Yozue 9:4 - WE NU GALE 1995

⁴ nɛ wa dɛa 'dã hã we ɔlɔ obe Israɛlɛ. Wa nɛa, nɛ wa kala nyɔngɔmɔ, do osaki do odaka ndala, kɛ wa a do dɔ̃ ni, nɛ wa ɛnzɛ ma li 'do pundanɔ 'da wa. Nɛ nde sakinɔ do daka ndalanɔ ni zi a oã nɛ, nɛ ma ɛ̃ wena, nɛ wa fulu li nɛ fulu.

Yozue 9:4 Iomraidhean Croise

Ndo Nyanga Dɛ Mɔ 34:13

Nɛ nde zã ozagbãlã benɔ 'da Yakɔbɔ nɔ̃lɔ̃ we duzu kɛ Sikɛmɛ wɛlɛ zi Dina, nɛ a ɔa do a ni, nɛ wa dɛa 'dã hã.

Zumanɔ 119:83

Mi hɔa mɔ yala ɔ nɛ ua daka ni, nɛ nde ta mi èlè ngɔ mɛ mɔ kɔ̃a ni gɔ.

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

MATIE 9:17

Nɛ wele wè tɛ a mbé dɔ̃ kɔ ã daka ndala gɔ. Ní gɔ, nɛ dɔ̃ɛ ma hana sɛ, nɛ ma fũ daka ndala, nɛ dɔ̃ɛ a nù, nɛ daka ndala ni ma 'danga sɛ 'bɔ. Kɔ ma wia na, wa a mbé dɔ̃ kɔ mbé daka ndala. Nɛ ma vɛ̃ bɔa nɛ, ma 'bana sɛ do dia nɛ.”

MARKO 2:22

Nɛ wele wè tɛ a mbé dɔ̃ kɔ ã daka ndala gɔ. Ní gɔ, nɛ dɔ̃ɛ ma hana sɛ, nɛ ma fũ daka ndala, nɛ daka 'danga, nɛ dɔ̃ɛ a nù. Kɔ ma wia na, wa a mbé dɔ̃ kɔ mbé daka ndala!”

LUKA 16:8

Kɔ wi kpamɛ ni nɛa we zɔ ni, nɛ a dɔnggɔ kapita wi zũi ni, we duzu hã zã 'da a. Mba gɔ, o'dã winɔ ngɔ nùi gɛ, wa ĩ ti dɛ mɔ hã zã dɛ sanga tɛ ngba wa nɛa ngɔ owinɔ 'da Gale.”

Yozue 9:12

Nɛ zɔ́ mapa 'da lɛ. Fala lɛ lia zi wala we tɛ i nga ni, nɛ nde ma 'bana zi do bawe nɛ. Kɔ nɛ zɔ́, ma kula vɛ̃, nɛ ma gbini 'busulu 'busulu.

Yozue 9:13

Nɛ nɛ zɔ́ 'bɔ daka ndala gɛ. 'Da fala lɛ a zi dɔɛ kɔ nɛ ni, nɛ nde ma 'bana do mbé nɛ, kɔ da dɔ́ ni, ma ɛ̃a vɛ̃. Ma 'bɔ ni we duzu tulunɔ do mɔ nyanga winɔ 'da lɛ. Ma 'danga vɛ̃ tɛ nyɛlɛ wala lɛ tɛa gɛ.”

Yozue 9:3

Owi kɔ le Gabaoni, kɛ wa zi a Ohivi, wa zila 'bɔ we mɛ kɛ Yozue do owinɔ 'da a wa dɛa do le Yeriko do Ai ni,

Yozue 9:5

Nɛ wa do tɛ wa, wa he'de otulu do omɔ nyanga wi kɛ ma dɛa ã wena, nɛ wa fulu li nɛ fulu ni. Nɛ wa kala 'bɔ mapa kɛ ma kula vɛ̃, nɛ sanga nɛ gbini 'busulu 'busulu ni.