 73:8

Wa mɔmɔ ngba wa, nɛ wa tɔ̃ 'dã we tɛ wa, nɛ wa 'dafa na, lo zɛlɛ tɛ wa do nga.

GBA WENƆ 28:21

Si 'do 'dã wele we gɔnɔ dia we hã a, ma dè gɔ. Nɛ nde ombe wa dɛ na mɛ ni we be mbili sĩ iko.

Ezai 29:24

Oyia winɔ wa yambala sɛ mɔ, nɛ wa ĩ ti gulu nɛ. Nɛ owanɔ kɛ wa lungu zi mbulanɔ 'da mi ni, wa kɔ̃ sɛ 'bɔ na wa be ma hã lo.”

Levitɛnɔ 19:15

“Nɛ tɛ 'bìlì we do bɛlɛ gɔ. Nɛ tɛ gbɛ̀ dia gulu we hã wi 'bako yala iko gɔ, nɛ nɛ tɛ dɛ̀ kili wi kpamɔ gɔ. Nɛ nde nɛ gɔ́nɔ́ wenɔ 'da ongba nɛ do bɔlɔ nɛ.

Tɔlɔ Mɔ 14:36

Nɛ NWA tumba o'dã zɛlɛ hã owinɔ Mɔizɛ tombo zi wa na, wa yɛnggɛ we zɔ nùi ni, nɛ wa fia. Mba gɔ, wa tɔ̃a 'dã we si ngɔ nùi wa zɔa ni, nɛ ma hã nɔ̃lɔ̃ zã hã owinɔ na, wa tɔ̃ 'dã we hã Mɔizɛ.

Tɔlɔ Mɔ 16:11

Mɔ do owinɔ 'da mɔ, nɛ bɛ̃a we nu Aroni. Nɛ nde ĩ na, wi kɛ nɛ bɛ̃a nu a ni, wi a NWA, nɛ nɛ dɛa nga zu dɛ tɛ̃ a.”

LUKA 15:2

Nɛ Ofariziɛnɔ do Owi be mbulanɔ wa ma ngɔ lungu we na: “Nɛ zɔ́ wi gɛ, a kɔ̃ gɛnɛ o'dã zu winɔ, nɛ a nyɔngɔ mɔ do wa!”

LUKA 19:7

Kɔ winɔ wa nɛa we zɔ ni, nɛ wa ma ngɔ lungu we, nɛ wa na: “Wi gɛ nɛ ɔ 'da wi dɛ 'dã mɛ gɛ nde?”

LUKA 5:30

Nɛ zã Ofariziɛnɔ do owi be mbulanɔ 'da wa nɔ̃lã, nɛ wa tɔ̃ hã owi yambala mɛnɔ 'da Yezu na: “Gulu kɛ nɛ nyɔngɔ mɔ, nɛ nɛ nɔ dɔ̃ fala nɛ kpo do owi futa takonɔ do o'dã winɔ ní we ge nde?”

YOANƐ 6:41

Oyudanɔ wa nɛa we zele ní, nɛ wa lungu Yezu, we kɛ a tɔ̃a na, ɛ a nyɔngɔmɔ kɛ ma yula li nza i ni.

YOANƐ 6:61

Nɛ Yezu ĩ na, Owi yambala mɛnɔ 'da ɛ wa tɛ lungu ɛ, nɛ a tɔ̃ hã wa na: “Wenɔ mi tɔ̃a ni zɛlɛ nɛ zɛla nde?

1 KORINTƐ 10:10

Nɛ lɛ tɛ lùngù we, ɔ nɛ kɛ ombe sanga wa wa lungu zi, nɛ anzɛ gbɛ wi gbɛa wa ni gɔ.

GALATI 5:16

We mi kɔ̃a we tɔ̃ hã nɛ gɛ, ma kɛ: Nɛ 'dáfá dungi 'da nɛ do wala kɛ Hi Wi Santo be ma hã nɛ ni. Nɛ dɛ ní, nɛ nde nɛ dɛ́ sɛ mɛnɔ kɛ wɔ kɔ kili tɛ nɛ tombo nɛ we dɛ ma ni gɔ.

GALATI 5:24

Owinɔ kɛ wa mba kpo do Kristo ni, wa gbɛa 'dã wɔ kɔ kili tɛ wa, do hɛlɛnɔ kɔ sila wa ni vɛ ia.

Mbulanɔ 1:27

Nɛ dungu zi nù tɛ nu tandenɔ 'da nɛ, nɛ nɛ lungu we na: ‘NWA sɛnɛ lɛ, ma hã a fua lɛ ngɔ nù Ezipeto dɛ nza na, a e lɛ ti mbula 'da Oamori, kɔ wa gbɛ lɛ ni.

FILIPƐ 2:14

Nɛ dɛ́ mɛnɔ vɛ̃ kɛ nɛ wia tɛ dɛ nɛ ni, nɛ nɛ tɛ lùngù we gɔ, nɛ nɛ tɛ mɔ̃̀ mɔ̃lã gɔ.

