YUDA 1:12 - WE NU GALE 1995

¹² 'Da fala nɛ mba li ngba nɛ we nyɔngɔ mɔ dɛa na, kɔ wa le sanga nɛ, nɛ dɛa mɔ tɛ wa hã sape hã nɛ wena. Mba gɔ, wa dɛ nga'ba, nɛ wa lengge tati a kɔ zã wa wele nɛ iko, nɛ sape li wa bina. Wa ɔ nɛ lĩ kolo kɛ ma tũ kpã kpã, nɛ bũi kala ma, nɛ nde kole tɛ́ gɔ ni. Wa ɔ 'bɔ nɛ tenɔ, kɛ gɛnɛ kɔ zɔlɔ wala tenɔ, nɛ nde ma wálá gɔ ni. Wa ɔ nɛ tenɔ kɛ ma mbi do liã nɛ, nɛ ma kolo vɛ ni.

YUDA 1:12 Iomraidhean Croise

2 Sakonɔ 7:20

nɛ mi fo sɛ nɛ ngɔ nùi kɛ mi ba hã nɛ gɛ do'do. Nɛ mi da sɛ 'bɔ kɔ mi tɛ tɔa Tɛmpɛloe, kɛ mi wila nu mi tɛ nɛ na, ma ɔ we dɔ̃lɔ̃ li 'da mi ni. Nɛ ogele winɔ vɛ̃ wa mɔmɔ sɛ nɛ obe Israɛlɛ, nɛ wa zɔ sɛ nɛ li wa yala iko.

YƆBƆ 8:17

Liã nɛ lia kɔ nga nùi gbaa, nɛ ma hɔ kɔ tanɔ i.

Zumanɔ 1:3

A ɔ nɛ te kɛ wa mi dɛ nu lì ni. Ma wala do zɔlɔ nɛ, nɛ nwá nɛ 'bɔ 'bɔa fai. Wi ni dɛ mɔ, nɛ ma Sɔkpɔ do dia nɛ.

Zumanɔ 37:2

We kɛ wa 'danga sɛ da dɔ̃, ɔ nɛ kɛ wɔkɔsɔ fele, nɛ ma kolo ni.

GBA WENƆ 25:14

Wi kɛ a kpo mbulu 'dɔlɔ mɔ wena, nɛ nde a dɛ́ ma gɔ ni, a ɔ nɛ kolo kɛ ma dĩ, nɛ nde ma tɛ́ gɔ ni.

EZEKIƐLƐ 17:9

“Nɛ nde mi NWA Gale, mi aka na, te vinɔɛ ni ma kpasa sɛ kpaa nde? Ziki wele kɛ dati ni, a ángá sɛ oliã nɛ do'do gɔ nde? Nɛ a 'bílí sɛ ogbakɔ̃ kɛnɔ ma wala ni, nɛ ma kolo gɔ nde? Do gbãlã we, ombé nzɔ'di kɛnɔ ma hɔ ni, ma kolo sɛ. Nɛ gɛnɛ kɔ osulu wi wa dɔ̃ gɔ, nɛ wa we sɛ tɛ zu'du ma iko.

EZEKIƐLƐ 34:10

Mi NWA Gale, mi mbese nɛ na, mi siki li mi dɛ tɛ nɛ ia. Mi fo sɛ nadalamɛnɔ 'da mi kɔ̃ nɛ do'do. Nɛ mi kɔ̃̀ sɛ 'bɔ na, nɛ fɔmɔ wa, kɔ nɛ kpa mɔ olo wa gɔ. Mi fo sɛ batanɔ 'da mi kɔ̃ nɛ, nɛ nɛ nyɔngɔ sɛ 'bɔ wa gɔ.

EZEKIƐLƐ 34:18

Mbe kɔ obatanɔ 'da mi wa nyɔngɔ dia wɔkɔsɔnɔ, nɛ nde sila wa gɛ̃́ gɔ, nɛ wa ma 'bɔ tala wɔkɔsɔnɔ ma 'bana ni do nyanga wa. Nɛ wa nɔ gɛ̃lɛ̃ li lì, nɛ nde sila wa gɛ gɔ, nɛ wa 'danga lì tala kɛ wa nɔ gɔɛ ni do nyanga wa.

EZEKIƐLƐ 34:2

“Mɔ, be 'da wele, mɔ dálá dɛ tɛ ogã wi ngɔ obe Israɛlɛ do zu li mi. Nɛ mɔ mbese wa do wenɔ kɛ mi NWA Gale, mi tombo hã wa gɛ na: Nɛ ɔ nɛ owi fɔmɔ bata kɛ wa lénggé do nadalamɛnɔ 'da wa gɔ ni.

EZEKIƐLƐ 34:8

Nɛ ĩ́ na, mi NWA Gale, mi mbɔkɔ do nɛ do'do. Batanɔ 'da mi wa tia dɛ kɔ̃ sa'de zamɔ, we kɛ fo wi fɔmɔ wa bina. Mba gɔ, owi fɔmɔ batanɔ 'da mi wa lénggé do wa gɔ. Wa fɔmɔ kili tɛ wa wele nɛ iko olo li kɛ na, wa fɔmɔ batanɔ 'da mi ni.

