YUDA 1:11 - WE NU GALE 1995

¹¹ 'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.

YUDA 1:11 Iomraidhean Croise

2 Onwanɔ 16:16

Nɛ nganga Uria dɛa mɛnɔ vɛ̃ kɛ nwa Ahazɛ ba nu a hã a na, a dɛ ni.

Ezai 3:11

'Bako do o'dã winɔ! Mɛnɔ vɛ̃ ma 'danga sɛ do wa, nɛ wa kpa sɛ etumbu olo mɛnɔ wa dɛa ni.

Ezai 3:9

Bula li wa ma be na, wa a wi dɛ 'dã mɔ. Wa dɛ 'dã mɔ dɛ gbali owinɔ, ɔ nɛ kɛ owi Sodɔmɛ wa dɛ zi ni, nɛ wa úsú ma gɔ. 'Bako do wa, wa fa ngamɛ 'da wa do tɛ wa.

Yeremi 13:27

Nɛ dɛa wɔ tɛ gele galenɔ, nɛ nɛ nɛa 'dɔkɔlɔ wa, ɔ nɛ kɛ wɔ wili ba naa mbalata, nɛ a he mɔ tɛ yɛnggɛ 'dɔkɔlɔ a ni. Nɛ dɛa ndumba, nɛ ma hã sape hã NWA. A zɔa nɛ tɛ dɛ mɔ yɔnda ngɔ kalanɔ, do li zɔ̃nɔ kɛ nɛ dɔnggɔ do gele galenɔ ni. Aa nɛ, owi Yeruzalɛmɛ, nɛ kɔ 'bako! Ɔ nɛ kɛ nɛ kɔ̃̀ we dɔnggɔ NWA gɔɛ ni, nɛ nɛ hɔ sɛ sa wi li a soe ki nge nde?

EZEKIƐLƐ 13:3

We kɛ mi NWA Gale, mi tɔ̃ hã wa gɛ ma kɛ: Ngamɔ ma kpa sɛ owi gba olo nu mi Gale, kɛ wa do gbãlã zã wa bina ni. Wa dɛ tati a linggamɔ zu wa wele nɛ. Nɛ wa tɔ̃ na lo zɔa mɛnɔ li yalɛ, nɛ nde mɛ a bele iko.

Mike 6:5

Aa nɛ, owinɔ 'da mi, nɛ lénggé do Balakɛ, nwa ngɔ nù Moabɛ kɛ a kɔ̃a zi we fɔmbɔ nɛ ni. Nɛ nɛ lénggé do gisa nu we kɛ Balamɛ, be 'da Beɔrɛ, a gisa zi hã a ni. Nɛ ta zu nɛ tɛ èlè ngɔ tɛlɛ tɛ kɛ mi kã zi oyaa nɛ, yolo tɛ Sitimɛ, gbaa we hɔ tɛ Gilgalɛ ni gɔ. Nɛ lénggé ki ni vɛ̃, nɛ nɛ ĩ sɛ ti mɛnɔ kɛ mi NWA, mi dɛa we kpasa do nɛ ni.”

ZAKARIA 11:17

'Bako do wi fɔmɔ bata kɛ a la nadalamɛnɔ 'da a iko ni. E kɔ bolo te, nɛ ma 'danga ngawi 'da a vɛ̃. Nɛ e kɔ gbali a kɛ si ngawili kɔ ma o!”

Tɔlɔ Mɔ 31:16

Nɛ ĩ de wena na, wi a wukonɔ gɛ, kɛ wa zila zi mbulanɔ 'da Balamɛ tɛ Peɔrɛ i ni, hã wa dɛa zi na, obe Israɛlɛ wa dɔnggɔ ogale bɛlɛnɔ 'da wa. Gulu kɛ 'dã zɛlɛ ma tia zi tɛ obe Israɛlɛ gɛ a ni.

MATIE 11:21

“'Bako do nɛ, owi kɔ le Korazinɛ do Bɛtsaida. Mba gɔ, ɔ do kɛ ɔngbamɛnɔ ma dɛa tɛ̃ ɛ kɔ le 'da nɛ gɛ, ma dɛ sɔ tɛ̃ ɛ kɔ le Tirɛ do Sidoni, nɛ owinɔ i mɔ ni, wa he'de sɔ saki, nɛ wa a bũ zu wa we be na, wa kifi sila wa belee ia.

Mbulanɔ 23:4

“Oamoni do Omoabɛ, wa lé sɛ kɔ mba li ngba wi 'da owinɔ 'da NWA fala kpo gɔ. Gɛnɛ kɔ wa ko, hã wa sanza fala 'bu, nɛ nde obe yaa wa wa wé sɛ we le kɔ mba li ngba wi gɔ.

OHEBRE 11:4

Abɛlɛ zɛ́ do kɔ̃a we dɛ 'da Gale, ma kɛ dɔnggamɛ 'da a ma dia zɛ́ li Gale nɛa ngɔ kɛ 'da Kaina ni. Nɛ we duzu kɔ̃a we 'da Abɛlɛ, nɛ Gale sa li a na, a a wi bɔlɔ zu, nɛ a kɔ̃a gɛnɛ dɔnggamɛ 'da a. Gɛnɛ kɔ Abɛlɛ fia, nɛ nde a 'bana tɛ wele we hã lɛ we duzu kɔ̃a we 'da a.

2 PETRO 2:15

Wa la li bɔlɔ wala do'do, nɛ wa ba wala do Balamɛ, be 'da Beɔrɛ, kɛ a dɛ zi yangga ɔlɔ winɔ we kpa mbili kɔ̃ wa ni.

1 YOANƐ 3:12

nɛ lɛ tɛ ɔ̀ nɛ Kaina, kɛ a zi a be 'da Satana, nɛ a gbɛa hɔ dɛ 'do a ni gɔ. A gbɛa nya a we ge nde? A gbɛa a we kɛ dɛa mɔ tɛ̃ a dè gɔ, nɛ dɛa mɔ tɛ nya a zi a dia.

USU MƐNƆ 2:14

Nɛ nde mi kɔ'dɔ nɛ we 'dã mɔ kpo: Ombe sanga nɛ ni wa kɔ̃a gɛnɛ bia we kɛ Balamɛ bia zɛ́ ma ni. Balamɛ tɔ̃a zi hã Balakɛ na, a be 'dã wala hã obe Israɛlɛ, nɛ a ɔlɔ wa na, wa nyɔngɔ osa'denɔ kɛ wa gbɛ wa we dɔnggɔ do okpikimanɔ ni, nɛ wa dɛ mɔ sape.