Yozue 2:1 - WE NU GALE 1995

¹ Obe Israɛlɛ wa 'bana zi tɛ fala ɔi tɛ Sitimɛ, nɛ Yozue tumba owi miã bɔa ngɔ nù Kanana, we zɔ gã le Yeriko do lenɔ kɛ zã nɛ ni. Wa hɔa 'di mɔ, nɛ wa le kɔ tɔa 'da mbe wuko ndumba kpo, li a a Rahabɛ, nɛ wa ɔ dɛ di ni.

Yozue 2:1 Iomraidhean Croise

Ndo Nyanga Dɛ Mɔ 42:16

Nɛ tómbó mbe kɔ nɛ kpo, hã a nɛ we kpa a tɛ do a. Nɛ tala nɛ gɛ vɛ̃, nɛ ɔ sɛ do kɔ tɔa bɔlɔkɔ. Na mɛ ni, nɛ mi zɔ sɛ we nɛ tɔ̃a gɛ, tabi mɛ a gbãlã we nde. Kɔ fala kɛ ma ɔ̃ na mɛ ni gɔ, nɛ mi ĩ sɛ na, nɛ ngboo a owi miã.”

Ndo Nyanga Dɛ Mɔ 42:9

Nɛ ta zu Yozɛfu gba ngɔ yalɛnɔ kɛ a yala zi ma dɛ ngɔ wa ni. Nɛ a tɔ̃ hã wa na: “Nɛ a owi miã. Nɛ tɛa dɛ we zɔ le, takɔ nɛ ĩ ti fala kɛ ma a mbɔkɔ, nɛ wa zĩ̀ ngbo se'de gɔ ni.”

Mike 6:5

Aa nɛ, owinɔ 'da mi, nɛ lénggé do Balakɛ, nwa ngɔ nù Moabɛ kɛ a kɔ̃a zi we fɔmbɔ nɛ ni. Nɛ nɛ lénggé do gisa nu we kɛ Balamɛ, be 'da Beɔrɛ, a gisa zi hã a ni. Nɛ ta zu nɛ tɛ èlè ngɔ tɛlɛ tɛ kɛ mi kã zi oyaa nɛ, yolo tɛ Sitimɛ, gbaa we hɔ tɛ Gilgalɛ ni gɔ. Nɛ lénggé ki ni vɛ̃, nɛ nɛ ĩ sɛ ti mɛnɔ kɛ mi NWA, mi dɛa we kpasa do nɛ ni.”

Tɔlɔ Mɔ 13:1

Ngba soe kpo, nɛ NWA tɔ̃ hã Mɔizɛ na:

Tɔlɔ Mɔ 13:2

“Mɔ tómbó Owele, kɔ wa yɛnggɛ we zɔ nù Kanana, kɛ mi hã ma hã nɛ obe Israɛlɛ ni. Kɔ nu kpala wi kpo, nɛ mɔ saka sɛ wi wili kpo sanga okumunɔ 'da wa.”

Tɔlɔ Mɔ 25:1

'Da fala obe Israɛlɛ wa tɛ ɔ dɛ Sitimɛ ni, nɛ wa yɛnggɛ vĩ zu yɛli do owuko Moabɛ.

MATIE 1:5

nɛ Salmoni ko Buzɛ (naa a zi a Rahabɛ), nɛ Buzɛ ko Obɛdɛ (naa a zi a Ruti), nɛ Obɛdɛ ko Yɛse,

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

EFƐZƐ 5:5

Mba gɔ, nɛ ĩ na, wi yɛnggɛ vĩ zu yɛli, tabi wi dɛ mɔ sape, tabi wi dɛ nga'ba lé sɛ kɔ le nwa 'da Kristo do Gale gɔ. Dɛ nga'ba ma ɔ nɛ dɔnggɔ kpikima ni.

OHEBRE 11:31

Nɛ we duzu kɔ̃a we 'da Rahabɛ, wuko ndumba, ma kɛ a fè zɛ́ fala nɛ kpo do owinɔ kɛ wa bɛ̃a we dɔnggɔ Gale ni gɔ, we duzu kɛ a kɔ̃a zi gɛnɛ Owi miãnɔ 'da Oisraɛlɛ kɔ tɔa 'da a ni.

