Yozue 9:9 - WE NU GALE 1995

⁹ Nɛ wa gese na: “Nwa, lɛ yula nyɛlɛ wena, nɛ lɛ la le 'da lɛ, we kɛ lɛ zila we 'da NWA Gale 'da nɛ, do mɛnɔ vɛ̃ kɛ a dɛa tɛ Ezipeto i ni.

Yozue 9:9 Iomraidhean Croise

1 Onwanɔ 8:41

“Mbe gɔ, nɛ gele wi kpo kɛ a a be Israɛlɛ gɔ, nɛ a ɔ nyɛlɛ wena ni, a zele we dɔ̃lɔ̃ li 'da mɔ, do we gã mɛnɔ kɛ mɔ dɛ we owinɔ 'da mɔ ni, nɛ a tɛ we dɔnggɔ mɔ, do sambala mɔ tɛ kɔ tɔa Tɛmpɛloe gɛ.

NEHEMIE 9:5

Nɛ 'do nɛ, nɛ olevitɛnɔ gɛ: Yesua, Kadmiɛlɛ, Bani, Hakabneya, Serebia, Hodia, Sɛbania do Pɛtahia, wa hia mɔ na: “Nɛ kúlú ngɔ! Nɛ dɔ́nggɔ́ dia zu li NWA Gale 'da nɛ! Nɛ nɛ té de zu li a 'da fala fai!” “NWA, e kɔ wele do wele dɔnggɔ dɔ̃lɔ̃ li 'da mɔ, kɛ ma gã nɛa ngɔ tala ogele linɔ vɛ̃ ni.

Zumanɔ 148:13

Nɛ dɔ́nggɔ́ NWA, we kɛ a gã nɛa ngɔ winɔ vɛ̃, nɛ dɔ̃lɔ̃ li 'da a kpa ngɔ nù nga do li nza i vɛ̃.

Zumanɔ 72:19

Nɛ dɔ́nggɔ́ dɔlɔ li 'da a 'da fala fai. E kɔ dɔ̃lɔ̃ li 'da a dunu ngɔ nùi gɛ vɛ̃! Amɛ. E kɔ ma ɔ na mɛ ni.

Zumanɔ 78:12

Gale dɛa zi ɔngbamɔ kɔ le Soanɛ, tɛ ngɔ nù Ezipeto, nɛ oyaa lɛ wa zɔa ma.

Zumanɔ 83:18

E kɔ wa tana kili 'da fala fai, nɛ wa fe do sape.

Kulu Tɔa 15:14

“Owinɔ kɛ zã nùi 'da lɛ ni, wa zila we gɛ, nɛ tɛ wa tana. Kili ba Ofilisti,

Kulu Tɔa 9:16

Kɔ mi la a do tunu li a, we be ngawi 'da mi, takɔ sako dɔ̃lɔ̃ li 'da mi ma yɛ'bɛ ngɔ nù gɛ vɛ̃.

Ezai 55:5

Ngangga gɛ, nɛ, obe Israɛlɛ, nɛ sa sɛ mɔ hã ogele winɔ kɛ nɛ ĩ zi mbe ti ngba nɛ do wa gɔ ni, nɛ wa tɛ sɛ we mba ngba wa do nɛ. Mi NWA Gale 'da nɛ, mi, Gale santo 'da nɛ, obe Israɛlɛ, mi dɛ sɛ na mɛ ni, nɛ ma hã sɛ dɔ̃lɔ̃ li hã nɛ.”

Ezai 66:19

Nɛ mi be sɛ dɛa to nwa 'da mi hã wa. Nɛ owanɔ kɛ wa kpasa sɛ li ngbangga 'da mi ni, mi tombo sɛ wa ndũu dɛ ngɔ nùnɔ 'da Otarsisi, Opulɛ, do Oludɛ kɛ wa ĩ ti da kpili wena ni. Nɛ mi tombo sɛ 'bɔ wa ndũu tɛ kɔ ngolo lì, tɛ 'da Otubalɛ do Ogrɛkɛ, do tɛ falanɔ vɛ̃ kɛ wa zèlè mbe lɛnggɛ 'da mi fala kpo gɔ ni. Nɛ wa be sɛ dɔ̃lɔ̃ li 'da mi hã owinɔ i mɔ ni.

Tɔlɔ Mɔ 14:15

Kɔ fala kɛ mɔ gbɛ winɔ 'da mɔ riki ní, nɛ ogele winɔ kɛ wa zila sako mɛnɔ mɔ dɛa zi vɛ̃ ni, wa tɔ̃ sɛ na,

Tɔlɔ Mɔ 20:14

Tɛ Kadɛsɛ i, nɛ Mɔizɛ tombo Owele hã nwa ngɔ nù Edɔmɛ na: “Mɔ zélé toe 'da onya mɔ, obe Israɛlɛ. Mɔ ĩ ti ngamɛnɔ vɛ̃ lɛ kpa ma ni.

Owi Nɛ Tonɔ 8:7

Nɛ ogba gili o'dã hi wi wa hɔa nza kɔ winɔ, nɛ wa he mɔ do nga gɛlɛ. Nɛ gili owi kunda, kɛ mbee tɛ wa fe fia ni, do owi mbi kũ wa kpasa zi 'bɔ.

Mbulanɔ 20:11

Kɔ fala kɛ wa hũi nu ngbo le, kɔ wa hã tɛ wa hã nɛ, nɛ wa vɛ̃ wa dɛ sɛ to kolofe hã nɛ.

Mbulanɔ 20:15

Ki ni a tɛlɛ tɛ mɛ kɛ nɛ dɛ sɛ do olenɔ, kɛ ma nyɛlɛ wena, nɛ ma dɛ ngɔ nùi 'da nɛ gɔ gɛ a ni.

Yozue 9:10

Nɛ lɛ zila 'bɔ we mɛ kɛ a dɛa do nwanɔ 'da Oamori bɔa gɛ: Sihoni, nwa ngɔ Hɛsɛboni, do Ɔgɛ, nwa ngɔ Basanɛ, kɛ a ɔ zi kɔ le Asɛtarɔtɛ ni.

Yozue 9:16

Nɛ olo kɛ owi Gabaoni wa dɛa na do obe Israɛlɛ ni la tũ bɔa, nɛ obe Israɛlɛ wa zele na, le 'da owi Gabaoni ma kɔlɔ do wa dɔ̃ɔ iko.

Yozue 9:17

Wa zila ní, nɛ wa kulu ngɔ, nɛ wa le wala. Wa nɛa fai, nɛ ma hɔa tɛ kɔ̃ tũ kɛ talɛ, nɛ wa hɔ kɔ olenɔ 'da owinɔ ni. Li lenɔ ni ma kɛ: Gabaoni, Kɛfira, Bɛerɔtɛ, do Kiriatɛ-Yearimɛ.

Yozue 9:24

Owi Gabaoni wa zila ní, nɛ wa gese na: “Nwa, lɛ dɛa ni mba gɔ, lɛ dɛa zi kili na, nɛ gbɛ sɛ lɛ. Nɛ lɛ ĩ ti mbuli kɛ NWA Gale 'da nɛ, a hã hã Mɔizɛ wi dɛa toe 'da a, do obe Israɛlɛ vɛ̃ ni. NWA tɔ̃a zi hã Mɔizɛ na, 'da fala kɛ nɛ le ngɔ nùi gɛ, nɛ a kala sɛ lenɔ gɛɔ gɛɔ, nɛ a hã sɛ ma vɛ̃ hã nɛ, nɛ nɛ gbɛ sɛ owinɔ kɔ nɛ ni vɛ̃.