Biblia Todo Logo
Bìoball air-loidhne

- Sanasan -




Yeremi 2:2 - WE NU GALE 1995

2 mi nɛ́, hã mi tɔ̃ to olo nu ɛ hã Owi kɔ le Yeruzalɛmɛ na: “Mi NWA, ta zu mi 'bana ngɔ tɛlɛ tɛ kɛ nɛ dɛ zi olo nu mi fai do 'da fala nɛ 'bana zi do be ni! Ta zu mi gba ngɔ tɛlɛ tɛ kɛ nɛ nda'ba zi tɛ nɛ do mi ni. Nɛ nɛ kɔ̃a zi mi ɔ nɛ kɛ wuko kɔ̃ do wili ɛ, kɛ a ba a 'da kala gɔ ni. Nɛ nɛ zi 'do mi tɛ li gba zɔ̃ i, tɛ ngɔ nùi kɛ kpalɛ kpo hɔ̀ tɛ nɛ gɔ ni.

Faic an caibideil Dèan lethbhreac




Yeremi 2:2
39 Iomraidhean Croise  

Nɛ nde tɛ mi ma gba sɛ ngɔ gba tɔkɛ, kɛ lɛ gba zi do mɔ ngɔ be tɛ mɔ ni, nɛ mi kpolo sɛ ma do gba tɔkɔ kɛ ma ɔ fai.


“Nɛ mi la 'bɔ do di ni, nɛ mi zɔ na, mɔ wia sabɛlɛ ba wili ia. Nɛ mi ba gã tulu ngɔ, nɛ mi kele do tɛ mɔ. Nɛ mi kpua mbulu ba ngba wi hã mɔ na, mi kɔ̃a gɛnɛ mɔ fai, nɛ mi ba mɔ do wuko. Mi nwa, mi tɔ̃a ni.


Nɛ nwa tɔ̃ 'bɔ hã mi na: “Mɔ nɛ́ hã mɔ tɔ̃ toe gɛ kɔ lenɔ ngɔ nù Yuda, do li walanɔ kɔ le Yeruzalɛmɛ na: ‘Nɛ zélé mbula kɔ gba tɔkɛ kɛ mi gba zi do nɛ ni, nɛ nɛ dɛ́ ma do wala olo nɛ.


Nɛ Mɔizɛ tɔ̃ 'bɔ na: “Tɛ nɛ tɛ èlè ngɔ kɛ NWA Gale 'da nɛ wila zi nu a tɛ mɛnɔ vɛ̃ nɛ dɛa ni gɔ. A zɔa mɔ tɛ nɛ li wala gɛnɛ 'da nɛ tɛ li gba zɔ̃ɛ gɛ. A zi fala nɛ kpo do nɛ gbaa 'do 'bu sabɛlɛ nalɛ, nɛ nɛ zɔ̀lɔ̀ mɔ kpo gɔ.


Mi hã sɛ etumbu hã a, we duzu ɛngganɔ kɛ a dungu zi, nɛ a gbɛ sa'de we dɔnggɔ do gale Bala, do ogele gale bɛlɛnɔ ni. A hi'da zi 'bɔ pɛtɛ do oiyaka, nɛ a yu 'do ogele wili, nɛ tɛ zu a ele ngɔ mi Gale. Mi NWA, mi tɔ̃a ni.”


Wa lènggè do mi nwa gɔ, nɛ wa áká mbe we mi gɔ. Ĩ na, mi a mi fua zi wa ngɔ nù Ezipeto dɛ nza, nɛ mi kpia ti wa tɛ li gba zɔ̃ i. Mi kpia ti wa tɛ li gba zɔ̃, tɛ ngɔ nùi kɛ gili butu kɛnzɛ kpia li wala nɛ. Mɛ a nù wɔ lì, do nù ngamɔ: Wele lá di ni gɔ, nɛ wele ɔ́ 'bɔ se'de gɔ.


Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.


Obe Israɛlɛ wa zɔa tɛlɛ tɛ ngawi 'da NWA Gale kɛ a bia ma dɛ ngɔ Oezipeto ni, nɛ wa kɔ̃a gɛnɛ to nwa 'da a, nɛ wa gbini zã wa do a, do wi dɛa toe 'da a Mɔizɛ.


