Yozue 23:2 - WE NU GALE 1995

² Nɛ a sa mɔ hã obe Israɛlɛ vɛ̃ na, wa mba ngba wa dɛ ti ɛ. A sa mɔ hã ogã wi ngɔ nu fɛlɛ kulanɔ, do okumunɔ, do owi 'bili wenɔ, do ogã wi ngɔ sodanɔ, nɛ a tɔ̃ hã wa na: “Nɛ zɔ́, mi dɛ gbɛlɛ wena.

Yozue 23:2 Iomraidhean Croise

1 Onwanɔ 1:1

Nwa Davidi dɛ zi gbɛlɛ wena. Nɛ gɛnɛ kɔ owi dɛa tonɔ 'da a wa gu zi tulu ɔi ngɔ a, nɛ nde ma bá zi we tɛ̃ a ngboo gɔ.

1 Onwanɔ 8:1

Nɛ nwa Salɔmɔ sa mɔ hã okumu Israɛlɛ vɛ̃, owanɔ ngɔ nu kpalanɔ, do owanɔ ngɔ nu fɛlɛ kulanɔ vɛ̃. A sa mɔ hã wa na, wa mba li ngba wa dɛ 'da a tɛ Yeruzalɛmɛ, takɔ wa ba Sanduku Gba Tɔkɛ 'da NWA tɛ kɔ Gba Ngbo nwa 'da Davidi, kɛ wa sa 'bɔ li ma na Sioni ni, kɔ wa e ma tɛ kɔ tɔa Tɛmpɛloe i.

1 Sakonɔ 23:2

'Do nɛ, nɛ a sa mɔ hã ogã wi ngɔ obe Israɛlɛ, mba do nganganɔ do levitɛnɔ vɛ̃.

1 Sakonɔ 27:27

Simei, wi Rama, zi a wi fɔmɔ te vinɔnɔ. Zabdi, wi Sɛfamɛ zi a wi fɔmɔ dɔ̃ vinɔɛ kɛ ma yula tɛ wala te vinɔɛ ni.

1 Sakonɔ 28:1

Nwa Davidi mba li ogã wi ngɔ obe Israɛlɛ vɛ̃ tɛ Yeruzalɛmɛ: ogã wi ngɔ nu kpala winɔ, ogã wi ngɔ sodanɔ 'da nwa, ogã wi ngɔ osoda koto, do osoda kama kpo, ogã wi zɔ mɔ tɛ mɛnɔ do onadalamɛnɔ 'da nwa, do obenɔ 'da a mba do Owi tɔ̃ mbula hã nwa, do onga sodanɔ, do owinɔ kɛ wa a owi dĩ ni.

Mbulanɔ 31:28

Ngangga ni, nɛ ngɛ́mɛ́ li okumunɔ do okpasa wi ngɔ nu kpala nɛ dɛ kɛ zã mi gɛ. Mi tɔlɔ sɛ lɛnggɛ kɔ zuma kɛ Gale bia hã mi ni hã wa dɛ ngɔ. Nɛ li nza do nùi sɛ a Otemɔɛnɔ 'da mi.

Yozue 13:1

Olo nɛ la sabɛlɛ dɛlɛ wena, nɛ Yozue dɛa gbɛlɛ wena, nɛ NWA tɔ̃ hã a na: “Mɔ dɛ gbɛlɛ wena, nɛ nde nùnɔ kɛ nɛ tɛ bà gɔɛ ni, ma 'bana wena.

Yozue 23:3

Nɛ nde nɛ zɔa mɛnɔ vɛ̃ kɛ NWA Gale 'da lɛ a dɛa do ogele nu kɔnggɔnɔ ngɔ nùi gɛ we lɛ ni. A bi owi sɛnɛ lɛ hã lɛ.

Yozue 24:1

Yozue ba nu a na, nu kpala obe Israɛlɛ vɛ̃ wa ngɛmɛ ngba wa dɛ kɔ le Sikɛmɛ. A sa mɔ hã ogã wi ngɔ nu fɛlɛ kulanɔ vɛ̃, do okumunɔ, do owi 'bili wenɔ, do ogã wi ngɔ osodanɔ, nɛ wa tɛa, nɛ wa yolo dɛ dati Gale.

1 SAMUƐLƐ 12:2

Yolo do sɔɛ gɛ, a kpe sɛ dati nɛ, we kɛ mi dɛa gbɛlɛ do'do, nɛ mi 'bɔ do ngawi bina. Obenɔ 'da mi, wa sanga nɛ gɛ boe. Mi fɔmɔ zi nɛ, yolo ngɔ be tɛ mi gbaa we hɔ sɔɛ gɛ.