Yeremi 1:3 - WE NU GALE 1995

³ A wila 'bɔ we hã a do 'da fala kɛ Yoakimɛ, mbe be 'da Yoziasi zi a nwa ni. Dɛ 'do nɛ, nɛ NWA wila 'bɔ we hã a 'do ngbɛ ɛ do 'do ngbɛ e, gbaa we hɔ tɛ sabɛlɛ kɛ 'bu ngɔ nɛ kpo kɔ dɛa to nwa 'da Sedekiasi, mbe be 'da Yoziasi. Ma nɛa we hɔ tɛ zɛkɛ 'da mɔlɔ kɔ kpo sabɛlɛ ni, nɛ wa kala Owi kɔ le Yeruzalɛmɛ, nɛ wa'dɔlɔ wa.

Yeremi 1:3 Iomraidhean Croise

2 Onwanɔ 23:34

'Do ki ni, nɛ Neko saka Eliakimɛ, be 'da Yoziasi na, a dungu nwa olo baa a, nɛ a kpolo li a na Yoakimɛ. Nɛ a ba Yoakazɛ, nɛ a la do a dɛ ngɔ nù Ezipeto i, nɛ Yoakazɛ fia dɛ i mɔ.

2 Onwanɔ 24:17

'Do nɛ, nɛ Nabukɔdɔnɔzɔrɛ saka Matania, yamba Yoakinɛ na, a dungu nwa olo Yoakinɛ, nɛ a kpolo li Matania na Sedekiasi.

1 Sakonɔ 3:15

Nɛ Yoziasi kua obe nalɛ: Yohananɛ, Yoakimɛ, Sedekiasi, do Salumɛ.

Yeremi 1:4

NWA tɔ̃a we gɛ hã mi Yeremi na:

Yeremi 34:1

Nabukɔdɔnɔzɔrɛ, nwa ngɔ nù Babilonia kulu zi ngɔ do osodanɔ 'da a, mba do osodanɔ a kala wa tɛ ngɔ gele nùnɔ kɛ ma zi ti mbula 'da a ni, nɛ wa nɛ we bi le Yeruzalɛmɛ, do olenɔ kɛ zã nɛ ni.

Yeremi 35:1

'Da fala kɛ Yoakimɛ, be 'da Yoziasi zi a nwa ngɔ nù Yuda ni, nɛ nwa wila we hã mi na:

Yeremi 36:2

“Mɔ nɛ́, hã mɔ fa kasa ndala, nɛ mɔ kɔmɔ wenɔ vɛ̃ kɛ mi tɔ̃a zi hã mɔ si ngɔ Oisraɛlɛ, do Oyuda, do ogele winɔ vɛ̃ ni dɛ ngɔ nɛ. Mɔ kɔmɔ sɛ wenɔ vɛ̃ kɛ mi ndua zi tɔ̃ hã mɔ, yolo tɛ 'da fala dɛa to nwa 'da Yoziasi, gbaa we hɔ sɔɛ gɛ ni.

Yeremi 39:2

Kɔ ma nɛa we hɔ kɔ̃ zɛkɛ kusi, zɛkɛ 'da nalɛ, tɛ kɔ sabɛlɛ kɛ 'bu ngɔ nɛ kpo, kɔ dɛa to nwa 'da Sedekiasi tɛ ngɔ nù Yuda ni, nɛ osoda Babilɔnɛ wa gbo li holo zã ngboe.

ZAKARIA 7:5

mi tɔ̃ gisa nu we 'da a hã onganganɔ do owinɔ ngɔ nù gɛ vɛ̃ na: “'Do 'bu sabɛlɛ sambo, nɛ tɛ ala nu nɛ do bɛ̃ nyɔngɔmɔ fai do zɛkɛ 'da mɔlɔ, do zɛkɛ 'da sambo. Nɛ dɛ̀ na mɛ ni na, ma dɔnggɔ mi gɔ.

ZAKARIA 8:19

“Mi NWA, mi tɔ̃ hã nɛ Oyuda na, bɛ̃a nyɔngɔmɛ kɛ nɛ bɛ̃ do zɛkɛ 'da nalɛ, do zɛkɛ 'da mɔlɔ, do sambo, do zɛkɛ 'da 'bu kɔ sabɛlɛ ni, ma kifi sɛ ngba soe yangga we nɛ. Kɔ ma wia na, nɛ dɛ gbãlã we dɛa mɔ, nɛ nɛ fá we ɔ do dungu fio do ongba nɛ.”