Wi kɛ zala a boe, nɛ a zélé!


Nɛ mbe wele sanga gba gili winɔ ni aka Yezu na: “Wi be mɔ, mɔ tɔ̃́ hã nya mi, kɔ lɛ gɔnɔ sanga kpamɛnɔ kɛ baa lɛ la ma ni dɛ kɔ ngba lɛ do a.”


“Mɔ kúlú ngɔ, kɔ mɔ nɛ́ dɛ kɔ gã le Ninivɛ. Mɔ hɔ i mɔ, nɛ mɔ tɔ̃ hã winɔ kɔ le ni na, mi nɛ gɔnɔ ngbangga 'da wa, we kɛ 'dã mɛ 'da wa ma ngba mi do'do.”


NWA tɔ̃a na: “Nɛ dámá mɔtũlũ bolo! O'dã wi wa zĩlĩ sɛ dɛ ngɔ winɔ 'da mi, ɔ nɛ ziki zĩlĩ dɛ ngɔ sa'de ni. We kɛ owinɔ 'da mi wa yala gba tɔkɛ mi gba zi do wa ni do'do, nɛ wa bɛ̃a we zele mbulanɔ 'da mi.


Gɛnɛ kɔ na mɛ ni, nɛ nde a ɔmɔ tɛ dɛ ndumba gɔ, a 'danga dɛ dati 'danga fai, ɔ nɛ 'da fala a zi ngɔ be zɔnga tɛ̃ a tɛ ngɔ nù Ezipeto i ni.


Nɛ a yɛnggɛ makango dɛ dati, ɔ nɛ kɛ a ndua zi dɛ ma tɛ ngɔ nu Ezipeto i ni. Yolo ngɔ be zɔnga tɛ̃ a, a dɛa zi ndumba tɛ ngɔ nù Ezipeto. Nɛ owi wili wa ndua fa a, nɛ wa 'be bele a, nɛ wa ɔ do a dɛ di ni.


Wa 'bana zi be zɔnga iko, nɛ wa ndua dɛ ndumba tɛ ngɔ nù Ezipeto i. Nɛ owi wili wa ndua fa wa, nɛ wa 'be bele wa, nɛ wa ɔ do wa dɛ di ni.


'Da fala mɔ hã tɛ mɔ we dɛ ndumba ni, nɛ tɛ mɔ gbà ngɔ kɛ mɔ zi a be ni gɔ. Mɔ lènggè do 'da fala mɔ zi do wila tɛ mɔ, nɛ mɔ kindi zi tɛ mɔ zã tɔkɛ ni gɔ.


hã lɛ nɛ do wa tɛ nu ngboe wa sa li nɛ na “Ua kpana” tɛ kɔ gbangɔlɔ̃ Hinɔmɛ. Kɔ mi hɔ i mɔ, nɛ mi tɔ̃ toe ɛ nɛ tombo do mi ni hã winɔ.


NWA Gale tɔ́a hã wi gba olo nu a na: “Mɔ hé mɔ do nga gɛlɛ ɔ nɛ kɛ ma wia do mɔ ni. Mɔ zɛ́ nu mɔ ɔ nɛ mɔtũlũ ni, nɛ mɔ bé 'dã mɛ 'da owinɔ 'da mi, obe Israɛlɛ dɛ nza.


Aa nɛ, obe zɔnga kɔ le Yeruzalɛmɛ, nɛ tɛ́ hã nɛ zɔ́ nwa Salɔmɔ. A gu ndasa kɛ naa a gu zi zu a do ngba soe ba ngba wi 'da a ni, nɛ a do yangga sɔɛ gɛ wena.


Nɛ zélé sɛ, Hãzã nɛ wele we. A wele we do li walanɔ do li fandanɔ.


Nɛ, winɔ kɛ nɛ kɔ̃̀ gɛnɛ Gale ngboo gɔ gɛ, nɛ ĩ̀ na, wi kɛ a kɔ̃ gɛnɛ omɛnɔ nùi gɛ, nɛ nde a a wi sɛnɛ Gale ni gɔ nde? Wi kɛ a kɔ̃ gɛnɛ omɛnɔ nù gɛ ni, a hɔa wi sɛnɛ Gale ia.


