Yozue 9:6 - WE NU GALE 1995

⁶ Nɛ wa 'dafa ma vɛ̃, nɛ wa le wala we nɛ dɛ Gilgalɛ, fala ɔi 'da obe Israɛlɛ. Kɔ wa nɛa we hɔ i mɔ, nɛ wa kpa Yozue do obe Israɛlɛ, nɛ wa tɔ̃ hã wa na, lo yula nyɛlɛ wena, kɔ lo tɛa we ba 'bia do nɛ.

Yozue 9:6 Iomraidhean Croise

1 Onwanɔ 8:41

“Mbe gɔ, nɛ gele wi kpo kɛ a a be Israɛlɛ gɔ, nɛ a ɔ nyɛlɛ wena ni, a zele we dɔ̃lɔ̃ li 'da mɔ, do we gã mɛnɔ kɛ mɔ dɛ we owinɔ 'da mɔ ni, nɛ a tɛ we dɔnggɔ mɔ, do sambala mɔ tɛ kɔ tɔa Tɛmpɛloe gɛ.

2 Onwanɔ 20:14

'Do nɛ, nɛ Ezai, wi gba olo nu Gale nɛa 'da nwa Ezekiasi i, nɛ a aka a na: “Owinɔ gɛ wa yula do nde? Nɛ wa tɔ̃a hã mɔ na ge nde?” Nɛ Ezekiasi gese na: “Wa yula gbaa tɛ ngɔ nù Babilonia, ma nyɛlɛ wena.”

Yozue 10:43

Dɛ 'do nɛ, nɛ wa si dɛ fala ɔi 'da wa tɛ Gilgalɛ.

Yozue 10:6

Kɔ owi Gabaoni wa nɛa we zɔ ní, nɛ wa tombo to hã Yozue tɛ fala ɔi 'da a tɛ Gilgalɛ i na: “Mɔ tɛ èlè lɛ owi dɛa tonɔ 'da mɔ gɔ. Mɔ tɛ́ dɔ̃, kɔ mɔ kpásá lɛ, we kɛ onwa Amori vɛ̃ kɛ wa ɔ ngɔ kalanɔ i ni, wa ba zã zu bi lɛ.”

Yozue 4:19

Obe Israɛlɛ wa kũ lì Yɔrdanɛ do zɛkɛ 'da kpo, kɔ̃ nɛ 'bu. Nɛ wa dɛa fala ɔi 'da wa tɛ le Gilgalɛ, kɛ ma dɔ̃ɔ do Yeriko si 'biti gba wese.

Yozue 5:10

'Da fala kɛ obe Israɛlɛ wa 'bana zi tɛ Gilgalɛ, tɛ ngɔ mbɛ nùi kɛ ma dɔ̃ɔ do Yeriko ni, nɛ wa dungu ɛngga Hɔ Nza kɔ Ngbá do zɛkɛ ni, kɔ̃ nɛ 'bu ngɔ nɛ nalɛ. Wa ndua dungu ɛngga ni do 'da fala wese tɛ le tũ ni.

Yozue 9:5

Nɛ wa do tɛ wa, wa he'de otulu do omɔ nyanga wi kɛ ma dɛa ã wena, nɛ wa fulu li nɛ fulu ni. Nɛ wa kala 'bɔ mapa kɛ ma kula vɛ̃, nɛ sanga nɛ gbini 'busulu 'busulu ni.

Yozue 9:9

Nɛ wa gese na: “Nwa, lɛ yula nyɛlɛ wena, nɛ lɛ la le 'da lɛ, we kɛ lɛ zila we 'da NWA Gale 'da nɛ, do mɛnɔ vɛ̃ kɛ a dɛa tɛ Ezipeto i ni.