ZAKE 2:25

Ma dɛa 'bɔ tɛ̃ ɛ na mɛ ni do Rahabɛ, wuko ndumba. A kɔ̃a zi gɛnɛ Owi miãnɔ 'da Oyudanɔ kɔ tɔa 'da a, nɛ 'do nɛ, nɛ a bia gele wala hã wa na, wa si do ma, hã wa kpasa. Nɛ we duzu mɛ a dɛa ni, nɛ Gale ia a do wi bɔlɔ zu.

Yozue 1:18

Kɔ fala wele bɛ̃ we dɛ mbula olo nu mɔ, nɛ lɛ gbɛ sɛ a. Nɛ nde we duzu mɔ, mɔ kpãlã sila mɔ, nɛ mɔ ɔ́ do ngawi.”

Yozue 2:2

Nɛ do kpo tũi ni, nwa ngɔ Yeriko zila na, obe Israɛlɛ wa hɔa we zɔ Yeriko do lenɔ kɛ zã nɛ ni.

Yozue 21:31

Hɛlkatɛ do Rɛhɔbɛ.

Yozue 3:1

Fala sa titole belee, nɛ Yozue do obe Israɛlɛ wa kulu ngɔ tɛ Sitimɛ, nɛ wa la dɛ nu lì Yɔrdanɛ. Wa hɔa i mɔ, nɛ wa ɔ dɛ di ni we 'bɔ do 'da kɛ na wa kũ lì ni.

Yozue 5:10

'Da fala kɛ obe Israɛlɛ wa 'bana zi tɛ Gilgalɛ, tɛ ngɔ mbɛ nùi kɛ ma dɔ̃ɔ do Yeriko ni, nɛ wa dungu ɛngga Hɔ Nza kɔ Ngbá do zɛkɛ ni, kɔ̃ nɛ 'bu ngɔ nɛ nalɛ. Wa ndua dungu ɛngga ni do 'da fala wese tɛ le tũ ni.

Owi kpe dati 1:23

kɛ li nɛ 'bɔ a Luzɛ ni. Dati nɛ mɔ wa, nɛ wa tumba Owi miã na wa nɛ, hã wa zɔ le.

Owi kpe dati 18:14

Nɛ owinɔ mɔlɔ kɛ wa nɛa zi we zɔ le Laisi dati ni, wa tɔ̃ hã ongba wa na: “Mbe tɔa kpo kɔ tɔanɔ dɛ gɛ, mɔ le kɔ nɛ, nɛ mɔ kpa kpikima, do mbe gele osɛa te kɛ zã nɛ. Nɛ mbe kpikima kpo, wa nãlã fɛ̃a mɔ bolo tɛ nɛ vɛ̃. Ní a nɛ kɔ̃a na, lɛ dɛ nɛ nde?”

Owi kpe dati 18:17

Nɛ owinɔ mɔlɔ ni wa le dɛ kɔ tɔa i, nɛ wa kala ngɔ gili kpikimanɔ kpi do kpi, mba do kɛ wa nãlã fɛ̃a mɔ bole tɛ nɛ ni. Nɛ nganga yolo dɛ 'do nu ngbo ni, fala nɛ kpo do owinɔ kama gazɛlɛ do mɔ bi do bolonɔ dɛ kɔ̃ wa ni.

Owi kpe dati 18:2

Gulu nɛ hã wa saka zi osɔ̃a tɛ wele mɔlɔ sanga wa. Nɛ wa kpa wa kɔ le Sora do Ɛsɛtaɔlɛ. Nɛ wa ba nu wa hã wa na, wa yɛnggɛ we fa dia nù. Nɛ wa la, nɛ wa hɔ ngɔ kalanɔ tɛ Efraimɛ, nɛ wa yolo nù dɔ̃ɔ do tɔa 'da Mika, nɛ wa dungu nù we kpe tɛ wa.