Yozue 8:2 - WE NU GALE 1995

² Ma wia na, mɛ kɛ mɔ dɛa do le Yeriko do nwa ngɔ nɛ ni, mɔ dɛ́ 'bɔ ma do le Ai do nwa ngɔ nɛ. Nɛ nde mɔ do sodanɔ, nɛ wia we kala odia mɛnɔ, do onadalamɛnɔ kɛ nɛ kpa sɛ kɔ le ni do mɔ́ nɛ. Kɔ mɔ nɛ́, nɛ mɔ usu mbe kɔ sodanɔ 'da mɔ 'do le, takɔ wa bi sɛ ma do gbanga nɛ.”

Yozue 8:2 Iomraidhean Croise

2 Sakonɔ 13:13

Nɛ do ngba soe ni, nɛ Yeroboamɛ tumba mbe ngɔ gili osodanɔ 'da a, nɛ wa usu tɛ wa do 'do osoda Yuda vɛ̃, nɛ wa e wa dɛ gbogbo.

2 Sakonɔ 20:22

'Da fala kɛ wa tɛ dɔnggɔ NWA ni, nɛ a vĩ zu Oamoni do Omoabɛ do Oedɔmɛ kɛ wa tɛa we bi Oyuda ni. Nɛ wa ma ngɔ bi dɛ sanga tɛ ngba wa.

Zumanɔ 39:6

Mɔ dɛa dungu nza 'da mi dùlù gɔ, nɛ tũ kpasi 'da mi ngɔ nù gɛ, ma hɔ̀ mɔ li mɔ gɔ. Gɛnɛ kɔ wi kɛ a 'bana ngɔ nga tɛ̃ a ni, a ɔ li mɔ nɛ bũ ni.

GBA WENƆ 13:22

Wi dɛ de mɔ la dia mɔ hã nu fɛlɛ a. Nɛ nde wa hã sɛ kpamɔ mɔ 'dã wi hã wi bɔlɔ zu.

GBA WENƆ 28:20

Wi gbisa zu sɛ fai do yangga. Nɛ nde wele kɛ a fa we kpa mbili iko ni, a kpa sɛ 'bako.

Yeremi 17:11

Wi kɛ a kpa mɔ do 'dã wala ni, a ɔ nɛ naa kɔla kɛ a si ngɔ kuli kɔkɔlɔ ni. Kpamɛnɔ 'da a ma e sɛ kɔ̃ a, nɛ nde a 'bana ngɔ nga tɛ̃ a, nɛ kɔ gbɛlɛ 'da a, a ɔ sɛ nɛ yia wi ni.

Yeremi 51:12

Nɛ 'bé bɛndɛlɛ dɛ ngɔ we mbese na, wa gbini gba ngbo nu le Babilɔnɛ. Nɛ sáká owi zɔ mɔ tɛ nu ngbonɔ dɛlɛ, nɛ nɛ á wa we zɔ mɔ nu ngbo le. Nɛ tómbó Owi miã we usu tɛ wa tɛ falanɔ kpi do kpi.” Mba gɔ, NWA ndua nyanga dɛ mɛnɔ kɛ a handa zi we dɛ do owi ngɔ nù Babilonia ni ia.

Mbulanɔ 2:35

Nɛ nde lɛ la zi tati a onadalamɛnɔ do odia mɛnɔ kɛ lɛ kala ma li bole kɔ lenɔ ni.

Mbulanɔ 20:14

Nɛ nɛ kala sɛ owukonɔ, do obenɔ, do onadalamɛnɔ, do mɛnɔ vɛ̃ kɛ nɛ kpa kɔ le ni do mɔ nɛ. Nɛ kala sɛ dia mɛnɔ olo owi sɛnɛ nɛ ni vɛ̃, we kɛ NWA Gale 'da nɛ, a hã mɛnɔ ni hã nɛ.

Mbulanɔ 3:2

Nɛ nde NWA tɔ̃a hã mi na: ‘Mɔ tɛ dɛ̀ kili a gɔ. Mi dɛ sɛ na, mɔ nɛ ngɔ a do osodanɔ 'da a vɛ̃, nɛ mɔ ba nùi 'da a. Mɔ dɛ sɛ do a ɔ nɛ kɛ mɔ dɛa do Sihoni, nwa 'da Oamori, kɛ a ɔ zi tɛ Hɛsɛboni ni.’