1 TƐSALONIKƐ 4:5

Nɛ a tɛ nɛ̀ 'dɔkɔlɔ 'dã wɔ kɔ sila a ɔ nɛ opaganɔ, kɛ wa ĩ̀ ti Gale gɔ ni gɔ.

1 TIMOTE 6:5

Nɛ ma dɛ 'bɔ na, kafi le sanga owinɔ kɛ hã zã wa 'danga do'do, nɛ wa ĩ̀ ti gbãlã we gɔ, nɛ wa zɔ ba tɛ wi hã Gale nɛ́ wala fa do kpamɔ ni.

2 TIMOTE 4:3

Mba gɔ, do ngba soe kɛ ma hɔ sɛ 'do gɛ ni, owele wa kɔ̃́ sɛ 'bɔ we zele gbãlã we bia we gɔ. Nɛ nde wa gɛ sɛ zala wa tati a tɛ wenɔ kɛ ma de tɛ wa ni, nɛ wa ngɛmɛ sɛ gba gili owi be wenɔ dɛ tɛ wa na, winɔ ni wa be wenɔ kɛ wa kɔ̃a we zele nɛ ni hã wa.

1 PETRO 1:14

Nɛ zélé nu Gale ɔ nɛ kɛ obe wa zele do nu baa wa ni. Nɛ nɛ tɛ kɔ̃̀ 'bɔ gɛnɛ o'dã wɔ kɔ kili tɛ nɛ, kɛ nɛ zi do ma dati kɛ nɛ tɛ ĩ̀ ti Dia Sakoe 'da Yezu Kristo gɔ ni gɔ.

1 PETRO 2:11

Aa oyali ngba mi, nɛ ĩ na, nɛ ngɔ nù gɛ a gɛnɛ iko, ngbongbo le 'da nɛ ngɔ nù gɛ bina. We duzu ma, mi ala nu mi hã nɛ na, nɛ bɛ̃́ gɛnɛ 'dã wɔ kɔ kili tɛ nɛ, kɛ ma bi do dia linggamɛnɔ kɔ sila nɛ ni do'do.

1 PETRO 4:2

Yolo do sɔɛ gɛ, do tala kɔ̃ tũnɔ kɛ nɛ 'bana ɔ ngɔ nù gɛ, ma wia na, nɛ dɛ mɔ tɛ nɛ nɛ́ kɛ Gale kɔ̃a ni, nɛ nɛ tɛ dɛ̀ 'dã mɔ nɛ́ kɛ wɔ kɔ kili tɛ nɛ tombo nɛ ni gɔ.

2 PETRO 2:10

Nɛ nde dati ngboo, a hã sɛ gã etumbu hã owinɔ kɛ wa dɛ 'dã mɔ kɛ wɔ zã wa kɔ̃a, nɛ wa bɛ na, Gale a Nwa ngɔ lo gɔ ni. Owi be we bɛlɛnɔ kɛ mi tɔ̃a sɔ we 'da wa hã nɛ ni, wa do kili bina, nɛ zu wa nganda wena. Nɛ wa dɛ́ 'bɔ kili dã Owi dɔ̃lɔ̃ linɔ li nza i ni gɔ.

2 PETRO 2:18

Wa tɔ̃ oyia lɛnggɛ we dɔnggɔ tɛ wa hã winɔ. Nɛ wa yamba we ɔlɔ winɔ kɛ wa hɔa nza kɔ Owi dɛ 'dã mɛnɔ, nɛ wa kifi sila wa 'da kala gɔ ni, nɛ wa fa na, winɔ ni wa dɛ 'dã mɛnɔ kɛ wɔ zã wa tombo wa we nɛ ni.

2 PETRO 3:3

Dati ngboo, nɛ ĩ́ na, do ndɔti tũnɔ, nɛ Owele wa hɔ sɛ, nɛ wa dɛ sɛ mɔ tɛ wa, ɔ nɛ kɛ zã wa kɔ̃a ni. Owinɔ ni wa mɔmɔ sɛ nɛ,

YUDA 1:15

A 'bili sɛ we 'da owinɔ vɛ̃, nɛ a fi sɛ winɔ kɛ wa bɛa gɛnɛ we nu a ni li ngbangga, we duzu 'dã dɛa mɛnɔ 'da wa, do 'dã wenɔ kɛ wa tɔ̃a do zu li a ni.”

YUDA 1:18

Wa tɔ̃a zi hã nɛ na: “Do ndɔti tũnɔ, dati kɛ Nwa nɛ tɛ sɛ nɛ ni, nɛ mbe winɔ wa hɔ sɛ, nɛ wa mɔmɔ sɛ nɛ, nɛ wa dɛ sɛ mɛnɔ vɛ kɛ 'dã wɔ kɔ zã wa kɔ̃a ni.”