Nɛ nde mi kɔ'dɔ nɛ we 'dã mɔ kpo: Nɛ 'bànà tɛ kɔ̃ gɛnɛ mi ɔ nɛ kɛ nɛ kɔ̃a zi do mi dati ni gɔ.


Zuma ga li wala gɛnɛ we nɛ dɛ Yeruzalɛmɛ. Aa nɛ, obe Israɛlɛ, nɛ tɔ̃̀ tɛlɛ tɛ kɛ yolo do be tɛ nɛ, owi sɛnɛ nɛ wa zɛlɛ do tɛ nɛ ni, hã lɛ zele. Nɛ obe Israɛlɛ wa gese na:


NWA ba nu a hã mi na,


“Nɛ ngangga ni, nɛ dɛ́ kili he mɔ do zu li mi gɔ, nɛ nɛ tɔ̃ na: ‘Mɔ a baa lɛ, nɛ yolo tɛ kɛ lɛ 'bana zi be ni, mɔ kɔ̃ zi lɛ wena!


Mba gɔ, naa wa dɛa mɔ sape, kɔ a ko do wa de. A tɔ̃a na: ‘Mi nɛ yu 'do Owi wilinɔ wa kɔ̃a mi ni. Wa a wa hã nyɔngɔmɔ do lì hã mi, nɛ wa a wa hã 'bɔ dia tulu, do nɔ yɔmbɔ, do dɔ̃ hã mi.’


NWA kɔ̃a gɛnɛ owinɔ 'da a, obe Israɛlɛ, nɛ a fɔmɔ owinɔ vɛ̃ kɛ wa a mɔ a ni. Ma kɛ lɛ gu nù dɛ ti nyanga a, nɛ lɛ zele ombulanɔ 'da a.


Mɛ mi zɔ ma li gba zɔ̃ i ɔ nɛ lɔnggɔ zɛ̃ we, nɛ ma tɛ tɛ nɛ ni a ge nde? Ngɔ nɛ ku kutu, nɛ ma unu de wena, ɔ nɛ odia yɔmbɔnɔ kpi do kpi kɛ wa oso ma ngɔ gele nùnɔ ni.


Mi gese sɛ fɔ vinɔnɔ 'da a hã a. Nɛ mi dɛ sɛ na, gbangɔlɔ̃ Akɔrɛ (gulu nɛ na: ‘Gbangɔlɔ̃ Ngamɔ’), ma hɔ li wala kpa do dia mɔ kɛ a gbini zã a do ma ni. Fala kɛ mi sa mɔ hã a, nɛ a kɔ̃ sɛ nu mi, ɔ nɛ kɛ a dɛ zi kɔ be zɔnga 'da a, do 'da fala a hɔa zi nza ngɔ nù Ezipeto ni.


NWA tɔ̃a na: “Kuti kɛ mi kpa zi nɛ, obe Israɛlɛ ni, ma dia zi ɔ nɛ mi kpa be ganza wala te vinɔ li go ni. Nɛ 'da fala kɛ mi zɔa zi oyaa nɛ ni, ma ɔ zi nɛ mi zɔa kuti wala te kɛ ma fila ngɔ te nɛ ni. Nɛ nde 'da fala oyaa nɛ wa nɛa we hɔ tɛ Bɛtɛ-Peɔrɛ ni, nɛ wa hã tɛ wa we dɔnggɔ gale Bala. Nɛ wa ngboo ni, wa dɛa mɔ sape ɔ nɛ galenɔ kɛ wa kɔ̃a gɛnɛ wa ni.


NWA tɔ̃a na: “'Da fala nu kpala obe Israɛlɛ ndua zi nɛ ni, nɛ mi kɔ̃a zi gɛnɛ wa, nɛ mi sa li wa na: Obenɔ 'da mi. Mi sa zi mɔ hã wa ngɔ nù Ezipeto i na, wa kulu ngɔ, hã wa si.


Lean sinn:

Sanasan


Sanasan