Yozue 10:1

Do 'da fala ni, Adoni-Sedɛkɛ zi a nwa ngɔ le Yeruzalɛmɛ. Nɛ a zila na, Yozue do owinɔ 'da a, wa ba le Ai, nɛ wa 'danga ma vɛ̃, nɛ́ kɛ wa dɛa zi do le Yeriko ni. Wa dɔa ma, nɛ wa gbɛ winɔ kɔ nɛ ni, do nwa ngɔ wa vɛ̃. Nɛ a zele 'bɔ na, owi Gabaoni wa dɛa na do obe Israɛlɛ, kɔ wa ɔ dɛ sanga wa.

Yozue 10:28

Do kpo tũi ni, Yozue do owinɔ 'da a wa ba le Makeda. Nɛ wa gbɛ nwa ngɔ nɛ, do owinɔ vɛ̃. Nɛ wele kpo 'bànà do tunu li ɛ gɔ. Yozue dɛa do nwa ngɔ Makeda nɛ́ kɛ a dɛa zi do nwa ngɔ Yeriko ni.

Yozue 11:14

Nɛ wa kala onadalamɛnɔ, do mɛnɔ kɔ lenɔ ni vɛ̃ do mɔ wa. Nɛ wa gbɛ owinɔ vɛ̃, nɛ wa là wele kpo do tunu li a gɔ.

Yozue 6:21

Nɛ wa kumu owinɔ kɔ nɛ ni vɛ̃, owi wili, do owuko, do obe, do ogbɛlɛ. Nɛ wa gbɛ 'bɔ ongɔmbɔ, do odua, do opunda.

Yozue 8:12

Yozue saka Owele koto mɔlɔ, nɛ a ba nu a hã wa na, wa usu tɛ wa dɛ ngbala le Ai do Betɛlɛ si 'biti gɛ̃a wese.

Yozue 8:14

Fala sa titole, nɛ nwa ngɔ le Ai zɔ obe Israɛlɛ. A nɛa we zɔ wa ni, nɛ a wɛlɛ tɛ̃ a we hɔ nza kɔ le do sodanɔ 'da a vɛ̃, we bi obe Israɛlɛ dɛ kpo kpo fala zi dati, si kɔ gbangɔlɔ̃ lì Yɔrdanɛ ni. Nɛ nde a ĩ̀ na, mbe obe Israɛlɛ wa bi sɛ a do 'do a nga gɔ.

Yozue 8:19

Kɔ 'da fala Yozue nɛa we kusu sɛlɛ dɛ ngɔ ni, nɛ sodanɔ 'da a kɛ wa usu sɔ tɛ wa 'do le i ni, wa kulu ngɔ fala kpo, nɛ wa yu gbaa, nɛ wa le dɛ kɔ le i. Wa ba le, nɛ wa fi we tɛ nɛ do ti.

Yozue 8:24

Obe Israɛlɛ wa gbɛa owi Ai vɛ̃ dɛ li zɔ̃ɛ kɛ wa ndaka sɔ 'do wa dɛ tɛ nɛ ni. 'Do nɛ, nɛ wa kpolo tɛ wa dɛ kɔ le i, nɛ wa gbɛ 'bɔ tala winɔ, kɛ wa 'bana sɔ i mɔ ni vɛ̃.

Yozue 8:3

Yozue zila ní, nɛ a 'dafa na, a nɛ do sodanɔ 'da a vɛ̃ tɛ Ai i. A saka onwa bolo 'bu koto talɛ sanga owinɔ 'da a, nɛ a tombo wa do tũ.

Yozue 8:7

Do 'da fala ni, nɛ nɛ hɔ́ nza, nɛ nɛ ba le. We kɛ NWA Gale 'da lɛ hã le ni hã lɛ ia.

Yozue 8:8

Kɔ fala nɛ ba le, nɛ nɛ fi we tɛ nɛ, ɔ nɛ kɛ NWA ba do nu a ni. Ma wia na, nɛ dɛ kɛ vɛ̃ mi tɔ́a hã nɛ ni.”

Yozue 8:9

Olo we ni, nɛ Yozue tumba onwa bolonɔ dɛ fala usu tɛ wi kɛ wa saka ni. Wa nɛa, nɛ wa usu tɛ wa kɛ zã le Ai, do si 'biti gɛ̃a wese. Fala ni, mɛ a ngbala le Ai do Betɛlɛ. Nɛ do tũi ni, wa ɔa dɛ di ni. Nɛ Yozue do tala sodanɔ wa 'dafa gele fala, nɛ wa ɔ nɛ.

Yozue 9:3

Owi kɔ le Gabaoni, kɛ wa zi a Ohivi, wa zila 'bɔ we mɛ kɛ Yozue do owinɔ 'da a wa dɛa do le Yeriko do Ai ni,