OZE 6:4

Nɛ nde NWA tɔ̃a na: “Aa nɛ, Oisraɛlɛ do Oyuda, mɛ mi nɛ dɛ hã nɛ ni a ge nde? Kɔ̃a zã 'da nɛ dɛ 'da mi, ma e 'da kala gɔ ɔ nɛ kutu, tabi mbɔɛ titole ni.

Levitɛnɔ 14:43

Fala kɛ mɛ ma 'danga kɔ tɔa ni, ma hɔ 'bɔ mbé nɛ, do 'do kɛ wa fua tanɔ kɛ ma 'danga, do nùi kɛ wa lɔa do tɛ dɛlɛ ni,

MATIE 13:6

Kɔ wese nɛa we nganda nɛ, nɛ bɔlɔ kpalɛ ni kula do'do, we duzu kɛ liã nɛ nyɛ̀lɛ̀ dɛ ti nù i gɔ.

MATIE 15:13

Nɛ a gisa hã wa na: “Kpalɛnɔ vɛ̃ kɛ Baa mi li nza i, a mì ma gɔ ni, wa zu'du sɛ ma do'do.

MARKO 4:6

Kɔ wese nɛa we nganda nɛ, nɛ bɔlɔ kpalɛ ni kula do'do, we duzu kɛ Hã nɛ nyɛ̀lɛ̀ dɛ ti nù i gɔ.

LUKA 12:45

Nɛ nde fala kɛ wi dɛa toe ni tɔ̃ do kɔ sila a na, wele ɛ kpóló sɛ tɛ̃ a dɔ̃ gɔ, kɔ a ma ngɔ zɛ ongba a wi dɛa tonɔ, owi wilinɔ do owukonɔ, kɔ a dungu nù we nyɔngɔ mɔ, do nɔ dɔ̃ nɛ ma ba a iko,

LUKA 16:19

Nɛ Yezu tɔ̃ gba we na: “Mbe wele zi kpo, a a wi kpamɔ, nɛ a he'de zi fai a dia tulu, kɛ gole nɛ gã wena ni. Nɛ tũ kpo kpo, a nyɔngɔ mɔ ɔ nɛ mɛ a 'da fala ɛngga ni.

LUKA 21:34

“Li nɛ sɔ̃́! Nɛ nɛ tɛ sì tɛ nyɔngɔ mɔ dɔ, do te bá dɔ̃ iko gɔ. Nɛ tɛ sì tɛ lengge mɛnɔ ngɔ nùi gɛ iko gɔ, da dɛ kɔ ngba soe hɔa 'da mi ni ma gbángá nɛ hia iko gɔ.

LUKA 8:6

Nɛ mbe ala dɛ ngɔ kpangba, nɛ ma hɔa, nɛ ma kula do'do, we kɛ lì gulu nɛ bina.

EFƐZƐ 4:14

Nɛ lɛ sɛ 'bɔ a obe kɔ kɔ̃a we do kɛ na, Owi be gele wenɔ wa yɛkɛ lɛ nɛ́ kɛ bũ ba ga, nɛ ma la do ma mba mba ni gɔ. Ma dɛ tɛ ɛ ni do 'da fala Owi 'dã hãnɔ wa ɔlɔ winɔ do bia we bɛlɛnɔ 'da wa ni.

FILIPƐ 3:19

Winɔ ni, wa kã tɛ wa hã fio, we kɛ gale 'da wa mɛ a zã wa. Wa dɔnggɔ tɛ wa do mɛnɔ kɛ ma wia sɔ we hã sape hã wa ni, nɛ wa lengge tati a mɛnɔ nù gɛ iko.

1 TIMOTE 5:6

Nɛ nde wi fio wili, kɛ a fa we hã yangga hã kili tɛ̃ a iko ni, gɛnɛ kɔ a 'bana do tunu li a, nɛ nde a fia li Gale ia.

OHEBRE 13:9

Nɛ tɛ kɔ̃̀ na, owi be ogele bia wenɔ kpi do kpi, wa vĩ zu nɛ gɔ. Mɛ kɛ ma kpãlã sila lɛ, mɛ a dia zã 'da Gale dɛ 'da lɛ, nɛ nde mɛ a dɛ mbula ngɔ nyɔngɔmɔ gɔ. Owinɔ kɛ wa dɛ mbulanɔ ni, wa kpá si mɔ olo nɛ gɔ.

ZAKE 5:5

Dungi 'da nɛ ngɔ nùi gɛ ma de zi wena, nɛ nɛ dɛa zi mɛnɔ vɛ ɔ nɛ kɛ zã nɛ kɔ̃a ni. Nɛ nyɔngɔ zi mɔ nga'ba, nɛ nɛ gã ɔ nɛ sa'de kɛ wa dala a de wena, we 'bɔ do 'da kɔ̃ tũi kɛ wa nɛ gbɛ sɛ do a ni.