Yozue 23:3 - WE NU GALE 1995

³ Nɛ nde nɛ zɔa mɛnɔ vɛ̃ kɛ NWA Gale 'da lɛ a dɛa do ogele nu kɔnggɔnɔ ngɔ nùi gɛ we lɛ ni. A bi owi sɛnɛ lɛ hã lɛ.

Yozue 23:3 Iomraidhean Croise

Kulu Tɔa 14:14

NWA a bi sɛ bolo olo li nɛ, nɛ nɛ dɛ́ sɛ mɔ kpo gɔ.”

Kulu Tɔa 19:4

Nɛ zɔa tɛlɛ tɛ kɛ mi gbɛa Oezipeto, nɛ nɛ zɔa 'bɔ tɛlɛ tɛ kɛ mi kala nɛ, nɛ mi tɛa do nɛ gbaa dɛ kɛ zã mi nga ni. Mi ka mɔ tɛ nɛ ɔ nɛ kɛ ziki ka do mɔ tɛ obenɔ 'da a, nɛ a kala wa dɛ li 'do a ni.

EZEKIƐLƐ 20:28

Mba gɔ, mi kã zi wa dɛ ngɔ nù kɛ mi kana tɛ mi we hã ma hã wa ni. Kɔ wa nɛa zi we zɔ zu kala do zu tenɔ kɛ ma 'bɔ wena ni, nɛ wa ma zi ngɔ hã dɔnggamɛnɔ 'da wa hã ogale bɛlɛnɔ dɛ di ni. Nɛ mi nɛa zi we zɔ dɔnggamɛnɔ kɛ wa dɔ, nɛ dɔ̃ɛ wa dɔnggɔ do ogale bɛlɛnɔ ni, nɛ ma hã nɔ̃lɔ̃ zã hã mi wena.

MALAKI 1:5

Nɛ, obe Israɛlɛ, nɛ zɔ sɛ mɛnɔ ni, nɛ nɛ zɛ sɛ nu nɛ na: ‘NWA, mɔ bia ngawi 'da mɔ dɛ nza. Nɛ owi kɔ gele lenɔ wa zɔa 'bɔ ma!’ ”

Mbulanɔ 1:30

NWA Gale 'da nɛ, a kpe sɛ dati nɛ, nɛ a bi sɛ bolo zu nɛ, ɔ nɛ kɛ nɛ zɔa zi a tɛ dɛ ma tɛ Ezipeto i,

Mbulanɔ 20:4

NWA Gale 'da nɛ, a sɛ do nɛ boe, nɛ a dɛ sɛ na, nɛ nɛ ngɔ wa.’

Mbulanɔ 4:9

Li nɛ sɔ̃́, nɛ nɛ dɛ́ zĩ na, da dɛ kɔ tɛ nɛ élé ngɔ mɛnɔ vɛ̃ nɛ zɔa zi do li nɛ ngboo ni gɔ. Nɛ lengge ma kɔ dungu nza 'da nɛ vɛ̃. Nɛ nɛ tɔ̃ sɛ we nɛ hã obe zã nɛ do obe yaa nɛ.

Mbulanɔ 7:17

“Nɛ tɛ tɔ̃̀ na, owinɔ ni wa nganda nɛa ngɔ lo, kɔ lo nɛ dɛ fala ndaka wa nɛ nde gɔ.

Mbulanɔ 7:24

A e sɛ 'bɔ Onwanɔ 'da wa dɛ kɔ̃ nɛ. Nɛ mbiti sɛ wa, nɛ nɛ 'danga mɛnɔ vɛ̃, kɛ ma wia tɛ gba ta zu wele ngɔ wa ni. Wele kpo kɔ wa yóló sɛ dati nɛ gɔ.

Yozue 10:14

Zɔ kɛ na NWA zele nu wele li nù gɛ nɛ́ kɛ a zila nu Yozue ni, ma dɛ̃ zɛ́ mbe tɛ̃ ɛ dati gɔ, nɛ ma dɛ̀ 'bɔ mbé tɛ̃ ɛ 'do nɛ gɔ. NWA zi fala nɛ kpo do obe Israɛlɛ, we bi owi sɛnɛ wa.

Yozue 10:42

Yozue do obe Israɛlɛ wa ba nùnɔ vɛ̃, nɛ wa gbɛ onwa ngɔ nɛ. Wa dɛa zi ni, we kɛ NWA Gale zi do wa fala nɛ kpo, nɛ a bi zu wa.

Yozue 23:10

Wele kpo do kpo kɔ nɛ ni, wia do ndaka Owele koto kpo, we kɛ NWA Gale 'da lɛ a bi owi sɛnɛ lɛ hã lɛ, nɛ́ kɛ a kpua zi mbulu nɛ ni.