Yozue 5:2 - WE NU GALE 1995

² Do kpo fala ni, nɛ NWA tɔ̃ hã Yozue na: “Mɔ bá ta, nɛ mɔ sɛ nu nɛ, nɛ mɔ gɔ̀nɔ̀ do owi wili Israɛlɛ vɛ̃ kɛ wa tɛ gɔ̀nɔ̀ wa gɔ ni.”

Yozue 5:2 Iomraidhean Croise

Mbulanɔ 30:6

“NWA Gale 'da nɛ, a 'dafa sɛ sila nɛ do sila obe zã nɛ, takɔ nɛ kɔ̃ gɛnɛ a do sila nɛ vɛ̃. Nɛ nɛ 'bana sɛ dɛ ngɔ nùi ni fai.

Mbulanɔ 10:16

Na mɛ ni, nɛ bá sila nɛ vɛ̃ hã NWA, nɛ nɛ tɛ dɛ̀ 'bɔ nga zu dɛ tɛ̃ a gɔ.

Kulu Tɔa 4:25

Nɛ Sefora, kɛnɛ Mɔizɛ nɛa we zɔ ni, nɛ a ba tɔ̃a nu ta, nɛ a gɔnɔ bulu be 'da wa do gaza. A ba ndala nɛ, nɛ a to do tɛ wili a, nɛ a tɔ̃ na: “Mɔ di ni a wili tɔkɔ 'da mi.”

KƆLƆSƐ 2:11

Kɔ nɛ́ kɛ nɛ mba kpo do Kristo ni, nɛ nɛa gaza ia. Gaza ni, mɛ a gaza kɛ owele wa a wa gɔna gɔ, nɛ nde mɛ a gaza kɛ Kristo hã a gɔna. Gulu nɛ na, a fua nɛ ti ngawi 'da 'dã wɔ kɔ sila nɛ.

ROMA 4:11

Nɛ 'do nɛ, sɛ a Gale ba nu ɛ hã a na, a nɛ gaza de. Nɛ gaza ni, ma bia na Abrahama hɔa wi bɔlɔ zu li Gale we kɔ̃a we 'da a, kɛ a zi do ma dati hã nɛ gaza ni. Kɔ we duzu ma, Abrahama hɔa baa owinɔ vɛ̃ kɛ wa nɛ̀ gaza gɔ, nɛ nde wa kɔ̃a zu li Gale, nɛ Gale ba wa na, wa a Owi bɔlɔ zu ni.

ROMA 2:29

Nɛ nde wa ĩ ti a we duzu linggamɔ kɔ sila a kɛ wa zɔ́ gɔ ni. Nɛ ngbongbo gaza, mɛ a kɛ kɔ sila wi. Nɛ mbula hã dɛ̀ ma gɔ, nɛ nde wi dɛa ma, wi a Hi Wi 'da Gale. Nɛ wi nɛ dɔnggɔ sɛ wi ni a wele gɔ, nɛ nde wi a Gale.

Yozue 5:3

Nɛ Yozue sɛa nu ta, nɛ a gɔnɔ do obe Israɛlɛ tɛ fala wa sa li nɛ na: “Kala Gɔnɔ Gaza.”