Yozue 9:10 - WE NU GALE 1995

¹⁰ Nɛ lɛ zila 'bɔ we mɛ kɛ a dɛa do nwanɔ 'da Oamori bɔa gɛ: Sihoni, nwa ngɔ Hɛsɛboni, do Ɔgɛ, nwa ngɔ Basanɛ, kɛ a ɔ zi kɔ le Asɛtarɔtɛ ni.

Yozue 9:10 Iomraidhean Croise

Ndo Nyanga Dɛ Mɔ 14:5

Ma nɛa we hɔ tɛ sabɛlɛ kɛ 'bu ngɔ nɛ nalɛ, nɛ nwa Kɛdɔrɛ-Laomɛrɛ do Onwanɔ kɛ a dɛa zi na do wa ni, wa lia wala we bi Onwanɔ mɔlɔ ni. Wa nɛa, nɛ wa bi Orɛfa, tɛ kɔ le Asɛtarɔtɛ-Karnaimɛ, do Ozuzi, tɛ kɔ le Hamɛ, do Oemi, tɛ ngɔ mbɛ nùi tɛ Kiriataimɛ.

Tɔlɔ Mɔ 20:14

Tɛ Kadɛsɛ i, nɛ Mɔizɛ tombo Owele hã nwa ngɔ nù Edɔmɛ na: “Mɔ zélé toe 'da onya mɔ, obe Israɛlɛ. Mɔ ĩ ti ngamɛnɔ vɛ̃ lɛ kpa ma ni.

Mbulanɔ 1:4

Ma dɛa tɛ̃ ɛ do 'do kɛ Mɔizɛ nɛa ngɔ Sihoni, nwa 'da Oamoni, do Ɔgɛ, nwa 'da Obasanɛ, li bolo ni. Sihoni ɔ zi tɛ Hɛsɛboni do Ɛdrei, nɛ Ɔgɛ ɔ zi Asɛtarɔtɛ.

Mbulanɔ 2:30

“Nɛ nde nwa Sihoni bɛ̃a zi na, lɛ tɛ là do ngɔ nùi 'da a gɔ. Mba gɔ, NWA Gale 'da nɛ, a nganda zi sila a, takɔ a e a dɛ kɔ̃ lɛ, sɛ a lɛ ba nùi 'da a de. Mɛ a nùi kɛ lɛ ngɔ ma sɔɛ gɛ.

Yozue 12:4

Nwa kɛ bɔa kɛ Mɔizɛ do obe Israɛlɛ wa bi a, wi a Ɔgɛ. A zi a mbe kpo kɔ odu winɔ, kɛ wa sa li wa na Orɛfa ni. A zi a nwa ngɔ nù Basanɛ, nɛ a ɔ tɛ Asɛtarɔtɛ, tabi tɛ Edrei.

Yozue 13:31

Nɛ Omanase, wa kpa 'bɔ nù Galadɛ, do le Asɛtarɔtɛ, do Edrei. Lenɔ bɔa ni, mɛ a ã gbɛlɛ gã lenɔ 'da nwa Ɔgɛ. Nɛ Mɔizɛ hã nùi ni vɛ̃ hã mbee nu kpala Manase, kɛ yaa wa zi a Makirɛ, be 'da Manase ni.

Yozue 2:10

Lɛ zila na, NWA dɛa zi na, gba lì Sala Tɔ̃ ma ɔ̃sɔ̃ 'da fala nɛ zi tɛ hɔ nza ngɔ nù Ezipeto ni. Nɛ lɛ zila 'bɔ na, nɛ gbɛa Sihoni do Ɔgɛ, onwa ngɔ nù Amori, kɛ kulu lì Yɔrdanɛ si 'biti gba wese, nɛ nɛ 'danga omɛnɔ 'da wa vɛ̃.

Yozue 2:9

Nɛ a tɔ̃ hã wa na: “Mi ĩ na, NWA hã nùi 'da lɛ hã nɛ. Lɛ winɔ kɔ le gɛ, lɛ tana kili gbulu gbulu we nɛ, nɛ lɛ 'bɔ do ngawi bina.

Yozue 9:11

We duzu nɛ hã onya lɛ do okumunɔ vɛ̃ wa tɔ̃a hã lɛ na, lɛ 'dafa nyɔngɔmɔ we le wala, we tɛ 'da mɔ. Nɛ wa tɔ̃ 'bɔ na, lɛ le to ti kɔ̃ nɛ, kɔ lɛ dɛ na do nɛ.

Yozue 9:9

Nɛ wa gese na: “Nwa, lɛ yula nyɛlɛ wena, nɛ lɛ la le 'da lɛ, we kɛ lɛ zila we 'da NWA Gale 'da nɛ, do mɛnɔ vɛ̃ kɛ a dɛa tɛ Ezipeto i ni.