Yozue 7:1 - WE NU GALE 1995

¹ NWA ba zi nu a hã obe Israɛlɛ na, wa 'danga le Yeriko, do mɛnɔ kɔ nɛ ni vɛ̃. Nɛ nde ombe sanga wa wa dɛ̃ mbula olo nu NWA gɔ. Mbe wele kpo, li a a Akanɛ, a kala ombe mɛnɔ do mɔ́ a. We duzu ma, nɛ dã ba NWA dɛ tɛ obe Israɛlɛ wena. Akanɛ zi a nu fɛlɛ Zera, kɔ nu kpala Yuda. A a be 'da Karmi, nɛ a 'bɔ a be yaa a Zabdi.

Yozue 7:1 Iomraidhean Croise

Ndo Nyanga Dɛ Mɔ 34:27

'Do nɛ, nɛ tala obulu benɔ 'da Yakɔbɔ wa nɛ, nɛ wa bi le, nɛ wa 'bili sanga wɔlɔ winɔ vɛ̃. We duzu kɛ Sikɛmɛ wɛla zi boko nya wa, nɛ a ɔ do a ni.

2 SAMUƐLƐ 24:1

Mbe ngba soe kpo, nɛ zã NWA nɔ̃lɔ̃ 'bɔ mbé nɛ dɛ tɛ obe Israɛlɛ. Nɛ a dɛa na, nwa Davidi dɛ mɔ kɛ ma fa ngamɔ dɛ tɛ wa ni. Nɛ a e dɛ kɔ sila a na, a nɛ, kɔ a tɔlɔ Oisraɛlɛ do Oyuda vɛ̃.

2 Onwanɔ 5:24

Wa nɛa we hɔ tɛ fala li nɛ a Ofɛlɛ ni, nɛ Gehazi kala sakinɔ, do tulunɔ, nɛ a zɛ ma ngɔ 'baka a, nɛ a gese wi tonɔ 'da Namanɛ na, wa si 'do. Kɔ wa la do'do, nɛ a nɛ, nɛ a e ma kɔ tɔa 'da a i.

1 Sakonɔ 21:7

Mɛ kɛ Davidi dɛa ni, ma dè tɛ Gale gɔ, nɛ a hã etumbu hã obe Israɛlɛ.

2 Sakonɔ 24:18

A zila we nu wa, ma kɛ Oisraɛlɛ wa bɛ̃a gɛnɛ Tɛmpɛloe 'da NWA Gale 'da oyaa wa, nɛ wa dɔnggɔ okpikima gale Asera do ogele kpikimanɔ. Nɛ 'dã mɛ ni, ma nɔ̃lɔ̃ zã Gale dɛ te owi Yeruzalɛmɛ do Owi ngɔ nù Yuda vɛ̃.

Ɛsdrasi 9:6

nɛ mi sambala a na: “Aa Gale 'da mi, mi do sape wena, nɛ mi dɛa kili ba li mi dɛ 'da mɔ ngɔ i, we kɛ 'dã mɛnɔ 'da lɛ ma dɔ wena, ma kiti dɛ ngɔ ngbɛ ɛ gbaa, we to li nza ngɔ i.

YƆBƆ 35:8

Mɔ dɛ de mɔ tabi 'dã mɔ, nɛ nde mɔ dɛ ma hã ongba mɔ wele iko.

WI LENGGE WE 9:18

Hã zã nganda nɛa ngɔ mɔ bi bolo, nɛ nde wi dɛ 'dã mɔ zu a kpo, nɛ a 'danga gba dɔa dia mɛnɔ kɛ hã zã dɛ ma ni.

DANIƐLƐ 9:7

Mɔ NWA, mɔ dɛ mɔ do bɔlɔ nɛ fai, nɛ nde sɔɛ gɛ dɛa mɔ tɛ lɛ hã sape hã lɛ. Nɛ ma na mɛ ni we duzu lɛ vɛ̃, owi Yeruzalɛmɛ do Oyuda, do tala gele obe Israɛlɛ kɛ wa dɔ̃ɔ tabi wa nyɛla wena, do wanɔ mɔ ndaka wa, nɛ mɔ pɛsɛ wa dɛ ngɔ gele nùnɔ we kɛ wa dɛ̃ olo nu mɔ gɔ ni.

Levitɛnɔ 10:6

'Do nɛ, nɛ Mɔizɛ tɔ̃ hã Aroni, do tala obenɔ 'da a bɔa, Elazarɛ do Itamarɛ na: “Nɛ tɛ là mili zu nɛ na mɛ ni iko gɔ, nɛ nɛ tɛ ɛ̃̀ 'bɔ tulu tɛ nɛ we dɛ 'bako gɔ. Nɛ dɛ na mɛ ni, nɛ nɛ fe sɛ, nɛ zã NWA ma nɔ̃lɔ̃ sɛ dɛ tɛ obe Israɛlɛ vɛ̃. Nɛ nde tala onya nɛ, obe Israɛlɛ, wa wia we he kɔ̃a winɔ kɛ NWA tumba nyɛa we, kɔ ma gbɛa wa ni.

YONASI 1:7

Nɛ wi dɛ tonɔ wa tɔ̃a hã ngba wa na: “Lɛ 'bɛ́nɛ́ mɔ, takɔ lɛ ĩ ti wi kɛ ngamɛ gɛ kpa lɛ we duzu a ni.” Wa 'bɛnɛ mɛ, nɛ ma te ngɔ Yonasi.

Yozue 22:16

“Gulu kɛ nɛ dɛa gã 'dã mɔ dɛ 'da NWA Gale 'da lɛ obe Israɛlɛ ni we ge nde? Gulu kɛ nɛ la fala dɛ mbula 'da nwa we ge nde? Nɛ bɛ̃a we nu a, we kɛ nɛ dɛa gbagala yɔlɔ nɛ.

Yozue 22:18

Kɔ nɛ nɛ la 'bɔ fala dɔnggɔ NWA Gale sɔɛ gɛ nde? Fala kɛ nɛ bɛ̃ we nu nwa sɔɛ gɛ, nɛ bindɛ, nɛ nɔ̃lɔ̃ zã 'da a ma te sɛ ngɔ obe Israɛlɛ vɛ̃.

Yozue 22:20

Tɛ zu nɛ ila ngɔ 'dã mɛ 'da Akanɛ, wi nu fɛlɛ Zera nde? A kala zi dia mɛnɔ kɛ Gale tɔ̃a na, wa 'danga ma vɛ̃ ni, nɛ nɔ̃lɔ̃ zã 'da NWA tia ngɔ obe Israɛlɛ vɛ̃. Nɛ Akanɛ fè zi we 'dã mɛ 'da a zu a kpo iko gɔ.”