Yeremi 39:3 - WE NU GALE 1995

³ Nɛ ogã wi ngɔ osoda Babilɔnɛ vɛ̃ wa lia kɔ le, nɛ wa nɛ, nɛ wa yolo tɛ nu ngbo kɛ wa sa li nɛ na: “Nu ngbo kɛ gbogbo.” Winɔ ni zi a: Nɛrgalɛ-Sarɛsɛrɛ, gã wi ngɔ osodanɔ vɛ̃, do Samgarɛ-Nɛbo, do Sarɛ-Sɛkimɛ, wi ngɔ dɛa tonɔ 'da nwa, do tala gele ogã wi ngɔ osoda Babilɔnɛ vɛ̃.

Yeremi 39:3 Iomraidhean Croise

2 Onwanɔ 17:30

Owinɔ kɛ wa yula zi kɔ le Babilɔnɛ ni, wa dula kpikima Sukɔtɛ-Bɛnɔtɛ, nɛ owi Kuta wa dolo kpikima Nɛrgalɛ, nɛ Owi Hamatɛ wa dolo kpikima Asima,

Yeremi 1:15

Mba gɔ, mi nɛ sa mɔ hã owinɔ vɛ̃ kɛ wa ɔ si gbãlã ngɔ ni na, wa tɛ. Kɔ wa hɔ, nɛ Onwanɔ 'da wa, wa be sɛ ngawi nwa 'da wa tɛ nu ngba le Yeruzalɛmɛ. Wa linggi sɛ ngbonɔ nu le Yeruzalɛmɛ, do nu lenɔ ngɔ nù Yuda vɛ̃.

Yeremi 21:4

wa si, hã wa tɔ̃ hã Sedekiasi na, NWA Gale 'da Oisraɛlɛ na: “Nwa ngɔ nù Babilonia do osodanɔ 'da a, wa linggi le 'da mɔ, nɛ mɔ Sedekiasi do osodanɔ 'da mɔ, nɛ hɔa nza we bi do wa do 'do ngbo i. Nɛ nde mi dɛ sɛ na, osodanɔ 'da mɔ kɛ wa kpe dati bole ni, wa kpolo tɛ wa 'do dɛ kɔ le nga.

Yeremi 38:17

Ma kɛ mi tɔ̃a hã Sedekiasi na, nwa ngɔ mɔ nyanga nza vɛ̃, Gale 'da obe Israɛlɛ tɔ̃a hã a na: “Fala kɛ mɔ hã tɛ mɔ hã ogã wi ngɔ osoda Babilɔnɛ, nɛ mɔ kpasa sɛ, nɛ wa fí sɛ we tɛ le gɛ gɔ. Nɛ mɔ do onu fɛlɛ kula 'da mɔ, nɛ kpasa sɛ.

Yeremi 39:13

Ma kɛ Nɛbuzaradanɛ, fala nɛ kpo do Nɛbusazabanɛ, wi ngɔ dɛa tonɔ 'da nwa, do Nɛrgalɛ-Sarɛsɛrɛ, gã wi ngɔ osodanɔ vɛ̃, do tala gele ogã wi ngɔ soda Babilɔnɛ,

EZEKIƐLƐ 26:10

Fumbɛlɛ olo gba gili mbalatanɔ ma kutu sɛ dɛ ngɔ. Nɛ 'da fala kɛ wa gbini sɛ nu ngboe ni, nɛ osoda kũ mbalatanɔ do ngilingilinɔ wa le sɛ do nu ngbo lenɔ ni, nɛ giti nyanga wa ma tana sɛ tɔanɔ.